کیلیفورنیا کی ڈیتھ ویلی: غیر قانونی ڈرائیونگ سے نایاب پودے تباہ، عوام سے مدد طلب
اشاعت کی تاریخ: 6th, February 2026 GMT
نیشنل پارک سروس (این پی ایس) نے عوام سے مدد کی اپیل کی ہے تاکہ وہ ان افراد کی شناخت کرنے میں مدد کریں جو امریکی ریاست کیلیفورنیا میں واقع ڈیتھ ویلی نیشنل پارک میں غیر قانونی آف روڈ ڈرائیونگ کے مرتکب ہوئے جس سے نایاب اور حساس صحرائی پودوں کو شدید نقصان پہنچا۔
یہ بھی پڑھیں: کیلیفورنیا میں بھارتی نژاد غیر قانونی تارکِ وطن ڈرائیور گرفتار، خوفناک حادثے میں 3 ہلاک
مذکورہ واقعہ 17 دسمبر کو یوریکا ڈونز میں پیش آیا جہاں بغیر اجازت گاڑیوں کے ٹریکس نے 5 میل سے زیادہ علاقے کو متاثر کیا۔ حکام کے مطابق کم از کم 74 پودے تباہ یا نقصان پہنچے جن میں نایاب شائننگ ملکویچ بھی شامل ہے، جو صرف انہی ریتیلے ٹیلوں میں پایا جاتا ہے۔
ڈیتھ ویلی کے سپرنٹینڈینٹ مائیک رینولڈز نے کہا کہ یوریکا ڈونز ایک خاص جگہ ہے جو پیدل چل کر لطف اندوز ہونے کے لیے ہے۔
متاثرہ گاڑی سنہ 2021 ماڈل ٹویاٹا ٹاکوما بتائی گئی ہے جس کے کیلیفورنیا کے نمبر پلیٹس ہیں۔ حکام نے خبردار کیا کہ گاڑی کے وزن کی وجہ سے دیگر نایاب پودوں کی جڑوں کو بھی نقصان پہنچ سکتا ہے جن میں یوریکا ڈونز ایوننگ پرائمروز اور یوریکا ویلی ڈون گراس شامل ہیں جو پارک کی ریتیلے ماحول میں منفرد ہیں۔
مزید پڑھیے: برٹش کولمبیا سے گم شدہ چٹان 1700 میل دور کیلیفورنیا سے مل گئی
یوریکا ڈونز نیشنل نیچرل لینڈ مارک کے طور پر درج ہیں جن کی بلندی 680 فٹ سے زیادہ ہے اور یہ ماحولیاتی جزیرہ تصور کیے جاتے ہیں جہاں منفرد پودے پایا جاتے ہیں۔ نیشنل پارک سروس نے کسی بھی شخص سے اپیل کی ہے کہ وہ معلومات فراہم کرے تاکہ اس نازک ماحول کو محفوظ رکھا جا سکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکی ریاست کیلیفورنیا ڈیتھ ویلی ڈیتھ ویلی میں غیرقانونی ڈرائیونگ نیشنل پارک سروس.
ذریعہ
ذریعہ: WE News
کلیدی لفظ: امریکی ریاست کیلیفورنیا نیشنل پارک سروس یوریکا ڈونز نیشنل پارک
پڑھیں:
بجلی صارفین کے لیے ریلیف کا اعلان، پاور ڈویژن نے عوام کو خوشخبری سنا دی
پاور ڈویژن نے اعلان کیا ہے کہ رواں سال جون کے دوران بجلی صارفین کو فی یونٹ 20 پیسے کا خالص ریلیف ملے گا۔
اعلامیے کے مطابق ماہانہ فیول ایڈجسٹمنٹ کی مد میں 1.73 روپے فی یونٹ اضافہ جبکہ سہ ماہی ایڈجسٹمنٹ کی مد میں 1.93 روپے فی یونٹ کمی کی گئی ہے، جس کے نتیجے میں صارفین کو مجموعی طور پر 20 پیسے فی یونٹ کا فائدہ حاصل ہوگا۔
پاور ڈویژن کے مطابق جون میں بجلی کے نرخ جنوری تا مئی 2026 کے مقابلے میں برقرار رہیں گے۔
اعلامیے میں کہا گیا ہے کہ سہ ماہی ریلیف کی شرح ماہانہ اضافے سے زیادہ رہی، جس کی وجہ سے صارفین کو خالص ریلیف میسر آئے گا۔
پاور ڈویژن نے بتایا کہ ایران اور امریکا کے درمیان جنگ کے باعث عالمی توانائی منڈی شدید دباؤ کا شکار رہی اور برینٹ کروڈ آئل کی متوقع قیمت 70 ڈالر فی بیرل سے بڑھ کر 120 ڈالر فی بیرل تک پہنچ گئی۔
پاور ڈویژن کے مطابق اس صورتحال کے باوجود حکومت نے بروقت اقدامات کرتے ہوئے بجلی صارفین کو بڑے اضافی مالی بوجھ سے محفوظ رکھا۔
اعلامیے کے مطابق اپریل میں بجلی کی قیمت میں ممکنہ طور پر 5 سے 6 روپے فی یونٹ اضافے کا خدشہ تھا، تاہم حکومتی اقدامات کے نتیجے میں اس اضافے کو محدود کرکے 1.73 روپے فی یونٹ تک رکھا گیا۔ اس طرح صارفین پر تقریباً 38 ارب روپے کا اضافی بوجھ منتقل ہونے سے بچ گیا۔
پاور ڈویژن کا کہنا ہے کہ محدود لوڈ مینجمنٹ، مقامی گیس کے استعمال اور فرنس آئل کے مؤثر استعمال کے ذریعے توانائی کے بحران کا مقابلہ کیا گیا۔
مزید بتایا گیا کہ سہ ماہی ایڈجسٹمنٹ کی مد میں 1.93 روپے فی یونٹ کمی کی گئی ہے جس سے مجموعی طور پر 65 ارب روپے کا ریلیف صارفین کو ملے گا۔
اعلامیے میں کہا گیا کہ لائن لاسز میں کمی اور بجلی کی طلب میں اضافے کے باعث صارفین کو نمایاں ریلیف فراہم ہوا، جبکہ متوقع بیس ٹیرف کے مقابلے میں 46 ارب روپے کی منفی تبدیلی بھی صارفین کے حق میں گئی۔
پاور ڈویژن نے اس بات پر زور دیا کہ حکومت نے عالمی اور علاقائی سطح پر درپیش مشکلات کے باوجود بجلی کے نرخوں کو مستحکم رکھنے میں کامیابی حاصل کی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بجلی صارفین پاور ڈویژن ریلیف کا اعلان عوام کو خوشخبری وی نیوز
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ