شائننگ انڈیا کی سیاہ حقیقت بے نقاب، بھارتی دارالحکومت سے روزانہ درجنوں افراد لاپتہ
اشاعت کی تاریخ: 6th, February 2026 GMT
نئی دہلی(انٹرنیشنل ڈیسک) بھارت میں ’’شائننگ انڈیا‘‘ کے دعوؤں کی حقیقت کھل کر سامنے آ گئی ہے جہاں روزانہ درجنوں افراد کے لاپتہ ہونے کے واقعات رپورٹ ہو رہے ہیں۔ مودی حکومت کی ناقص حکمرانی اور ریاستی مشینری کی ناکامی کے باعث بھارتی دارالحکومت دہلی خواتین اور بچوں کے لیے غیر محفوظ شہر بنتا جا رہا ہے۔
بھارتی اخبار ہندوستان ٹائمز کی رپورٹ کے مطابق جنوری 2026 کے پہلے پندرہ دنوں میں دہلی سے 807 افراد لاپتہ ہوئے، جن میں 509 خواتین شامل ہیں۔ رپورٹ میں بتایا گیا ہے کہ لاپتہ ہونے والوں میں 191 کم عمر بچے بھی شامل ہیں، جس سے دارالحکومت میں امن و امان کی صورتحال پر سنگین سوالات اٹھ کھڑے ہوئے ہیں۔
اعداد و شمار کے مطابق گزشتہ برس بھی دہلی سے ساڑھے 24 ہزار سے زائد افراد لاپتہ ہوئے تھے، جن میں 60 فیصد سے زائد خواتین تھیں۔ مبصرین کے مطابق یہ صورتحال اس امر کی عکاسی کرتی ہے کہ ہندوتوا نظریے کے زیر اثر حکومت عوامی تحفظ اور بنیادی مسائل کے حل کے بجائے انتہا پسندی کے ذریعے اقتدار مضبوط کرنے پر توجہ مرکوز کیے ہوئے ہے۔
بین الاقوامی ماہرین کا کہنا ہے کہ مودی حکومت کے خطے پر حکمرانی کے غیر حقیقی دعوے بھارت میں خواتین اور کمزور طبقات کے خلاف بڑھتے جرائم نے خود ہی بے نقاب کر دیے ہیں۔ بھارت کو گزشتہ برسوں میں جنسی زیادتی کے بڑھتے واقعات کے باعث ’’ریپ کیپٹل آف دی ورلڈ‘‘ بھی قرار دیا جا چکا ہے۔
تجزیہ کاروں کے مطابق دہلی سمیت بڑے شہروں میں بڑھتا ہوا تشدد اور لاپتہ افراد کے واقعات ریاستی نگرانی کی کمزوری اور ادارہ جاتی ناکامی کا واضح ثبوت ہیں۔ ان کا کہنا ہے کہ اگر یہی صورتحال برقرار رہی تو بھارت کے معاشرتی ڈھانچے اور عالمی ساکھ کو مزید نقصان پہنچنے کا خدشہ ہے۔
.
ذریعہ
ذریعہ: Daily Mumtaz
کلیدی لفظ: کے مطابق
پڑھیں:
مستونگ میں فتنہ الہندوستان کے 6 دہشتگرد مارے گئے، مرد و خواتین خودکش بمبار گرفتار
سیکیورٹی فورسز کی بلوچستان میں انٹیلیجنس بیسڈ مؤثر کارروائیاں جاری ہیں، مستونگ کے علاقہ کھڈ کوچہ میں فتنہ الہندوستان کے 6 دہشتگرد مارے گئے۔
سیکیورٹی فورسز کی کارروائی کے دوران متعدد دہشتگرد گرفتار کیے گئے، گرفتار دہشتگردوں میں سہولتکار سمیت مرد اور خواتین خودکش بمبار بھی شامل ہیں، کارروائی میں دہشتگردوں کےمتعدد ٹھکانے تباہ کر دیے گئے۔
علاقے میں سرچ اور کلیئرنس کارروائیاں جاری ہیں، سیکیورٹی فورسز کی جانب سے مکمل نگرانی برقرار ہے، دہشتگردوں کے ٹھکانوں سے بھاری مقدار میں اسلحہ، گولہ بارود برآمد کرلیا گیا ہے۔
سیکیورٹی ذرائع کا کہنا ہے کہ مستونگ کے علاقہ کھڈ کوچہ میں سیکیورٹی فورسز کی جانب سے انٹیلیجنس بیسڈ آپریشنز تیز کر دیے گئے، دہشت گردی کے خاتمے اور علاقے میں امن و امان کے قیام تک سیکیورٹی فورسز کی کارروائیاں جاری رہیں گی۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا