پاکستان، قازقستان تعلقات میں نیا موڑ، بزنس فورم میں 20 کروڑ ڈالر سے زائد کے معاہدے
اشاعت کی تاریخ: 4th, February 2026 GMT
پاکستان اور قازقستان کے درمیان تجارتی و اقتصادی تعاون کو فروغ دینے کے لیے منعقدہ پاکستان، قازقستان بزنس فورم کے اختتامی اجلاس سے قازقستان کے صدر قاسم جومارت توقایف نے خطاب کیا۔ اس موقع پر وزیرِ اعظم پاکستان شہباز شریف اور وفاقی وزیرِ تجارت جام کمال بھی موجود تھے۔
یہ بھی پڑھیں:37 معاہدوں پر دستخط: پاکستان قازقستان کا اسٹریٹجک پارٹنر، وزیراعظم شہباز شریف کی قازق صدر کے ہمراہ گفتگو
قازقستان کے صدر قاسم جومارت توقایف نے پاکستان، قازقستان بزنس فورم کے اختتامی اجلاس سے خطاب کرتے ہوئے کہا کہ آج کے اس اہم فورم کے باضابطہ اختتام پر شرکت کرنا میرے لیے باعثِ مسرت ہے۔ انہوں نے وزیرِ اعظم پاکستان شہباز شریف کی قیادت اور اس اہم تقریب کے انعقاد پر ان کی کوششوں کو سراہتے ہوئے دلی شکریہ ادا کیا۔
صدر توقایف نے کہا کہ وہ پاکستان کے اپنے پہلے سرکاری دورے کو دونوں ممالک کے درمیان دوطرفہ تعاون میں ایک اہم سنگِ میل قرار دیتے ہیں۔ ان کے مطابق اس دورے کے دوران ایک مشترکہ اعلامیے پر دستخط کیے گئے ہیں، جس کے ذریعے پاکستان اور قازقستان کے تعلقات کو اسٹریٹجک شراکت داری کی سطح تک لے جایا گیا ہے۔
انہوں نے بتایا کہ پاکستان، قازقستان بزنس فورم کے نتیجے میں 30 سے زائد تجارتی معاہدے طے پائے ہیں، جن کی مجموعی مالیت تقریباً 20 کروڑ ڈالر ہے۔ قازقستان کے صدر نے امید ظاہر کی کہ مستقبل میں دونوں ممالک کے درمیان تجارتی حجم اربوں ڈالر تک پہنچے گا۔
صدر قاسم جومارت توقایف نے کہا کہ قازقستان پاکستانی کمپنیوں کے لیے سازگار کاروباری ماحول فراہم کرنے کے لیے پُرعزم ہے۔ اس حوالے سے انہوں نے اپنی حکومت کو ہدایت دی ہے کہ دونوں ممالک کے درمیان بزنس ٹو بزنس روابط کو مزید مضبوط بنایا جائے، جس میں قازقستان، پاکستان بین الحکومتی کمیشن کا مؤثر کردار بھی شامل ہوگا۔
یہ بھی پڑھیں:اسحاق ڈار کا قازقستان کے صدر سے ملاقات میں دوطرفہ تعاون بڑھانے پر زور
انہوں نے کہا کہ قازقستان وسطی ایشیا کی سب سے بڑی معیشت ہے اور خطے میں معاشی ترقی اور مواقع پیدا کرنے میں اہم کردار ادا کر رہا ہے۔ صدر توقایف کے مطابق گزشتہ سال قازقستان کی معیشت میں 6.
قازقستان کے صدر نے کہا کہ یہ اعداد و شمار ان کی معیشت کی مضبوطی، مارکیٹ کی استحکام اور بہتر اقتصادی کارکردگی کا ثبوت ہیں۔ انہوں نے مزید کہا کہ قازقستان اس ترقی کو برقرار رکھنے کے لیے ادارہ جاتی اصلاحات کو مزید بہتر بنا رہا ہے اور اس کی اقتصادی حکمتِ عملی پائیدار ترقی، سرمایہ کاری کے فروغ اور علاقائی تعاون پر مرکوز ہے۔
تقریب میں وزیرِ اعظم شہباز شریف اور وفاقی وزیرِ تجارت جام کمال کی موجودگی نے فورم کی اہمیت کو مزید اجاگر کیا، جبکہ دونوں ممالک کے کاروباری رہنماؤں نے طے پانے والے معاہدوں کو عملی شکل دینے کے عزم کا اظہار کیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستان تجارت شہبازشریف قازق صدر قازقستان
ذریعہ
ذریعہ: WE News
کلیدی لفظ: پاکستان شہبازشریف قازقستان قازقستان کے صدر دونوں ممالک کے شہباز شریف توقایف نے بزنس فورم کے درمیان نے کہا کہ انہوں نے فورم کے کے لیے
پڑھیں:
وزیراعظم کا آئی ٹی برآمدات 4.6 ارب ڈالر تک پہنچنے پر اطمینان کا اظہار
سٹی42: وزیراعظم محمد شہباز شریف کی زیرِ صدارت آئی ٹی شعبے کے اسٹرٹیجک روڈ میپ پر پیش رفت کا جائزہ لینے کے لیے اعلیٰ سطح کا اجلاس منعقد ہوا، جس میں وزارتِ انفارمیشن ٹیکنالوجی و ٹیلی کام کی کارکردگی اور ڈیجیٹل معیشت کے فروغ سے متعلق اقدامات پر بریفنگ دی گئی۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
اجلاس میں وزیراعظم نے پاکستان کی سالانہ آئی ٹی برآمدات میں 21 فیصد اضافے کے ساتھ 4.6 ارب امریکی ڈالر تک پہنچنے پر وزیرِ انفارمیشن ٹیکنالوجی اور متعلقہ ٹیم کو مبارکباد دی۔ انہوں نے کہا کہ آئی ٹی برآمدات میں نمایاں اضافہ حکومت کی ڈیجیٹل معیشت کے فروغ کے لیے اختیار کی گئی پالیسیوں کا نتیجہ ہے اور آئی ٹی شعبے کی ترقی حکومت کی اولین ترجیحات میں شامل ہے۔ وزیراعظم نے ہدایت کی کہ آئی ٹی سے متعلق تربیتی کورسز کی معتبر تھرڈ پارٹی ویلیڈیشن یقینی بنائی جائے اور تربیت کے معیار پر کسی قسم کا سمجھوتہ نہ کیا جائے۔ انہوں نے ملک بھر میں ڈیجیٹل انفراسٹرکچر کو مزید بہتر بنانے کی بھی ہدایت کی۔
جعلی امیدواروں کی شامت، پی پی ایس سی امتحانات میں بائیو میٹرک نظام نافذ
اجلاس کو بریفنگ میں بتایا گیا کہ موبائل اسپیکٹرم جون 2025 کے 274 میگا ہرٹز سے بڑھ کر جون 2026 میں 880 میگا ہرٹز ہو چکا ہے، جس سے انٹرنیٹ کی رفتار اور کنیکٹیویٹی میں نمایاں بہتری آئے گی۔ اس کے علاوہ "کنیکٹ پاکستان وژن 2030" کے اجراء کی تیاریوں سے بھی آگاہ کیا گیا۔بریفنگ کے مطابق باغ، آزاد جموں و کشمیر میں سافٹ ویئر ٹیکنالوجی پارک مکمل ہو چکا ہے، جبکہ پاکستان میں اسمارٹ فون استعمال کرنے والوں کا تناسب 2024 کے 62 فیصد سے بڑھ کر جون 2026 میں 72 فیصد ہو گیا ہے۔ جون 2026 تک 5.1 ملین گھروں کو فکسڈ براڈ بینڈ یا فائبر کنکشن فراہم کیے جا چکے ہیں۔ اجلاس کو بتایا گیا کہ گزشتہ مالی سال آئی ٹی برآمدات میں فری لانسرز کا حصہ 1.164 ارب ڈالر رہا، جبکہ "ڈیجیٹل نیشن پاکستان" کے تحت 130 سرکاری خدمات کو ڈیجیٹلائز کیا جا چکا ہے۔ اسی عرصے میں آئی ٹی شعبے میں 942,646 تربیتی سرٹیفکیٹس جاری کیے گئے، 5,053 ہائی اینڈ تربیتی پروگرام اور لیڈرشپ و سافٹ اسکلز سے متعلق 2,700 تربیتی سیشنز منعقد کیے گئے۔
بارشی پانی کی نکاسی نہ ہونے سے گاڑیاں اور موٹرسائیکلیں بند، شہری شدید مشکلات کا شکار
بریفنگ میں مزید بتایا گیا کہ ویمن انوویشن اینڈ اسٹارٹ اپ ایمپاورمنٹ لیب کا افتتاح جلد کیا جائے گا، جبکہ چینی کمپنی علی بابا کے ساتھ مفاہمتی یادداشت کے تحت متعدد وفاقی وزارتوں اور اداروں میں مصنوعی ذہانت کے منصوبوں اور تربیتی پروگراموں پر کام جاری ہے۔
اجلاس میں وفاقی وزراء اعظم نذیر تارڑ، احد خان چیمہ، شزا فاطمہ خواجہ، خالد مقبول صدیقی، وزیرِ مملکت بلال اظہر کیانی، گورنر اسٹیٹ بینک جمیل احمد اور متعلقہ اعلیٰ سرکاری حکام نے شرکت کی۔
شہر میں بارش سے بجلی کا ترسیلی نظام متاثر، 130 سے زائد فیڈرز بند
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا