حکومتِ پنجاب کا صوبے بھر میں 3 روزہ سرکاری تعطیلات کا اعلان، نوٹیفکیشن جاری
اشاعت کی تاریخ: 4th, February 2026 GMT
حکومتِ پنجاب نے فروری کے پہلے ہفتے میں 3روزہ سرکاری تعطیلات کا اعلان کر دیا ہے۔
سروسز اینڈ جنرل ایڈمنسٹریشن ڈیپارٹمنٹ (ویلفیئر ونگ) کی جانب سے جاری کردہ نوٹیفکیشن کے مطابق 5 فروری 2026 (جمعرات) کو یومِ یکجہتی کشمیر کے موقع پر صوبہ بھر میں عام تعطیل ہوگی۔
مزید برآں، حکومتِ پنجاب نے 6 فروری 2026 (جمعہ) کو بسنت کے موقع پر صوبے بھر میں سرکاری تعطیل کا اعلان کیا ہے۔ نوٹیفکیشن کے مطابق ان تعطیلات کا اطلاق پنجاب کے تمام سرکاری دفاتر، خودمختار اور نیم خودمختار اداروں پر ہوگا۔
یہ بھی پڑھیے: پنجاب میں ایک ساتھ 4 تعطیلات، مریم نواز کا عوام کے لیے اہم پیغام
اس سے قبل وزیراعلیٰ پنجاب مریم نواز نے کہا تھا کہ صوبے کے عوام کو آنے والی طویل ہفتہ وار تعطیلات مثبت انداز میں گزارنے اور خود کو تازہ دم کرنے کا موقع ملے گا۔ سماجی رابطے کی ویب سائٹ ’ایکس‘ پر جاری اپنے بیان میں وزیراعلیٰ نے کہا کہ پنجاب میں عوام 5 فروری کو یومِ کشمیر، 6 فروری کو بسنت کی صوبائی تعطیل کے ساتھ ہفتہ اور اتوار کی چھٹیوں سے بھرپور فائدہ اٹھا سکیں گے۔
وزیراعلیٰ نے عوام سے توقع ظاہر کی کہ وہ ان تعطیلات کو آرام، توانائی کی بحالی اور خوشگوار انداز میں گزاریں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پنجاب تعطیل چھٹی.
ذریعہ
ذریعہ: WE News
پڑھیں:
یو اے ای ویزا آن ارائیول کی نئی شرائط اور فیس جاری
دبئی: یو اے ای ویزا آن ارائیول سے متعلق متحدہ عرب امارات نے نئی شرائط، فیس اور درخواست کے طریقہ کار کی تفصیلات جاری کر دی ہیں۔ نئی ہدایات کے تحت مخصوص ممالک کے اہل شہری امارات پہنچنے پر 14 یا 60 روزہ ویزا حاصل کر سکیں گے، تاہم اس کے لیے مقررہ شرائط پر پورا اترنا لازمی ہوگا۔
دبئی کی جنرل ڈائریکٹوریٹ آف آئیڈینٹیٹی اینڈ فارنرز افیئرز (GDRFA) کے مطابق بھارت، انڈونیشیا، ویتنام، تھائی لینڈ، فلپائن، کینیا اور جنوبی افریقہ کے شہری، اور ان کے ہمراہ سفر کرنے والے اہل خانہ، اس سہولت سے فائدہ اٹھا سکتے ہیں۔
حکام کے مطابق درخواست گزار کے پاس کم از کم چھ ماہ کے لیے کارآمد پاسپورٹ، سفید پس منظر والی حالیہ رنگین تصویر اور امریکا، برطانیہ، یورپی یونین، کینیڈا، آسٹریلیا، نیوزی لینڈ، جاپان، جنوبی کوریا یا سنگاپور کی جانب سے جاری کردہ قابل قبول رہائشی پرمٹ یا ویزا ہونا ضروری ہے۔
اعلامیے کے مطابق 14 روزہ ویزا آن ارائیول کو صرف ایک مرتبہ مزید 14 دن کے لیے توسیع دی جا سکتی ہے، جبکہ 60 روزہ ویزا میں توسیع کی سہولت دستیاب نہیں ہوگی۔
جی ڈی آر ایف اے نے بتایا کہ ویزا کے لیے درخواست اس کی سرکاری ویب سائٹ یا اسمارٹ ایپ کے ذریعے جمع کرائی جا سکتی ہے۔ درخواست کی منظوری کے بعد ویزا رجسٹرڈ ای میل پر ارسال کیا جائے گا، جبکہ عام طور پر درخواستوں پر 48 گھنٹوں کے اندر کارروائی مکمل کر لی جاتی ہے۔
فیس کے حوالے سے جاری تفصیلات کے مطابق 14 روزہ ویزا آن ارائیول کی فیس 172.50 درہم جبکہ 60 روزہ ویزا کی فیس 422.50 درہم مقرر کی گئی ہے۔
جی ڈی آر ایف اے کا کہنا ہے کہ اس سہولت کا مقصد بین الاقوامی مسافروں کے لیے سفری عمل کو مزید آسان بنانا، سیاحت کو فروغ دینا اور زیادہ سے زیادہ سیاحوں کو متحدہ عرب امارات کی جانب راغب کرنا ہے۔
ادارے کے اعداد و شمار کے مطابق سال 2026 کے پہلے چھ ماہ کے دوران اس پروگرام کے تحت 73 ہزار 551 ویزے جاری کیے جا چکے ہیں، جو اس سہولت کی بڑھتی ہوئی مقبولیت کی نشاندہی کرتے ہیں۔
اہم وضاحت: جاری کردہ شرائط میں پاکستانی پاسپورٹ ہولڈرز شامل نہیں ہیں۔ یہ سہولت صرف ان مخصوص ممالک کے شہریوں کے لیے ہے جن کا جی ڈی آر ایف اے نے اعلان کیا ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار