’تمہیں گیند کی حالت بھی دیکھنی چاہیے‘، بین اسٹوکس بال لگنے سے زخمی ہوگئے
اشاعت کی تاریخ: 6th, February 2026 GMT
انگلینڈ کے ٹیسٹ کپتان بین اسٹوکس کو نیٹ سیشن کے دوران بال لگنے سے چہرے پر زخم آیا اور آنکھ تلے کالا دھبہ بھی بن گیا۔ اسٹوکس نے یہ چوٹ اپنے انسٹاگرام اسٹوری پر شیئر کی اور مزاحیہ انداز میں لکھا کہ ’تمہیں گیند کی حالت بھی دیکھنی چاہیے۔‘
مزید پڑھیں: تیسرا ایشز ٹیسٹ: بین اسٹوکس مچل اسٹارک کی گیند پر آؤٹ ہوکر آپے سے باہر، ویڈیو وائرل
واضح رہے کہ اسٹوکس بیٹنگ یا بولنگ نہیں کر رہے تھے بلکہ نیٹ سیشن کے کنارے کھڑے تھے جب انہیں یہ چوٹ لگی۔ اسٹوکس اس وقت ایڈکٹر انجری سے بحالی کے مراحل میں ہیں، جو انہیں پچھلے ماہ سڈنی میں 5ویں ایشز ٹیسٹ کے دوران میدان چھوڑنے پر مجبور کر گئی تھی۔ وہ ابوظہبی میں اپنی بحالی جاری رکھیں گے۔
اسٹوک انگلینڈ کے لیے وائٹ بال کرکٹ 2023 کے 50 اوورز ورلڈ کپ کے بعد نہیں کھیلے، وہ اس ہفتے شروع ہونے والے T20 ورلڈ کپ کا حصہ بھی نہیں ہیں۔ ان کا اگلا بین الاقوامی میچ جون 206 میں نیوزی لینڈ کے خلاف انگلینڈ ٹیسٹ سیریز کا پہلا میچ ہوگا، جبکہ اس سے پہلے وہ ڈورہم کے لیے کاؤنٹی چیمپیئن شپ میں کھیل سکتے ہیں۔
مزید پڑھیں: ’10 رنز سے کچھ نہیں بدلتا‘، بین اسٹوکس کا ’ہینڈ شیک‘ تنازع پر ردعمل
بین اسٹوکس نے آسٹریلیا میں 4-1 شکست کے بعد کہا کہ وہ ٹیسٹ کپتان کے طور پر اپنا کردار جاری رکھنا چاہتے ہیں اور بریڈن مکولم کو ہیڈ کوچ کے طور پر مکمل سپورٹ کریں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انگلینڈ کے ٹیسٹ کپتان بین اسٹوکس زخمی.
ذریعہ
ذریعہ: WE News
کلیدی لفظ: انگلینڈ کے ٹیسٹ کپتان بین اسٹوکس بین اسٹوکس
پڑھیں:
کراچی، فیڈرل بی انڈسٹریل ایریا میں پولیس مقابلہ، 2 زخمی ڈاکو گرفتار، چھینی گئی موٹر سائیکل برآمد
کراچی:شہر قائد میں فیڈرل بی انڈسٹریل ایریا پولیس نے مبینہ مقابلے کے بعد زخمی سمیت 2 ڈاکوؤں کو گرفتار کر کے اسلحہ ، شہری سے اسلحہ کے زور پر چھینی گئی موٹرسائیکل اور دیگر سامان برآمد کر لیا ۔
تفصیلات کے مطابق فیڈرل بی انڈسٹریل ایریا پولیس نے راشد منہاس روڈ سہراب گوٹھ پل کے قریب سے مبینہ مقابلے کے بعد زخمی سمیت 2 ڈاکوؤں کو گرفتار کر لیا۔
زخمی حالت میں گرفتار ڈاکو کو طبی امداد کے لیے عباسی شہید اسپتال منتقل کیا گیا۔
ترجمان ایس یس پی ڈسٹرکٹ سینٹرل عمران خان کے مطابق زخمی حالت میں گرفتار ڈاکو کی شناخت شعیب ولد احسان کے نام سے کی گئی جبکہ دوسرے گرفتار ملزم نے اپنا نام رضی الدین ولد سمیع الدین بتایا۔
گرفتار ملزمان سے ایک پستول بمعہ گولیاں ، موبائل فون ، کیش رقم اور موٹرسائیکل برآمد کی گئی۔
ملزمان سے ملنے والی موٹرسائیکل 21 جولائی 2026 کو شاہراہ پاکستان سے شہری سے اسلحہ کے زور پر چھینی گئی تھی ۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار