ڈزنی کا اگلا سی ای او کون؟ نام سامنے آگیا
اشاعت کی تاریخ: 4th, February 2026 GMT
دی والٹ ڈزنی کمپنی نے اعلان کیا ہے کہ اس کے تھیم پارکس ڈویژن کے سربراہ جوش ڈی امارو کو کمپنی کا نیا چیف ایگزیکٹو آفیسر (سی ای او) مقرر کر دیا گیا ہے۔ وہ 18 مارچ کو باب آئیگر کی جگہ عہدہ سنبھالیں گے، جو تقریباً دو دہائیوں تک دو مختلف ادوار میں ڈزنی کی قیادت کرتے رہے۔
کمپنی کے مطابق 54 سالہ جوش ڈی امارو کی تقرری بورڈ آف ڈائریکٹرز کے متفقہ فیصلے کے تحت کی گئی۔ بورڈ کے چیئرمین جیمز گورمن نے کہا کہ ڈی امارو میں متاثر کن قیادت، جدت پسندی، اسٹریٹجک ترقی کی صلاحیت اور ڈزنی برانڈ کے لیے گہرا جذبہ موجود ہے۔
یہ بھی پڑھیں: ڈزنی لینڈ میں افسوسناک واقعہ: جھولے کی سواری کے دوران 60 سالہ خاتون کا انتقال
جوش ڈی امارو گزشتہ 28 برسوں سے ڈزنی سے وابستہ ہیں اور اس وقت کمپنی کے سب سے بڑے کاروباری شعبے، پارکس اینڈ ایکسپیرینسز، کی نگرانی کر رہے ہیں۔ یہ شعبہ مالی سال 2025 میں 36 ارب ڈالر کی آمدنی حاصل کر چکا ہے اور دنیا بھر میں 12 تھیم پارکس اور 57 ریزورٹ ہوٹلز کے ذریعے ایک لاکھ پچاسی ہزار سے زائد افراد کو روزگار فراہم کر رہا ہے۔
ڈی امارو کی قیادت میں ’اسٹار وارز: گلیکسیز ایج‘ جیسے بڑے منصوبے مکمل کیے گئے جبکہ ابو ظہبی میں نئے تھیم پارک کے منصوبے پر بھی کام جاری ہے۔ اس کے علاوہ ڈزنی نے ایپک گیمز کے ساتھ شراکت داری کے تحت فورٹ نائٹ میں اپنے کرداروں کی شمولیت کا منصوبہ بھی شروع کیا۔
یہ بھی پڑھیں: دنیا کے 12ڈزنی پارکوں کی صرف 12دن میں سیر
باب آئیگر نے اپنے بیان میں جوش ڈی امارو کی تعریف کرتے ہوئے کہا کہ انہیں ڈزنی برانڈ کی فطری سمجھ اور سامعین کی پسند ناپسند کا گہرا ادراک حاصل ہے۔ اسی موقع پر ڈانا والڈن، جو ڈزنی انٹرٹینمنٹ کی شریک چیئرمین ہیں ان کو صدر اور چیف کری ایٹو آفیسر مقرر کیا گیا ہے جو ایک نیا عہدہ ہے۔ وہ براہ راست جوش ڈی امارو کو رپورٹ کریں گی اور کمپنی کے تخلیقی امور کی نگرانی کریں گی۔
کمپنی کے اعلامیے کے مطابق باب آئیگر دسمبر 2026 تک سینئر ایڈوائزر کے طور پر خدمات انجام دیتے رہیں گے جس کے بعد وہ ریٹائر ہو جائیں گے۔ آئیگر کے دورِ قیادت میں ڈزنی نے پکسر، مارول، لوکاس فلم اور 21st سنچری فاکس جیسے بڑے ادارے خریدے، چین میں شنگھائی ڈزنی ریزورٹ قائم کیا اور ڈزنی پلس اور ای ایس پی این پلس اسٹریمنگ سروسز کا آغاز کیا۔
یہ بھی پڑھیں: دنیا بھر میں بچوں میں مقبول مزاحیہ شو ’دی مپٹ‘ طویل وقفے کے بعد دوبارہ اسکرین پر، ٹریلر جاری
واضح رہے کہ باب آئیگر نے فروری 2020 میں سی ای او کے عہدے سے استعفیٰ دیا تھا اور باب چیپک کو ذمہ داریاں سونپی گئی تھیں تاہم کووڈ-19 کے دوران اختلافات کے بعد نومبر 2022 میں چیپک کو برطرف کر دیا گیا اور آئیگر دوبارہ سی ای او بن گئے۔
آئیگر کی واپسی کے بعد کمپنی نے اخراجات میں کمی، ہزاروں ملازمین کی چھانٹی، اور تنظیمی ڈھانچے میں اصلاحات کیں جبکہ اسٹریمنگ بزنس میں ہونے والے نقصانات پر قابو پانے کی کوششیں بھی کی گئیں۔
یہ بھی پڑھیں: دنیا کے سب سے زیادہ انسٹاگرام کیے جانے والے سیاحتی مقامات کون سے ہیں؟
یہ قیادت کی تبدیلی ایسے وقت میں ہو رہی ہے جب ڈزنی کو روایتی میڈیا اور ویڈیو اسٹریمنگ کے شعبوں میں سخت مسابقت اور دباؤ کا سامنا ہے۔ ڈزنی پلس کو 2019 میں نیٹ فلکس کے مقابلے کے لیے متعارف کرایا گیا تھا جسے منافع بخش بننے میں کئی سال لگے۔
ڈزنی اس کے ساتھ ساتھ مصنوعی ذہانت کے شعبے میں بھی قدم رکھ رہی ہے، جہاں دسمبر میں ایک تین سالہ لائسنسنگ معاہدہ کیا گیا ہے جس کے تحت صارفین مصنوعی ذہانت کے ذریعے ڈزنی کے مشہور کرداروں پر مبنی مختصر ویڈیوز تیار کر سکیں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
دی والٹ ڈزنی کمپنی ڈزنی.
ذریعہ
ذریعہ: WE News
کلیدی لفظ: دی والٹ ڈزنی کمپنی جوش ڈی امارو یہ بھی پڑھیں باب آئیگر کمپنی کے سی ای او کے بعد
پڑھیں:
جماعت اسلامی بنگلہ دیش کے رکنِ پارلیمنٹ کی نوجوان خاتون کے ساتھ نازیبا ویڈیو سامنے آگئی
لاہور(ڈیلی پاکستان آن لائن)جماعت اسلامی بنگلہ دیش کے رکنِ پارلیمنٹ کی نوجوان خاتون کے ساتھ نازیبا ویڈیو سامنے آنے پر تنازعہ کھڑا ہو گیا۔ پہلے تو اس ویڈیو کو فیک اور آرٹیفیشل انٹیلی جنس کی تخلیق بتایا گیا لیکن جب ویڈیو اصل نکل آئی تو ممتاز سینئیر سیاست دان نے دوسری شادی کرنے کا دعویٰ کیا۔ خاتون کے غیر شادی شدہ ہونے کی دستاویز نے سیاستدان کو زیادہ مشکل میں ڈال دیا۔ بنگلہ دیش کی پارلیمنٹ کے رکن، جماعت اسلامی بنگلہ دیش کے سینئیر سیاستدان غازی نذرالاسلام کی ایک نوجوان خاتون کے ساتھ ویڈیو وائرل ہونے کے بعد ایک کی مبینہ دوسری شادی کے معاملے پر تنازع ان کے دوسری شادی کا اعتراف کر لینے کے بعد کم نہیں ہوا۔ اب جماعت اسلامی نے اعلان کیا ہے کہ وہ اس سارے معاملہ کی تحقیقات کروا رہی ہے
عالمی منڈی میں خام تیل کی قیمت 100 ڈالر فی بیرل سے بھی تجاوز کر گئی
بنگلہ دیش کے میڈیا کے مطابق غازی نذرالاسلام کی سوشل میڈیا پر ایک نوجوان خاتون کے ساتھ ویڈیو وائرل ہو گئی تھی۔ پہلے تو ان کے حامیوں نے اس ویڈیو کو ڈیپ فیک اور آڑٹیفیشل انٹیلیجنس سے بنائی گئی ویڈیو قرار دیا، لیکن جب تنقید کرنے والے خاموش نہیں ہوئے تو بعض لوگوں نے اس ویڈیو کی سافٹ وئیرز کی مدد سے ویریفیکیشن کی۔ فیکٹ چیک کرنے والے ایک ادارے نے بتا دیا کہ ویکڈو بالکل اصلی ہے۔ نذر الاسلام کی نوجوان خاتون کے ساتھ ویڈیو کے مصنوعی ذہانت سے تیار ہونے یا اس میں کوئی تبدیلی کیے جانے کے شواہد نہیں مل۔ اس کے بعد لوگوں کی ساری توجہ ویڈیو میں شامل افراد اور ان کے باہمی تعلق پر مرکوز ہوگئی۔ جب سوشل میڈیا پر تنقید کافی برھ گئی تو جماعت اسلامی کے سینئیر سیاست دان اور رکن پارلیمنٹ نے ویڈیو کلپ میں اپنے ساتھ دکھائی دینے والی نوجوان خاتون کو اپنی بیوی قرار دے دیا۔ غازی نذرالاسلام نے اپنے بیان میں کہا کہ خاتون ان کی دوسری بیوی ہے اور ان کی شادی 17 جون کو دونوں خاندانوں اور ان کی پہلی بیوی کی رضامندی سے ہوئی تھی۔
چیئرمین یورپی یونین پاک فرینڈشپ فیڈریشن یورپ کی ہیوی انڈسٹریز ٹیکسلا کے چیئرمین سے ملاقات
نذر الاسلام نے یہ مؤقف اختیار کیا کہ اس وائرل ویڈیو کو خفیہ طور پر ریکارڈ کرکے بھتہ خوری اور سیاسی کردار کشی کےلیے منظرِ عام پر لایا گیا۔ جماعت اسلامی کے اس سینئیر رکنِ پارلیمنٹ کی پہلی بیوی نے اس موقع پر شوہر کا ساتھ دیا اور ایک ویڈیو بیان میں اپنے عمر رسیدہ شوہر کے مؤقف کی تصدیق کی کہ ان کے شوہر نے نوجوان لڑکی مریم بیگم سے دوسری شادی کرلی ہے۔ مریم بیگم نے بھی ایک علیحدہ ویڈیو میں خود کو غازی نذرالاسلام کی بیوی قرار دیتے ہوئے کہا کہ شادی 17 جون کو دونوں خاندانوں اور نذر الاسلام کی پہلی بیوی کی موجودگی میں ہوئی تھی۔
پی سی بی نے ڈومیسٹک کرکٹ کے نئے سیزن کا شیڈول جاری کر دیا
بنگلہ دیشی میڈیا میں سامنے آنے والی رپورٹوں کے مطابق غازی نذرالاسلام اور ان کے خاندان کی تصدیق کے باوجود سوشل میڈیا پر خاتون مریم بیگم سے متعلق قانونی دستاویزات منظر عام پر آئی ہیں، جن کی آزادانہ تصدیق نہیں ہوسکی اور نہ ہی رکن پارلیمنٹ یا خاتون اور ان کے اہلخانہ نے دستاویز ات میں موجود تضاد پر کوئی وضاحت دی ہے۔ شادی کے پانچ دن بعد نذر الاسلام نے بیوی کو کنوارا ظاہر کر کے اسکی سرکاری نوکری کی سفارش کی؟ ایک دستاویز میں نذر السلام کے ساتھ نظز آنے والی لڑکی مریم کی ازدواجی حیثیت ’غیر شادی شدہ‘ درج ہے اور اس دستاویز پر غازی نذرالاسلام کی جانب سے 22 جون، یعنی اپنی بتائی ہوئی مبینہ شادی کی تاریخ کے پانچ روز بعد، سرکاری ملازمت کے لیے سفارش بھی موجود دکھائی دیتی ہے۔
دہشتگردی کے خاتمے تک فتنۃ الخوارج و فتنۃ الہندوستان کے خلاف کارروائیاں جاری رہیں گی، فیلڈ مارشل
بنگلہ دیش کے میڈیا کے مطابق یہ خاتون سرکاری ملازمت کی خواہاں تھیں اور غازی نذرالاسلام نے ان کی درخواست کی سفارش کی تھی۔ غازی نذرالاسلام نے ان تمام کہانیوں نظر انداز کرتے ہوئے ایک اور پیچیدہ کہانی سے پردہ اٹھا دیا جو دال میں کافی کچھ کالا ہونے کی نشاندہی کرتی ہے۔ عمر رسیدہ سیاستدان نذر الاسلام نے یہ دعویٰ کیا کہ 13 جولائی کو وہ ڈھاکا کے موگ بازار میں ایک دفتر گئے تھے جہاں ان کی دونوں بیویاں بھی موجود تھیں۔
نذر الاسلام نے الزام لگایا کہ ڈرائیور، دوسری کے ماموں اور چند نامعلوم افراد نے انہیں یرغمال بنا کر ایک لاکھ ٹکا بھتہ وصول کیا، ان لوگوں نے نذر الاسلام کے بقول مزید رقم کا مطالبہ کیا اور ان لوگوں نے ہی ان کی مریم کے ساتھ خفیہ طور پر نجی ویڈیو ریکارڈ کرکے بعد میں سوشل میڈیا پر پھیلا دی۔ نذر الاسلام کے اس دعوے میں کمزوری یہ ہے کہ ویڈیو کلپ مین نذر الاسلام کو اس خاتون کے ساتھ اپنے کمرے میں بیٹھے اور بوس و کنار کرتے دیکھا جا سکتا ہے۔ لوگ یہ سوال کر رہے ہیں کہ بازار کے کسی دفتر میں یرغمال بنا کر بھتہ لینے والوں کی رسائی ان کے گھر کے کمرے تک کیسے تھی۔
پاکستان نے کابل فضائی حملوں پر ایمنسٹی انٹرنیشنل کی رپورٹ مسترد کر دی
اس سکینڈل کے سوشل میڈیا اور میڈیا میں بہت زیادہ ڈسکس ہونے کے بعد آخر کار جماعت اسلامی بنگلہ دیش نے کہا ہے کہ وہ اس سارے معاملے کی معلومات اکٹھی کر رہی ہے اور حقائق سامنے آنے کے بعد تنظیم کے اندر تادیبی کارروائی کا فیصلہ کیا جائے گا۔ جماعت اسلامی کے اسسٹنٹ سیکریٹری جنرل احسان الحق محبوب زبیر کے مطابق پارٹی میڈیا رپورٹس، رکنِ پارلیمنٹ، ان کی دونوں بیویوں اور خاتون کے والد کے بیانات کا جائزہ لے رہی ہے۔
مزید :
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا