کور کمانڈر ملتان کی مختلف جامعات کے اساتذہ و طلبہ کیساتھ خصوصی نشست
اشاعت کی تاریخ: 6th, February 2026 GMT
ملتان(نیوز ڈیسک) ملتان میں کور کمانڈر ملتان اور جنوبی پنجاب کی مختلف جامعات کے اساتذہ و طلبہ کے درمیان ایک خصوصی نشست کا انعقاد کیا گیا، جس میں غازی یونیورسٹی ڈیرہ غازی خان، ڈی جی خان میڈیکل کالج اور میر چاکر خان رند یونیورسٹی ڈیرہ غازی خان کے اساتذہ و طلبہ نے شرکت کی۔ نشست میں متعلقہ جامعات کے وائس چانسلرز، فیکلٹی ممبران اور طلبہ کی بڑی تعداد موجود تھی۔
اس موقع پر کور کمانڈر ملتان نے خطاب کرتے ہوئے کہا کہ دو قومی نظریہ ہماری قومی وحدت کی بنیاد ہے، کیونکہ پاکستان ہے تو ہم سب ہیں۔ انہوں نے کہا کہ قومی شناخت اور نظریاتی اساس کو مضبوط رکھنا نوجوان نسل کی ذمہ داری ہے تاکہ ملک کو درپیش چیلنجز کا مؤثر انداز میں مقابلہ کیا جا سکے۔
کور کمانڈر نے آپریشن بنیان المرصوص میں اللہ تعالیٰ کی مدد اور قوم کی بھرپور حمایت سے حاصل ہونے والی کامیابیوں کو اجاگر کرتے ہوئے کہا کہ یہ کامیابیاں قومی اتحاد اور اداروں کے باہمی تعاون کا عملی مظہر ہیں۔ انہوں نے نوجوانوں کو تلقین کی کہ وہ تعلیم کے ساتھ ساتھ قومی شعور اور ذمہ داری کا احساس بھی اجاگر کریں۔
نشست کے دوران طلبہ اور فیکلٹی ممبران نے آپریشن بنیان المرصوص کی کامیابی پر فخر کا اظہار کیا اور نوجوانوں کی فکری و قومی رہنمائی میں پاک فوج کے کردار کو سراہا۔ شرکاء کا کہنا تھا کہ ایسی نشستیں طلبہ کو ملکی حالات، قومی سلامتی اور نظریاتی پہلوؤں سے آگاہ کرنے میں مدد دیتی ہیں۔
آخر میں شرکاء نے مستقبل میں بھی اس نوعیت کی آگاہی اور رہنمائی پر مبنی نشستوں کے انعقاد کی خواہش کا اظہار کیا تاکہ اساتذہ اور طلبہ کو قومی معاملات پر براہِ راست رہنمائی اور تبادلہ خیال کا موقع ملتا رہے۔
.
ذریعہ
ذریعہ: Daily Mumtaz
کلیدی لفظ: کور کمانڈر
پڑھیں:
کراچی کے سرکاری کالجز میں انٹرسال اول کیلیے داخلے شروع نہ ہوسکے، سوا لاکھ طلبا منتظر
محکمہ کالج ایجوکیشن سندھ واضح اعلان کے باوجود کراچی میں سرکاری کالجوں میں داخلہ شروع نہیں کرسکا ہے اور کم از کم سوا لاکھ طلبہ انٹر سال اول میں داخلوں کے منتظر ہیں۔
تفصیلات کے مطابق انٹر سال اول میں داخلہ یکم جون سے شروع ہونے تھے اس سلسلے میں 23 مئی کو قومی اخبارات میں اشتہارات جاری کیے گئے تھے جس کے مطابق تمام سرکاری کالجوں میں انٹر سال اول میں نویں جماعت کے نتائج کی بنیاد پر یکم جون سے داخلہ فارم کی رجسٹریشن شروع ہوجانی تھی جبکہ داخلہ فارم رجسٹریشن کی آخری تاریخ 15 جولائی مقرر کی گئی ہے۔
انٹر سال اول میں صرف کراچی کے سرکاری کالجوں میں سوا لاکھ کے قریب طلبہ داخلہ لیتے ہیں جن کے لیے سینٹرلائزڈ ایڈمیشن پالیسی کے تحت 6 مختلف فیکیلٹیز پری انجینئرنگ، پری میڈیکل، کمپیوٹر سائنس ، کامرس ، ہیومینیٹیز اور ہوم اکنامکس میں داخلے دیے جاتے ہیں۔
اس سلسلے میں جب میٹرک کا امتحان دینے والے داخلے کے خواہشمند طلبہ نے www.seccap.dgcs..gos.pk کے پورٹل پر داخلہ رجسٹریشن فارم تک پہنچنے کی کوشش کی تو معلوم ہوا کہ یہ پورٹل ہی بند ہے۔
ادھر "ایکسپریس" نے اس سلسلے میں ڈائریکٹر جنرل کالجز سندھ پروفیسر زاہد راجپر سے جب اس سلسلے میں رابطہ کیا تو ان کا کہنا تھا کہ تکنیکی وجوہات کی بنا پر پورٹل بند ہے ہماری ٹیکنیکل ٹیم کام کررہی ہے۔
انہوں نے کہا کہ پوری امید ہے کہ بدھ کی صبح تک پورٹل کھل جائے جس کے بعد طلبہ داخلے کے لیے اپلائی کرسکیں گے۔
ڈی جی کالجز کا یہ بھی کہنا تھا کہ اس بار ہم نے تمام سرکاری کالجوں میں "ڈیس ایبل" کوٹہ مختص کیا ہے تاکہ ایسے طلبہ اس کوٹے کی بنیاد پر اپنے قرب و جوار کے کالجوں میں بھی اپلائی کرسکتے ہیں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ