خورشید احمد شاہ کا کشمیری عوام کی جدوجہد اور قربانیوں کو خراجِ تحسین
اشاعت کی تاریخ: 5th, February 2026 GMT
اسلام آباد (نیوز ڈیسک)پاکستان پیپلز پارٹی کے سینئر رہنما خورشید احمد شاہ نے کشمیری عوام کی جدوجہد اور قربانیوں کو خراجِ تحسین پیش کرتے ہوئے کہا ہے کہ بھارتی تسلط سے آزادی کی تحریک کامیاب ہو کر رہے گی۔
یومِ یکجہتی کشمیر کے موقع پر اپنے بیان میں خورشید احمد شاہ نے کہا کہ مقبوضہ کشمیر میں جاری بدترین مظالم پر خاموش نہیں رہا جا سکتا۔ انہوں نے واضح کیا کہ پاکستان پیپلز پارٹی نے مقبوضہ کشمیر کی آزادی کے لیے ملکی اور بین الاقوامی سطح پر ہمیشہ تاریخی کردار ادا کیا ہے اور آئندہ بھی کشمیری عوام کے شانہ بشانہ کھڑی رہے گی۔
خورشید احمد شاہ نے کہا کہ کشمیری عوام کی قربانیاں رائیگاں نہیں جائیں گی اور ان کی جدوجہد آزادی بالآخر ضرور رنگ لائے گی۔ ان کا کہنا تھا کہ مسئلہ کشمیر کا منصفانہ حل نہ صرف کشمیری عوام بلکہ پورے خطے کے مفادات کے لیے ناگزیر ہے۔
انہوں نے مودی حکومت کو تنقید کا نشانہ بناتے ہوئے کہا کہ مودی کے بھارت نے گاندھی کی عدم تشدد کی تعلیمات کو پامال کر کے پورے خطے کو بدامنی اور تشدد کی راہ پر دھکیل دیا ہے۔
خورشید احمد شاہ نے عالمی برادری سے مطالبہ کیا کہ وہ مقبوضہ کشمیر میں انسانی حقوق کی سنگین خلاف ورزیوں کا نوٹس لے اور کشمیری عوام کو ان کا حقِ خودارادیت دلانے میں اپنا کردار ادا کرے۔
.
ذریعہ
ذریعہ: Daily Mumtaz
کلیدی لفظ: خورشید احمد شاہ نے کشمیری عوام
پڑھیں:
بجلی، گیس، پانی، پیٹرول سمیت ہر شعبے میں ٹیکس وصول کیے جا رہے ہیں، شاداب نقشبندی
سربراہ پاکستان سنی تحریک نے کہا کہ وقت کا تقاضا ہے کہ عوام کو مہنگائی، بے روزگاری اور بنیادی سہولیات کے بحران سے نجات دلانے کے لیے فوری، سنجیدہ اور مؤثر اقدامات کیے جائیں تاکہ عوام کا اعتماد بحال ہو اور ملک معاشی استحکام کی جانب گامزن ہو سکے۔ اسلام ٹائمز۔ پاکستان سنی تحریک کے سربراہ محمد شاداب رضا نقشبندی نے کہا ہے کہ گیس، بجلی اور پانی کی مسلسل قلت، بڑھتی ہوئی مہنگائی اور حکومتی معاشی پالیسیاں عوام کے لیے شدید پریشانی کا باعث بن چکی ہیں، حکمران طبقہ تاجروں، کسانوں، مزدوروں اور عام شہریوں کو معاشی ریلیف اور سہولیات فرام کرنے میں بے بس ہے۔ ان کیالات کا اظہار انہوں نے مرکز اہلسنت سے جاری ایک بیان میں کیا۔ محمد شاداب رضا نقشبندی نے کہا کہ پیٹرولیم مصنوعات کی قیمتوں میں بار بار ہونے والے اضافے نے نہ صرف شہریوں کی مشکلات میں اضافہ کیا ہے بلکہ معیشت کو بھی عدم استحکام سے دوچار کر دیا ہے، بازاروں میں سناٹے تاجر بھی پریشان حال ہیں، حکمرانوں کے پاس تاحال ایسی عوام دوست معاشی پالیسی دکھائی نہیں دے رہی جو مہنگائی پر قابو پا سکے اور عام آدمی کو حقیقی سہولت فراہم کرے۔
ان کا کہنا تھا کہ حکومت کو چاہیئے کہ دعووں اور اعلانات کے بجائے عملی اقدامات کرے، عوام کی بنیادی ضروریات کی فراہمی کو یقینی بنائے اور معاشی استحکام کے لیے بڑے، مؤثر اور دیرپا فیصلے کرے۔ انہوں نے کہا کہ جمہوریت اور آئین کا بنیادی مقصد عوام کو باعزت، محفوظ اور خوشحال زندگی فراہم کرنا ہے، حکومت کی ذمہ داری ہے کہ وہ شہریوں کو معیاری تعلیم، بہترین طبی سہولیات، روزگار کے مواقع، معاشی استحکام اور بنیادی ضروریات کی فراہمی یقینی بنائے، عوام کو مہنگائی، بے روزگاری اور غربت سے نجات دلانے کے لیے مؤثر اور عوام دوست پالیسیاں اختیار کی جائیں، حقیقی جمہوریت اسی وقت مضبوط ہوتی ہے جب آئین کی بالادستی، قانون کی مساوی حکمرانی اور عوامی فلاح و بہبود کو اولین ترجیح دی جائے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار