اسلام آباد ایئرپورٹ کی آؤٹ سورسنگ نہ ہو سکی، ذمہ داری وزارت نجکاری کو سونپ دی گئی، خواجہ آصف
اشاعت کی تاریخ: 4th, February 2026 GMT
اسلام آباد انٹرنیشنل ایئرپورٹ کی آؤٹ سورسنگ سے متعلق حکومتی کوششوں میں اب تک کوئی حتمی پیش رفت نہ ہو سکی ہے، حکومت کی جانب سے ایئرپورٹ کو آؤٹ سورس کرنے کے لیے مختلف آپشنز پر غور کیا گیا، تاہم مطلوبہ نتائج حاصل نہ ہو سکے جس پر یہ معاملہ اب وزارتِ نجکاری کے سپرد کر دیا گیا ہے۔
وزیرِ دفاع خواجہ محمد آصف نے سینیٹر شہادت اعوان کے سینیٹ میں کیے گئے سوال کا تحریری جواب دے دیا۔ سوال میں استفسار کیا گیا تھا کہ آیا حکومت اسلام آباد انٹرنیشنل ایئرپورٹ کو آؤٹ سورس کرنے کی کسی تجویز پر غور کر رہی ہے، اور اگر ایسا ہے تو اس کی وجوہات اور متوقع فوائد کیا ہوں گے۔
یہ بھی پڑھیے: اسلام آباد ایئرپورٹ آؤٹ سورس: موجودہ ملازمین کہاں جائیں گے؟
خواجہ آصف نے تحریری جواب میں بتایا کہ حالیہ آؤٹ سورسنگ عمل کے دوران ابتدائی طور پر حکومت نے پبلک پرائیویٹ پارٹنرشپ کی بنیاد پر اوپن اور مسابقتی بولی کے ذریعے ایئرپورٹ آؤٹ سورس کرنے کی کوشش کی۔ تاہم اس عمل میں صرف ایک ہی بولی موصول ہوئی، جسے ریزرو پرائس کے معیار پر پورا نہ اترنے کی بنیاد پر مسترد کر دیا گیا، یوں یہ کوشش کامیاب نہ ہو سکی۔
وزیرِ دفاع کے مطابق اس کے بعد حکومت نے گورنمنٹ ٹو گورنمنٹ بنیاد پر آؤٹ سورسنگ کا آپشن اپنایا، جو انٹر گورنمنٹل کمرشل ٹرانزیکشن ایکٹ 2022 کے تحت کیا گیا، مگر یہ طریقہ کار بھی نتیجہ خیز ثابت نہ ہو سکا۔
جواب میں مزید بتایا گیا کہ ان تمام ناکام کوششوں کے بعد اب اسلام آباد انٹرنیشنل ایئرپورٹ کی آؤٹ سورسنگ کا معاملہ باضابطہ طور پر وزارتِ نجکاری کے حوالے کر دیا گیا ہے، جو آئندہ لائحہ عمل طے کرے گی۔
یہ بھی پڑھیے: اسلام آباد ایئرپورٹ نے مسافروں کی شکایات کے ازالے کے لیے کیو آر کوڈ متعارف کرادیا
ذرائع کے مطابق حکومت ایئرپورٹس کی آؤٹ سورسنگ کو مالی وسائل میں بہتری، انتظامی کارکردگی کے فروغ اور بین الاقوامی معیار کی سہولیات کی فراہمی کے لیے اہم قرار دیتی ہے، تاہم عملی سطح پر بولی کے معیار اور شفافیت سے متعلق چیلنجز تاحال حائل ہیں۔
وزارتِ نجکاری کو منتقلی کے بعد امکان ہے کہ ایئرپورٹ کی نجکاری ہو سکے گی البتہ اسلام آباد ایئرپورٹ کی آؤٹ سورسنگ کا معاملہ ابھی ابتدائی مراحل میں ہے، اداروں اور قومی اثاثوں کی نجکاری کی فہرست میں ابھی تک اسلام آباد ایئرپورٹ کو شامل نہیں کیا گیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آؤٹ سورسنگ اسلام آباد ایئرپورٹ پی آئی اے نجکاری.
ذریعہ
ذریعہ: WE News
کلیدی لفظ: اسلام آباد ایئرپورٹ پی ا ئی اے نجکاری ایئرپورٹ کی آؤٹ سورسنگ اسلام آباد ایئرپورٹ کیا گیا کے لیے
پڑھیں:
قادر آباد بیراج پر اونچے درجے کا سیلاب، چناب میں پانی کا بہاؤ بڑھ گیا
محکمہ انہار کے مطابق قادر آباد بیراج پر پانی کی آمد 2 لاکھ 45 ہزار 234 کیوسک جبکہ اخراج 2 لاکھ 41 ہزار 415 کیوسک ریکارڈ کیا گیا، جہاں اونچے درجے کا سیلاب ہے۔ اسلام ٹائمز۔ دریائے چناب میں پانی کے بہاؤ میں اضافے کے بعد قادر آباد بیراج پر اونچے جبکہ مرالہ اور خانکی بیراج پر درمیانے درجے کا سیلاب ریکارڈ کیا گیا ہے۔ محکمہ انہار کے مطابق ہیڈ مرالہ پر پانی کی آمد ایک لاکھ 95 ہزار 856 کیوسک جبکہ اخراج ایک لاکھ 60 ہزار 108 کیوسک ریکارڈ کیا گیا، جہاں درمیانے درجے کا سیلاب ہے اور پانی کے بہاؤ میں اضافہ ہو رہا ہے۔
خانکی بیراج پر پانی کی آمد ایک لاکھ 65 ہزار 438 کیوسک اور اخراج ایک لاکھ 60 ہزار 108 کیوسک ریکارڈ کیا گیا، جہاں نچلے سے درمیانے درجے کا سیلاب ہے۔ محکمہ انہار کے مطابق قادر آباد بیراج پر پانی کی آمد 2 لاکھ 45 ہزار 234 کیوسک جبکہ اخراج 2 لاکھ 41 ہزار 415 کیوسک ریکارڈ کیا گیا، جہاں اونچے درجے کا سیلاب ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار