گنیز ورلڈ ریکارڈز نے سلطان گولڈن کے 2 نئے عالمی ریکارڈ تسلیم کر لیے
اشاعت کی تاریخ: 4th, February 2026 GMT
گنیز ورلڈ ریکارڈز نے منگل کے روز بلوچستان کے دارالحکومت کوئٹہ میں ہونے والے ایک اسٹنٹ شو کے دوران سلطان گولڈن کی قائم کردہ 2 عالمی ریکارڈز کو باضابطہ طور پر تسلیم کر لیا ہے۔
گنیز ورلڈ ریکارڈز کے مطابق سلطان گولڈن نے 13 دسمبر 2025 کو ایک میل کا فاصلہ الٹی سمت یعنی ریورس گیئر میں صرف 57 سیکنڈ میں طے کرکے طویل ترین ریورس ڈرائیو کا نیا عالمی ریکارڈ قائم کیا۔
یہ بھی پڑھیں: سلطان محمد گولڈن نے ریورس ڈرائیونگ کا نیا ریکارڈ اپنے نام کرلیا
اس کے علاوہ انہوں نے 121.
ادارے نے اعلان کیا کہ ویڈیو کلپس اور ڈرون فوٹیج سمیت تمام تکنیکی شواہد کا بغور جائزہ لیا گیا، جس کے بعد دونوں ریکارڈز کو تسلیم کر لیا گیا۔
گنیز ورلڈ ریکارڈز نے اپنے بیان میں کہا کہ شواہد کی تصدیق کے بعد سلطان محمد خان کو باضابطہ طور پر نئے ریکارڈ ہولڈر کے طور پر تسلیم کر لیا گیا ہے۔
???? BREAKING NEWS ????
???????? History Made!
Sultan Muhammad Khan has officially been declared a Guinness World Records holder ????
???? Two records attempted on 13 Dec 2025:
• Longest Reverse Car Jump
• Fastest Mile Driven in Reverse pic.twitter.com/2HGxiUKRTj
— Dilwash Baloch (@Dilwash92) February 3, 2026
ادارے کے مطابق ریکارڈ سرٹیفکیٹس روانہ کر دیے گئے ہیں، جو 20 فروری 2026 تک موصول ہو جائیں گے۔
اپنی پہلی کوشش میں سلطان گولڈن نے ایک امریکی اسٹنٹ مین کا قائم کردہ ریکارڈ توڑا، جس نے 2022 میں ایک میل کا فاصلہ ریورس میں ایک منٹ 15 سیکنڈ میں طے کیا تھا۔
سلطان گولڈن نے یہی فاصلہ صرف 57 سیکنڈ میں مکمل کر کے شائقین سے زبردست داد وصول کی۔
مزید پڑھیں: سلطان محمد گولڈن نے ریورس ڈرائیونگ کا نیا ریکارڈ اپنے نام کرلیا
بلوچستان کے ضلع پشین سے تعلق رکھنے والے سلطان گولڈن نے اس کامیابی پر اکتفا نہیں کیا اور جلد ہی ایک اور عالمی ریکارڈ کی کوشش کے لیے دوبارہ ٹریک پر آئے۔
انہوں نے 121.72 فٹ کا ریورس ریمپ جمپ کامیابی سے مکمل کیا، جو ایک نیا عالمی ریکارڈ ہے۔
اس سے قبل طویل فاصلے کے ریورس ریمپ جمپ کا عالمی ریکارڈ 89 فٹ 3.25 انچ تھا، جسے سلطان گولڈن نے واضح فرق سے عبور کرکےحاضرین سے بھرپور داد و تحسین وصول کی۔
مزید پڑھیں: پاکستان میں پہلی بار بغیر ڈرائیور کے کار کی کامیاب ٹیسٹ ڈرائیو
2 نئے عالمی ریکارڈز قائم کرنے کے بعد بلوچستان کے وزیر اعلیٰ سردار سرفراز بگٹی اور گورنر بلوچستان نے سلطان گولڈن سے ملاقات میں انہیں اس شاندار کارنامے پر مبارکباد دی۔
اس اسٹنٹ شو میں وزیر اعلیٰ بلوچستان، گورنر، اور متعدد سول و عسکری حکام نے شرکت کی، جو حالیہ برسوں میں پاکستان میں ہونے والے نمایاں ترین اسٹنٹ ڈرائیونگ ایونٹس میں شمار کیا جا رہا ہے۔
سلطان گولڈن موٹر کار اور موٹر سائیکل اسٹنٹس میں اپنی مہارت کے باعث پہلے ہی خاص شہرت رکھتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسٹنٹ اسٹنٹ مین بلوچستان پشین ڈرون فوٹیج ریکارڈ ہولڈر ریورس ڈرائیو ریورس گیئر سرفراز بگٹی سلطان گولڈن گنیز بک آف ریکارڈز گنیز ورلڈ ریکارڈز
ذریعہ
ذریعہ: WE News
کلیدی لفظ: بلوچستان ڈرون فوٹیج ریکارڈ ہولڈر ریورس ڈرائیو ریورس گیئر سرفراز بگٹی سلطان گولڈن گنیز بک آف ریکارڈز گنیز ورلڈ ریکارڈز گنیز ورلڈ ریکارڈز سلطان گولڈن نے عالمی ریکارڈ تسلیم کر
پڑھیں:
پنجاب میں پہلی بار سیلاب کی پیشگی اطلاع کیلئے ڈرون مانیٹرنگ شروع
حکام کے مطابق تمام بیراجوں، دریاؤں اور ہیڈ ورکس کی سیف سٹی ڈرون سرویلنس کے ذریعے نگرانی کی جا رہی ہے تاکہ پانی کی سطح اور ممکنہ سیلابی ریلوں کی بروقت نشاندہی کی جا سکے۔ اسلام ٹائمز۔ وزیراعلیٰ پنجاب مریم نواز شریف کی ہدایت پر صوبے میں پہلی مرتبہ سیلاب کی پیشگی اطلاع اور نگرانی کے لیے ڈرون مانیٹرنگ کا آغاز کر دیا گیا۔ حکام کے مطابق تمام بیراجوں، دریاؤں اور ہیڈ ورکس کی سیف سٹی ڈرون سرویلنس کے ذریعے نگرانی کی جا رہی ہے تاکہ پانی کی سطح اور ممکنہ سیلابی ریلوں کی بروقت نشاندہی کی جا سکے۔
ڈرون مانیٹرنگ کے دوران جھنگ کے تریموں بیراج میں پانی کی سطح معمول کے مطابق ریکارڈ کی گئی جبکہ پاکپتن میں دریائے راوی اور ستلج میں سیلابی صورتحال، پانی کی آمد اور دریائی کناروں پر کٹاؤ کا جائزہ لیا گیا، جہاں پانی کا بہاؤ معمول کے مطابق رہا۔
سرگودھا میں دریائے چناب پر واقع طالب والا پل، خانیوال میں ہیڈ سدھنائی بیراج اور ہیڈ ورکس، جبکہ منڈی بہاؤالدین میں رسول بیراج پر بھی ڈرون سرویلنس کے ذریعے پانی کے بہاؤ کی نگرانی کی گئی۔ حکام کے مطابق ساہیوال کے علاقے کتب شہانہ کے قریب نچلے درجے کا سیلاب ریکارڈ کیا گیا، جبکہ سیالکوٹ کے ہیڈ مرالہ پر پانی کا بہاؤ ایک لاکھ 74 ہزار کیوسک ریکارڈ ہوا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار