جماعت اسلامی بنگلادیش نے اپنے انتخابی منشور کا اعلان کردیا
اشاعت کی تاریخ: 6th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
ڈھاکا (صباح نیوز)بنگلا دیش جماعت اسلامی نے 13ویں قومی اسمبلی انتخابات 2026 ء کے لیے اپنا انتخابی منشور جاری کر دیا۔ منشور کا اعلان دارالحکومت ڈھاکا کے ایک ہوٹل میں امیر جماعت ڈاکٹر شفیق الرحمن نے کیا۔ اس موقع پر منشور کو ’’عوامی منشور‘‘ کا نام دیا گیا۔تقریب سے خطاب کرتے ہوئے ڈاکٹر شفیق الرحمن نے کہا کہ یہ منشور کسی ایک جماعت کا نہیں بلکہ 18 کروڑ عوام کا منشور ہے۔ ان کا کہنا تھا کہ کسان، مزدور، اساتذہ، طلبہ، خواتین، تاجر اور محنت کش طبقہ، سب کے لیے ایک محفوظ، انصاف پر مبنی اور انسانی بنگلا دیش کی تشکیل جماعت اسلامی کا بنیادی ہدف ہے۔انہوں نے کہا کہ ملک میں وسائل کی کمی نہیں بلکہ دیانت، جوابدہی اور حب الوطنی کی کمی ہے۔ نوجوانوں کے کردار پر زور دیتے ہوئے امیر جماعت نے کہا کہ جولائی 24 کی تحریک میں نوجوانوں نے جس دیانت اور جذبے کا ثبوت دیا، جماعت اسلامی انہیں باصلاحیت بنا کر ریاستی قیادت میں آگے لانا چاہتی ہے۔ڈاکٹر شفیق الرحمن نے واضح کیا کہ جماعت اسلامی اقتدار میں آ کر خواتین، بچوں، کسانوں، مزدوروں اور تمام طبقات کے لیے ایک محفوظ اور باوقار معاشرہ تشکیل دے گی۔ انہوں نے اعلان کیا کہ کسانوں کو فصل کے آغاز میں بلا سود قرضے فراہم کیے جائیں گے جبکہ مزدوروں کے لیے باعزت روزگار اور استحصال سے پاک معیشت قائم کی جائے گی۔انہوں نے کہا کہ جماعت اسلامی کا معاشی وژن کاروبار اور سرمایہ کاری کے لیے سازگار ماحول فراہم کرنا ہے اور ملک کو بدعنوانی و بھتا خوری سے پاک کیا جائے گا۔ ان کا کہنا تھا کہ ہم خود بھی بدعنوانی نہیں کریں گے اور کسی کو کرنے نہیں دیں گے۔منشور میں آئندہ 5 سالہ حکومتی مدت کے لیے 26 ترجیحی نکات شامل کیے گئے ہیں جن میں قومی خودمختاری کا تحفظ، سماجی انصاف، نوجوانوں اور خواتین کو بااختیار بنانا، شفاف انتخابات، بدعنوانی کا خاتمہ، جدید تعلیم و صحت کا نظام، روزگار کی فراہمی، زرعی اصلاحات، ماحولیاتی تحفظ اور فلاحی ریاست کا قیام شامل ہے۔ڈاکٹر شفیق الرحمن نے بتایا کہ یہ منشور مختلف طبقات کی آرا پر مبنی ہے، جس کی تیاری میں 250 سے زاید ماہرین شامل رہے جبکہ ’’عوامی منشور‘‘ ویب سائٹ کے ذریعے عوام کی تقریباً 40 ہزار آرا کو بھی اہمیت دی گئی۔تقریب میں جماعت اسلامی کے نائب امیر شمس الاسلام، سیکرٹری جنرل میاں غلام پروار، مرکزی و شہری قیادت، مختلف سیاسی جماعتوں کے رہنما، سینئر صحافی، دانشور، سول سوسائٹی کے نمائندے اور مختلف ممالک کے سفرا و سفارتی اہلکار بھی شریک تھے۔آخر میں امیر جماعت نے کہا کہ ’’چلو سب مل کر بنگلا دیش بنائیں‘‘ کے نعرے کے تحت جماعت اسلامی ایک ایسے بنگلا دیش کی تعمیر چاہتی ہے جو محفوظ، انصاف پسند، باوقار اور انسانی اقدار کا علمبردار ہو۔
ذریعہ
ذریعہ: Jasarat News
کلیدی لفظ: ڈاکٹر شفیق الرحمن نے جماعت اسلامی بنگلا دیش نے کہا کہ کے لیے
پڑھیں:
میئر ظہران ممدانی نے نیویارک میں بچوں کا بیڈ ٹائم کیوں معطل کردیا؟
نیویارک شہر کے کم عمر باسکٹ بال شائقین کے لیے ’بیڈ ٹائم‘ سے متعلق ایک دلچسپ خبر سامنے آئی ہے۔
نیویارک کے میئر ظہران ممدانی نے ایک خصوصی انتظامی حکم نامے پر دستخط کرتے ہوئے اعلان کیا ہے کہ این بی اے فائنلز کے دوران بچوں کے سونے کے معمول کے اوقات عارضی طور پر منسوخ تصور کیے جائیں گے تاکہ وہ اپنی پسندیدہ ٹیم نیویارک نکس کے تمام میچز بلا رکاوٹ دیکھ سکیں۔
یہ بھی پڑھیں: نماز عیدالاضحیٰ: نیویارک کے میئر ظہران ممدانی کی منفرد انداز میں شرکت
یکم جون کو جاری کیے گئے اس علامتی حکم نامے میں کہا گیا کہ سونے کے اوقات ’نیویارک کے سب سے پیارے بچوں‘ کو نکس کی حوصلہ افزائی کرنے اور میچ کا ایک ایک لمحہ دیکھنے سے نہیں روک سکتے۔
اس موقع پر میئر ممدانی کے ساتھ نکس کے رنگوں میں ملبوس بچوں کا ایک گروپ بھی موجود تھا، جنہوں نے اپنے ہاتھوں کے نشانات لگا کر علامتی طور پر اس حکم نامے پر دستخط کیے۔
Today, I signed an Executive Order temporarily repealing bedtimes in the City of New York so that kids of all ages can watch our team in the NBA Finals.
As Mayor, you’re forced to make many difficult decisions. This was not one of them.
Go Knicks. pic.twitter.com/DqjNtVh17h
— Mayor Zohran Kwame Mamdani (@NYCMayor) June 1, 2026
میئر ممدانی نے سوشل میڈیا پلیٹ فارم ایکس پر اپنے پیغام میں کہا کہ میئر کی حیثیت سے آپ کو کئی مشکل فیصلے کرنے پڑتے ہیں، لیکن یہ ان میں سے ایک نہیں تھا۔
انہوں نے اپنی پوسٹ کے اختتام پر ’گو نکس‘ کا نعرہ بھی لگایا۔
این بی اے فائنلز میں نیویارک نکس اور سان انتونیو اسپرس کے درمیان تمام میچز رات ساڑھے 8 بجے (مشرقی امریکی وقت) شروع ہوں گے۔
سیریز کے پہلے، تیسرے اور چوتھے میچ تعلیمی دنوں سے قبل رات کو کھیلے جائیں گے، جبکہ اگر ضرورت پڑی تو چھٹا میچ بھی اسکول کی رات میں ہوگا۔
ایسے میں بچوں کے لیے دیر تک جاگ کر میچ دیکھنا ایک اہم مسئلہ بن سکتا تھا۔
مزید پڑھیں: ظہران ممدانی کی نیو یارک میں اسٹیٹ ٹیکس میں بڑی کمی کی تجویز
نیویارک نکس کی این بی اے فائنلز میں رسائی شہر بھر میں غیرمعمولی جوش و خروش کا باعث بنی ہوئی ہے۔
یہ 1999 کے بعد پہلی مرتبہ ہے کہ نکس فائنلز میں پہنچی ہے، آخری بار فائنلز میں انہیں ٹم ڈنکن اور ڈیوڈ رابنسن کی قیادت میں سان انتونیو اسپرس نے شکست دی تھی۔
نکس کی 27 سالہ طویل انتظار کے بعد فائنلز میں واپسی نے باسکٹ بال کے دیوانے نیویارک شہر کو یکجا کر دیا ہے۔
اسپورٹس تجزیہ کاروں کے مطابق نیویارک میں نکس کا فائنلز میں پہنچنا سپر باؤل سے بھی بڑا واقعہ ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
باسکٹ بال سان انتونیو اسپرس ظہران ممدانی میئر نیویارک نیویارک نکس
وزارت آئی ٹی نے 1.67 ارب روپے سے زاید کے فنڈز طلب کرلیے