لندن: پارک سے برطانوی باکسنگ چیمپئن ٹیڈی بالڈوک کا مجسمہ چوری
اشاعت کی تاریخ: 4th, February 2026 GMT
ایسٹ لندن کے علاقے پوپلر میں واقع لینگڈن پارک کے باہر نصب برطانوی باکسنگ چیمپئن ٹیڈی بالڈوک کا کانسی کا مجسمہ چوری ہو گیا، جس کی مالیت تقریباً 1 لاکھ پاؤنڈ بتائی جا رہی ہے۔
چوروں نے مجسمے کو ٹخنوں سے کاٹ کر علیحدہ کیا اور جائے وقوع پر صرف باکسر کے جوتے چھوڑ گئے، واقعے کے بعد میٹروپولیٹن پولیس نے تحقیقات شروع کر دی ہیں۔
میٹ پولیس کے ترجمان کے مطابق افسران ذمے دار افراد کی شناخت کے لیے تحقیقات کر رہے ہیں اور دستیاب ہر ممکن راستے پر کام جاری ہے، تاحال کسی کی گرفتاری عمل میں نہیں آئی۔
دوسری جانب ٹاور ہیملٹس کونسل جو اس پارک کی نگرانی کرتی ہے نے اپنے بیان میں کہا ہے کہ پولیس تحقیقات کے حصے کے طور پر سی سی ٹی وی فوٹیج کا جائزہ لیا جا رہا ہے تاکہ مجسمہ تلاش کیا جا سکے اور ملزمان کو گرفتار کیا جا سکے۔
مشہور باکسر کے پوتے مارٹن نے اس واردات کی شدید مذمت کرتے ہوئے سوشل میڈیا پر اپیل میں کہا ہے کہ میں مکمل طور پر دل شکستہ ہوں، گزشتہ رات میرے دادا کا مجسمہ پوپلر، ایسٹ لندن سے چوری کر لیا گیا، ذمہ دار افراد کے خلاف میرے غصے کو الفاظ میں بیان نہیں کیا جا سکتا۔
انہوں نے عوام سے اپیل کی ہے کہ مجسمے کی تلاش میں مدد کریں، تاہم انہیں خدشہ ہے کہ کہیں یہ مجسمہ اسکریپ دھات کے طور پر پگھلا نہ دیا گیا ہو۔
واضح رہے کہ مارٹن نے ہی 2014ء میں اس مجسمے کی تنصیب کے لیے مہم چلائی تھی اور ایک لاکھ پاؤنڈ جمع کیے تھے۔
یاد رہے کہ ٹیڈی بالڈوک نے 1927ء میں محض 19 سال کی عمر میں بینٹم ویٹ کیٹیگری میں عالمی ٹائٹل جیت کر برطانیہ کے کم عمر ترین باکسنگ چیمپئن ہونے کا اعزاز حاصل کیا تھا۔
.
ذریعہ
ذریعہ: Daily Mumtaz
پڑھیں:
مون سون کا طاقتورسپیل ، جھل تھل ایک ہوگیا،2 وکلاء کے چیمبر گرگئے
لاہور سمیت ملک کے مختلف علاقوں میں ہونےوالی مون سون کی بارش نے جل تھل ایک کردیا۔لاہور میں مون سون کا سپیل زور شور سے جاری ہے اورعلی الصبح سے ہونے والی موسلا دھار بارش سے نشیبی علاقے زیرآب آگئے ہیں۔واسا لاہور کی جانب سے اب تک ہونے والی بارش کا ریکارڈ جاری کردیاگیاہے جس کے مطابق جیل روڈمیں 28.5، ایئرپورٹ میں 263، ہیڈ آفس گلبرگ میں 52، لکشمی چوک میں 25، اپر مال کے علاقے میں 114.4، مغلپورہ میں 129، تاجپورہ میں 155، نشتر ٹاؤن میں 56.4، چوک ناخدا میں 62، پانی والا تالاب میں 27.2، فرخ آباد میں 23.4، گلشن راوی میں 18، اقبال ٹاؤن میں 54.2، سمن آبادمیں 32، جوہر ٹاؤن میں 81، ڈیفنس روڈ میں 45، شادی پورہ میں 132.4 ، سگیاں میں 22.2اور مناواں میں 106 ملی میٹر بارش ریکارڈ کی گئی،سب سے زیادہ 263 ملی میٹر بارش ائیر پورٹ پر ریکارڈ کی گئی ہے ۔لاہور میں ہونےوالی موسلادھار بارش سےسیشن کورٹ میں سینئر قانون دان پیر مسعود چشتی سمیت2 وکلاء کے چیمبر گرگئے،پیر مسعود چشتی کا چیمبر کافی عرصے سے خالی پڑاتھا،چیمبر کی چھت بارش کے پانی کا بوجھ برداشت نہ کر سکی اورگرگئی،شدید بارش کی وجہ سے ماتحت عدالتوں میں سائلین نہ پہنچ سکے۔ دوسری طرف آئی جی پنجاب نے پولیس کو حادثات اور ناگہانی صورتحال میں امدادی سرگرمیوں میں شرکت کی ہدایت کرتے ہوئے کہاہے کہ پولیس افسران اور اہلکار بارش سے متاثرہ علاقوں میں انتہائی مستعد ہو کر ڈیوٹی انجام دیں،سپروائزری پولیس افسران بارش زدہ علاقوں میں امدادی سرگرمیاں خود مانیٹر کریں، بارش کے مزید امکانات کے پیش نظر پولیس افسران اور اہلکار الرٹ رہیں،کسی بھی ہنگامی صورتحال میں فوری ریسپانڈ کریں۔ملک کے دوسرے حصوں کی طرح ضلع خیبر کے باڑہ اور جمرود کے علاؤہ وادی تیراہ کے پہاڑوں پر بھی ہونے والی بارش سے موسم خوشگوارہوگیا لیکن ندی نالوں میں طغیانی اور دریائے باڑہ میں درمیانے درجے کا سیلاب ہے ،جولائی کے مہینے میں دسمبر جیسے سردی محسوس کی جارہی ہے،پہاڑی علاقوں میں بارش سے ندی نالوں میں طغیانی آگئی ہے،ضلعی انتظامیہ اور ریسکیو کی جانب سے حفاظتی انتظامات مکمل کرلئے گئے ہیں جبکہ ندی نالوں کے قریب جانے پر پابندی کی خلاف ورزی پر دوافرادکو گرفتار بھی کرلیاگیاہے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا