مائی کراچی نمائش آج سے ایکسپو سینٹر میں شروع ہوگی
اشاعت کی تاریخ: 6th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
کراچی (کامرس رپورٹر) کے سی سی آئی کی مائی کراچی اواسس ہارمونی(میرا کراچی امن کا گہوارا)نمائش آج جمعہ6فروری سے کراچی ایکسپوسینٹر میں شروع ہوگی۔ نمائش میں ہر سال کی طرح لوگوں کی پسند کے زنانہ اور مردانہ ملبوسات بنانے والی کمپنی لاکھانی سلک ملز نے مسلسل21ویں سال بھی ہال نمبر5میں قائم کیے گئے اسٹال نمبر1اور اسٹال نمبر2 پر صارفین کے لیے رعایتی نرخ پر ان کی پسند کے ملبوسات فروخت کرنے کا اعلان کیا ہے۔اس حوالے سے لاکھانی سلک ملز لمیٹڈ کے ڈائریکٹر فرحان لاکھانی نے بتایا کہ 21ویں مائی کراچی نمائش میں لاکھانی نے اپنا اسٹال سجا لیا ہے اور ہم ہرسال کی طرح اپنے صارفین کو ماہ رمضان المبارک سے قبل عید کی خریداری کے لیے فیکٹری پرائس سے بھی کم قیمت پر مردانہ اور خواتین کے بہترین سوٹ فروخت کیے جائیں گے۔ فرحان لاکھانی نے بتایا کہ لاکھانی سلک ملز نے پہلے دن سے ہی اپنا اعلیٰ معیاراپنایا ہے اور ہماری کوشش یہی رہتی ہے کہ ہم اپنے صارفین کو ان کے من پسند ملبوسات رعایتی قیمت پر ہی فراہم کریں۔ انہوں نے مائی کراچی نمائش کے مسلسل انعقاد کے لیے بی ایم جی کے سربراہ زبیرموتی والا اورادریس میمن کی خدمات کو سراہا اور بزنس کمیونٹی کے لیڈر سراج قاسم تیلی مرحوم کو خراج عقیدت پیش کیا۔
ذریعہ
ذریعہ: Jasarat News
پڑھیں:
بجلی صارفین کے لیے ریلیف کا اعلان، پاور ڈویژن نے عوام کو خوشخبری سنا دی
پاور ڈویژن نے اعلان کیا ہے کہ رواں سال جون کے دوران بجلی صارفین کو فی یونٹ 20 پیسے کا خالص ریلیف ملے گا۔
اعلامیے کے مطابق ماہانہ فیول ایڈجسٹمنٹ کی مد میں 1.73 روپے فی یونٹ اضافہ جبکہ سہ ماہی ایڈجسٹمنٹ کی مد میں 1.93 روپے فی یونٹ کمی کی گئی ہے، جس کے نتیجے میں صارفین کو مجموعی طور پر 20 پیسے فی یونٹ کا فائدہ حاصل ہوگا۔
پاور ڈویژن کے مطابق جون میں بجلی کے نرخ جنوری تا مئی 2026 کے مقابلے میں برقرار رہیں گے۔
اعلامیے میں کہا گیا ہے کہ سہ ماہی ریلیف کی شرح ماہانہ اضافے سے زیادہ رہی، جس کی وجہ سے صارفین کو خالص ریلیف میسر آئے گا۔
پاور ڈویژن نے بتایا کہ ایران اور امریکا کے درمیان جنگ کے باعث عالمی توانائی منڈی شدید دباؤ کا شکار رہی اور برینٹ کروڈ آئل کی متوقع قیمت 70 ڈالر فی بیرل سے بڑھ کر 120 ڈالر فی بیرل تک پہنچ گئی۔
پاور ڈویژن کے مطابق اس صورتحال کے باوجود حکومت نے بروقت اقدامات کرتے ہوئے بجلی صارفین کو بڑے اضافی مالی بوجھ سے محفوظ رکھا۔
اعلامیے کے مطابق اپریل میں بجلی کی قیمت میں ممکنہ طور پر 5 سے 6 روپے فی یونٹ اضافے کا خدشہ تھا، تاہم حکومتی اقدامات کے نتیجے میں اس اضافے کو محدود کرکے 1.73 روپے فی یونٹ تک رکھا گیا۔ اس طرح صارفین پر تقریباً 38 ارب روپے کا اضافی بوجھ منتقل ہونے سے بچ گیا۔
پاور ڈویژن کا کہنا ہے کہ محدود لوڈ مینجمنٹ، مقامی گیس کے استعمال اور فرنس آئل کے مؤثر استعمال کے ذریعے توانائی کے بحران کا مقابلہ کیا گیا۔
مزید بتایا گیا کہ سہ ماہی ایڈجسٹمنٹ کی مد میں 1.93 روپے فی یونٹ کمی کی گئی ہے جس سے مجموعی طور پر 65 ارب روپے کا ریلیف صارفین کو ملے گا۔
اعلامیے میں کہا گیا کہ لائن لاسز میں کمی اور بجلی کی طلب میں اضافے کے باعث صارفین کو نمایاں ریلیف فراہم ہوا، جبکہ متوقع بیس ٹیرف کے مقابلے میں 46 ارب روپے کی منفی تبدیلی بھی صارفین کے حق میں گئی۔
پاور ڈویژن نے اس بات پر زور دیا کہ حکومت نے عالمی اور علاقائی سطح پر درپیش مشکلات کے باوجود بجلی کے نرخوں کو مستحکم رکھنے میں کامیابی حاصل کی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بجلی صارفین پاور ڈویژن ریلیف کا اعلان عوام کو خوشخبری وی نیوز
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ