چھتوں پر پتنگیں، میدانوں کے ہیروز بھی بسنت کے دیوانے
اشاعت کی تاریخ: 6th, February 2026 GMT
لاہور میں لگ بھگ 25 برس بعد بسنت کے تہوار کی واپسی نے شہر کو ایک بار پھر رنگوں اور خوشیوں سے بھر دیا ہے۔ عام شہریوں کے ساتھ ساتھ قومی سطح کے کھلاڑی بھی پتنگ بازی کے جوش میں کسی سے پیچھے نہیں رہے۔
یہ بھی پڑھیں: لاہور میں بسنت کے تہوار پر تاریخی جشن
پاکستان کے فاسٹ بولر حسن علی اہلیہ اور دوستوں کے ہمراہ گزشتہ شب پتنگ اُڑانے کے لیے چھت پر نظر آئے۔ حسن علی نے فوٹو اینڈ ویڈیو شیئرنگ ایپ انسٹاگرام پر اپنی سرگرمی کی اسٹوری شیئر کی جو دیکھتے ہی دیکھتے سوشل میڈیا پر مقبول ہو گئی۔
اس کے علاوہ حسن علی کے ایک قریبی دوست نے بھی ان کی پتنگ بازی کی ویڈیو انسٹاگرام پر اپ لوڈ کی، جس میں قومی ٹیم کے سینئر کھلاڑی شعیب ملک بھی موجود دکھائی دیے۔
View this post on Instagram
A post shared by Wasim Akram (@wasimakramliveofficial)
دوسری جانب سوئنگ کے سلطان وسیم اکرم نے بھی بسنت کے موقع پر ایک ویڈیو پیغام شیئر کیا جس میں ان کا جذبہ اور خوشی واضح طور پر جھلک رہی تھی۔ وسیم اکرم نے محفوظ بسنت کے انعقاد پر پنجاب حکومت کی کاوشوں کو سراہا اور شہریوں کو احتیاطی تدابیر اختیار کرنے کی تلقین کی۔
یہ بھی پڑھیں: ’لاہور کے مناظر دیکھ کر بچپن یاد آگیا‘، بسنت کے موقع پر وسیم اکرم نے لوگوں سے کیا اپیل کی؟
وسیم اکرم کا کہنا تھا کہ سوشل میڈیا پر لاہور کی تصاویر دیکھ کر خوشی ہوئی، شہر انتہائی خوبصورت دکھائی دے رہا ہے۔ وہ بسنت مناتے ہوئے بڑے ہوئے ہیں اور بچپن کی یادیں آج بھی تازہ ہیں، کیونکہ اس تہوار پر ایک خاص طرح کی خوشی اور جوش ہوا کرتا تھا۔
View this post on Instagram
A post shared by Ch Usman Mushtaq (@ch.
انہوں نے کہا کہ اگرچہ وہ کرکٹ کھیلتے ہوئے بڑے ہوئے، مگر بسنت کی خوشی کا اپنا ہی لطف ہے، اور اس وقت لاہوریوں اور بیرون ملک سے آنے والوں کی کیفیت کو وہ بخوبی سمجھ سکتے ہیں۔
وسیم اکرم نے مزید کہا کہ پنجاب حکومت کو مبارک ہو کہ اس نے حفاظتی انتظامات کے ساتھ اس تہوار کو دوبارہ ممکن بنایا، جبکہ پتنگ بازوں کو بھی ذمہ داری کا مظاہرہ کرنا چاہیے تاکہ آئندہ برسوں میں بھی بسنت اسی جذبے اور تحفظ کے ساتھ منائی جا سکے۔
یہ بھی پڑھیں: طویل پابندی کے بعد بسنت کا تہوار دوبارہ شروع، ’لاہور کے لوگ سونے کے موڈ میں نہیں‘
آخر میں انہوں نے بتایا کہ وہ خود اس بار بسنت نہیں منا سکیں گے کیونکہ انہیں ورلڈ کپ کی ذمہ داریوں کے لیے سری لنکا روانہ ہونا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news بسنت پاکستان پتنگ بازی حسن علی شعیب ملک قومی کرکٹر وسیم اکرم
ذریعہ
ذریعہ: WE News
کلیدی لفظ: پاکستان پتنگ بازی حسن علی شعیب ملک قومی کرکٹر وسیم اکرم وسیم اکرم نے حسن علی بسنت کے
پڑھیں:
ایرانی وزیر داخلہ سکندر مومنی کی لاہور آمد: وفاقی وزیر داخلہ اور گورنرپنجاب کے ہمراہ مزار اقبال اور دربار بی بی پاکدامن حاضری
سٹی 42: ایرانی وزیر داخلہ سکندر مومنی لاہور پہنچ گئے ۔ وفاقی وزیر داخلہ محسن نقوی نے ایرانی ہم منصب کا استقبال کیا۔
گورنرپنجاب سردار سلیم حیدر خان ودیگرایئرپورٹ پر موجود تھے۔ایرانی وزیر داخلہ نے مزاراقبال اور دربار بی بی پاکدامن پر حاضری دی ۔
وزیر داخلہ محسن نقوی اور گورنر پنجاب سلیم حیدر خان بھی ہمراہ تھے۔
ایرانی وزیر داخلہ نے مزار اقبال پر پھول رکھے ،امن و استحکام کیلئے دعا کی۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار