متحدہ عرب امارات میں جائیدادیں رکھنے والے پاکستانیوں کیلئے اہم خبر
اشاعت کی تاریخ: 4th, February 2026 GMT
ویب ڈیسک: قومی احتساب بیورو (نیب) کے ڈپٹی چیئرمین سہیل ناصر نے کہا ہے کہ یو اے ای کے محکمہ انصاف کے ساتھ معاہدہ جلد طے پا رہا ہے، جس کے بعد متحدہ عرب امارات میں پاکستانیوں کی جائیدادوں سے متعلق اہم پیش رفت سامنے آئے گی۔
اسلام آباد میں میڈیا بریفنگ کے دوران سہیل ناصر نے کہا کہ نیب پر عوام، بیوروکریسی، بزنس کمیونٹی اور پارلیمنٹیرینز کا اعتماد بحال ہو چکا ہے۔ انہوں نے اعتراف کیا کہ ماضی میں نیب کو شدید تنقید کا سامنا رہا، تاہم اب احتساب کے عمل میں عزتِ نفس کے تحفظ کو یقینی بنایا جا رہا ہے۔ انہوں نے کہا کہ بیرون ملک کرپشن سے متعلق جائیدادوں کی تفصیلات حاصل کرنا اور رقوم کی ریکوری ایک مشکل عمل ہے، کیونکہ کئی ممالک تعاون نہیں کرتے۔ منی لانڈرنگ کے ذریعے بیرون ملک منتقل کی گئی رقوم کی واپسی بھی ایک بڑا چیلنج ہے۔
مریم اورنگزیب کا رات گئےاندرونِ شہر کا دورہ، بسنت انتظامات کا جائزہ لیا
ڈی جی نیب امجد مجید اولک نے بریفنگ میں بتایا کہ نیب میں جعلی درخواستوں اور بلیک میلنگ کا خاتمہ کر دیا گیا ہے، جبکہ افسران کے احتساب کے لیے اندرونی احتسابی سیل قائم کیا گیا ہے جو تمام ریجنل دفاتر میں فعال ہے۔ انہوں نے بتایا کہ 2025 میں نیب نے 6 ٹریلین روپے سے زائد کی ریکوری کی، جس میں اسلام آباد، کوہستان اور دیگر بڑے اسکینڈلز شامل ہیں۔ گلبرگ اسلام آباد میں کرپشن سے تعمیر کیا گیا ایک پرتعیش گھر بھی تحویل میں لے لیا گیا ہے، جبکہ جنگلاتی اور سرکاری اراضی کی بڑے پیمانے پر ریکوری کی گئی۔
پھلوں کی آج کی ریٹ لسٹ -04 فروری، 2026
ڈی جی نیب کے مطابق یو اے ای کے ساتھ معاہدے کے بعد بیرون ملک پاکستانی اثاثوں سے متعلق پیش رفت جلد عوام کے سامنے لائی جائے گی۔
.
ذریعہ
ذریعہ: City 42
پڑھیں:
محکمہ موسمیات نے تیزہواؤں اور گرج چمک کیساتھ بارش کی پیش گوئی کردی
اسلام آباد(ڈیلی پاکستان آن لائن)محکمہ موسمیات نے وفاقی دارالحکومت سمیت ملک کے بیشتر حصوں میں بارش کی پیش گوئی کردی۔رپورٹ کے مطابق بدھ کے روزاسلام آباد اور گردونواح میں مطلع جزوی ابر آلود رہنے کے علاوہ تیزہواؤں/آندھی چلنے اور گرج چمک کے ساتھ بارش (بعض مقامات پر تیز بارش / ژالہ باری )کی توقع ہے۔ خیبرپختونخواکے بیشتر اضلاع دیر، چترال، سوات، کوہستان، مالاکنڈ، باجوڑ، شانگلہ، بٹگرام، بونیر، کوہاٹ، بنوں، ڈیرہ اسماعیل خان، مہمند، خیبر، وزیرستان، اورکزئی، مانسہرہ، ایبٹ آباد، ہری پور، پشاور، مردان، ہنگو اور کرم میں کہیں کہیں تیز ہواؤں اور گرج چمک کےساتھ وقفے وقفے سے بارش (بعض مقامات پر موسلادھار بارش اور ژالہ باری ) کا امکان ہے۔
وفاقی بجٹ کب پیش کیا جائےگا؟ ارکان پارلیمنٹ نے بتا دیا
پنجاب کے بیشتر اضلاع راولپنڈی، مری، گلیات، اٹک، چکوال، جہلم، منڈی بہاؤالدین، گجرات، گوجرانوالہ، حافظ آباد، وزیرآباد، لاہور، شیخوپورہ، سیالکوٹ، نارووال، ساہیوال، جھنگ، ٹوبہ ٹیک سنگھ، ننکانہ صاحب، چنیوٹ، فیصل آباد، اوکاڑہ، قصور، خوشاب، سرگودھا، بھکر ، میانوالی، بہاولپور، بہاولنگر، ڈیرہ غازی خان، ملتان، خانیوال، لودھراں، مظفرگڑھ، راجن پور، رحیم یار خان اور لیہ میں کہیں کہیں تیز ہواؤں/آندھی اورگرج چمک کے ساتھ بارش (بعض مقامات پر تیز بارش اور ژالہ باری )کی توقع ہے۔بلوچستان کے بیشتر اضلاع میں موسم گرم اورخشک جبکہ جنوبی اضلاع میں شدیدگرم رہنے کی توقع۔تاہم شمال مشرقی اضلاع میں مطلع جزوی ابر آلود رہنے کے علاوہ کوئٹہ، ژوب، شیرانی، زیارت، چمن، قلعہ عبداللہ، قلعہ سیف اللہ، بارکھان ، ڈیرہ بگٹی ، نصیر آباد، کوہلو، موسیٰ خیل، خضدار اور گردونواح میں چند مقامات پر تیز ہواؤں/آندھی اورگرج چمک کے ساتھ بارش کا امکان ہے۔
بارشوں اور گلیشیئرز کے پگھلاؤ کے باعث شمالی علاقوں میں لینڈ سلائیڈنگ کا خطرہ، این ڈی ایم اے کا الرٹ جاری
سندھ کے بیشتر اضلاع میں موسم شدید گرم اور خشک رہے گا ۔ تاہم بالائی سندھ (سکھر، لاڑکانہ، جیکب آباد، دادو، گھوٹکی، کشمور، شکارپور) میں تیز ہواؤں/آندھی اورگرج چمک کے ساتھ بارش کا امکان ہے۔کشمیر اور گلگت بلتستان میں مطلع جزوی ابر آلود رہنے کے علاوہ تیز ہواؤں اور گرج چمک کے ساتھ بارش کا امکان ہے۔ آج زیادہ سے زیادہ درجہ حرارت نوکنڈی، سبی 48، دالبندین 47اور دادو میں 45 ڈگری سینٹی گریڈ ریکارڈ کیا گیا۔
مزید :
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ