پنجاب میں 4 روزہ چھٹیوں کا نوٹیفکیشن جاری
اشاعت کی تاریخ: 4th, February 2026 GMT
لاہور:
حکومت پنجاب نے صوبے میں 4 روزہ چھٹیوں کا نوٹیفکیشن جاری کردیا، جس کے مطابق 5 فروری سے 8 فروری تک تمام تعلیمی ادارے بند رہیں گے۔
حکومت پنجاب نے 5، 6 اور 7 فروری کی عام تعطیلات کے دو الگ الگ نوٹیفکیشنز جاری کردیے ہیں اور اتوار کو معمول کے مطابق چھٹی ہوگی۔
حکومت کی جانب سے جاری نوٹیفکیشن میں کہا گیا ہے کہ 5 فروری کو یوم کشمیر کے سلسلے میں صوبے بھر میں عام تعطیل ہوگی۔
نوٹیفیکشن میں کہا گیا ہے کہ 5 فروری کو صوبہ پنجاب میں یوم کشمیر منایا جائے گا اور اس مناسبت سے تقریبات کا اہتمام بھی کیا جائے گا۔
دوسرے نوٹیفکیشن کے مطابق پنجاب میں 6 اور 7 جمعہ اور ہفتے کو بھی عام تعطیلات ہوں گی اور پنجاب کے تعلیمی اور سرکاری ادارے 5 فروری سے 8 فروری تک بند رہیں گے۔
نوٹیفیکیشنز کے مطابق پنجاب میں اب تمام اسکول اور سرکاری ادارے پیر 9 فروری کو کھلیں گے۔
قبل ازیں وزیراعلیٰ پنجاب مریم نواز نے سماجی رابطے کی ویب سائٹ ایکس پر جاری پیغام میں لاہور اور پنجاب کے عوام کو 7 فروری کو لبرٹی چوک میں بسنت کا جشن منانے کی دعوت دی ہے۔
وزیراعلیٰ مریم نواز نے گزشتہ دنوں سوشل میڈیا پر اپنے پیغام میں کہا تھا کہ شہریوں کو پنجاب میں طویل ہفتہ وار چھٹیوں سے لطف اندوز ہونے کا موقع ملے گا۔
ان کا کہنا تھا کہ 5 فروری کو یوم کشمیر، 6 فروری کو صوبائی سطح پر بسنت کی چھٹی، اس کے بعد ہفتہ اور اتوار کی چھٹی ہوگی۔
.
ذریعہ
ذریعہ: Express News
پڑھیں:
شہباز شریف سمیت حکومتی شخصیات کو 21 تحائف ملے، توشہ خانہ کا ریکارڈ جاری
فوٹو: فائلوزیراعظم اور نائب وزیراعظم سمیت مختلف اعلیٰ حکومتی شخصیات کو 21 قیمتی تحائف ملے، کابینہ ڈویژن نے اپریل تا جون توشہ خانہ کا ریکارڈ جاری کردیا۔
کابینہ ڈویژن کے مطابق وزیراعظم اور نائب وزیراعظم توشہ خانہ تحائف وصول کرنے والوں میں شامل ہیں۔ وزیراعظم شہباز شریف کو ایک شوگر باؤل، قیمتی قلم، مسجد نبویﷺ کا ماڈل، شیلڈ اور ٹائی بطور تحفہ ملی۔
دستاویز کے مطابق وزیراعظم کو چینی خلائی اسٹیشن کا ماڈل، ایک کپ، گھڑی اور شیلڈ بھی بطور تحفہ ملی۔
دستاویز کے مطابق نائب وزیراعظم کو چمڑے سے بنا چینی بیلٹ، مصری اسٹیچو کا ماڈل اور کف لنکس بطور تحفہ ملے۔
دونوں اعلیٰ ترین حکومتی شخصیات نے حاصل ہونے والے تحائف توشہ خانہ میں جمع کرا دیے۔ کابینہ ڈویژن کے مطابق وزیراعظم اور نائب وزیراعظم کو ملنے والے تحائف کی قیمتوں کا تخمینہ لگایا جا رہا ہے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا