ایپل رواں سال سستا ترین نیا آئی فون متعارف کرانے کے لیے تیار
اشاعت کی تاریخ: 6th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
کیوپرٹینو :ایپل کی جانب سے رواں سال اپنا سستا ترین نیا آئی فون بہت جلد متعارف کرائے جانے کا امکان ظاہر کیا جا رہا ہے، جس سے دنیا بھر میں آئی فون کے شائقین میں خاصا جوش پایا جا رہا ہے۔ ابتدائی طور پر یہ خیال کیا جا رہا تھا کہ آئی فون 17 ای کو موسمِ بہار میں پیش کیا جائے گا، اب سامنے آنے والی تازہ رپورٹس میں دعویٰ کیا گیا ہے کہ ایپل اس ڈیوائس کو فروری کے مہینے میں ہی لانچ کر دے گا۔
ٹیکنالوجی سے متعلق ویب سائٹ میک ویلٹ (Macwelt) کی رپورٹ میں ذرائع کے حوالے سے بتایا گیا ہے کہ ایپل 19 فروری کو آئی فون 17 ای کو باضابطہ طور پر متعارف کرانے کا منصوبہ رکھتا ہے، یہ تاریخ اس لحاظ سے بھی غیر متوقع نہیں کیونکہ ایپل نے گزشتہ سال بھی آئی فون 16 ای کو 19 فروری 2025 کو پیش کیا تھا، جس سے اندازہ ہوتا ہے کہ کمپنی سستے آئی فونز کے لیے اسی شیڈول پر عمل کر رہی ہے۔
رپورٹ میں مزید بتایا گیا ہے کہ آئی فون 17 ای میں اس بار میگ سیف (MagSafe) سپورٹ فراہم کی جائے گی، جس کے نتیجے میں صارفین کو 25 واٹ وائرلیس چارجنگ کی سہولت حاصل ہوگی۔ یہ فیچر آئی فون 16 ای میں موجود نہیں تھا، جس کی وجہ سے نئے ماڈل کو خاصی اہمیت دی جا رہی ہے۔
ایک اور رپورٹ کے مطابق آئی فون 17 ای کا ڈیزائن مجموعی طور پر گزشتہ سال کے آئی فون 16 ای سے ملتا جلتا ہوگا،اس میں فرنٹ کیمرے کے لیے ڈائنامک آئی لینڈ ڈیزائن شامل نہیں کیا جائے گا جو کہ ایپل کے مہنگے ماڈلز میں دیکھا جاتا ہے۔ اس فیصلے کا مقصد ممکنہ طور پر قیمت کو کم رکھنا بتایا جا رہا ہے۔
ٹیکنیکل خصوصیات کے حوالے سے بتایا گیا ہے کہ آئی فون 17 ای میں جدید اے 19 چِپ دی جائے گی جبکہ اس کے ساتھ سیکنڈ جنریشن ایپل سی 1 ایکس موڈیم اور این 1 وائرلیس نیٹ ورک چِپ بھی شامل ہوگی دیگر فیچرز زیادہ تر آئی فون 16 ای جیسے ہی ہونے کا امکان ہے، تاکہ کم قیمت میں بہتر کارکردگی فراہم کی جا سکے۔
رپورٹس کے مطابق آئی فون 17 ای کی ابتدائی قیمت 599 ڈالرز سے شروع ہونے کا امکان ہے، جس کے باعث یہ ڈیوائس اُن صارفین کے لیے پرکشش انتخاب بن سکتی ہے جو کم قیمت میں ایپل کا نیا آئی فون خریدنا چاہتے ہیں۔
ذریعہ
ذریعہ: Jasarat News
کلیدی لفظ: آئی فون 16 ای آئی فون 17 ای گیا ہے کہ کے لیے جا رہا کیا جا
پڑھیں:
فیصل آباد:حکومت سے مذاکرات ناکام ہونے پر پیٹرول پمپ مالکان کا پمپس بند رکھنے کا اعلان
اسلان درانی : فیصل آباد میں حکومت اور پٹرول پمپ مالکان کے درمیان مذاکرات کامیاب نہ ہو سکے، جس کے بعد پٹرول پمپ مالکان نے ہڑتال کا اعلان کر دیا, ہڑتال کے باعث شہر میں متعدد پٹرول پمپس پر پٹرول کی فراہمی معطل ہو گئی، جس سے شہریوں کو ایندھن کے حصول میں شدید مشکلات کا سامنا ہے۔
اطلاعات کے مطابق پاکستان اسٹیٹ آئل (PSO) اور گو (GO) کے چند پمپس کے علاوہ بیشتر مقامات پر پٹرول دستیاب نہیں، جبکہ کھلے پمپس پر بھی گاڑیوں کی لمبی قطاریں دیکھی جا رہی ہیں۔ شہریوں کا کہنا ہے کہ پٹرول تک رسائی ان کے لیے ایک بڑا چیلنج بن چکی ہے۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
شہریوں نے شکایت کی کہ پٹرول پہلے ہی مہنگا ہو چکا ہے اور اب اس کی عدم دستیابی نے مشکلات میں مزید اضافہ کر دیا ہے۔ بعض شہریوں کا کہنا ہے کہ پٹرول پمپ مالکان سپلائی میں تعطل کو جواز بنا رہے ہیں، جس سے عام صارفین متاثر ہو رہے ہیں۔
شہریوں نے حکومت سے مطالبہ کیا ہے کہ عوامی مفاد کو مدنظر رکھتے ہوئے فوری اقدامات کیے جائیں، پٹرول کی بلا تعطل فراہمی یقینی بنائی جائے اور حکومت و پٹرول پمپ مالکان کے درمیان پیدا ہونے والے تنازع کو جلد از جلد حل کیا جائے تاکہ معمولاتِ زندگی متاثر نہ ہوں۔
جعلی امیدواروں کی شامت، پی پی ایس سی امتحانات میں بائیو میٹرک نظام نافذ
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا