سعودی وزیر خارجہ شہزادہ فیصل بن فرحان کی غزہ اور علاقائی استحکام پر سلووینیا میں عرب ہم منصبوں کے ساتھ ملاقات
اشاعت کی تاریخ: 6th, February 2026 GMT
سعودی عرب کے وزیر خارجہ شہزادہ فیصل بن فرحان نے جمعے کے روز سلووینیا کے دارالحکومت لیوبلیانا میں سلووینیا کی نائب وزیر اعظم و وزیر خارجہ و یورپی امور تانیا فایون سے ملاقات کی۔ یہ ملاقات غزہ کی صورتحال اور خطے میں امن و استحکام پر مرکوز عرب وزرائے خارجہ کے توسیعی اجلاس کے موقعے پر ہوئی۔
یہ بھی پڑھیں: امریکا ایران کشیدگی: سعودی عرب، ترکی اور پاکستان نے واشنگٹن کو کیا پیغام دیا؟
سعودی پریس ایجنسی کے مطابق شہزادہ فیصل بن فرحان نے سلووینیا کی وزیر خارجہ سے علیحدہ ملاقات میں سعودی عرب اور سلووینیا کے دوطرفہ تعلقات کا جائزہ لیا اور مختلف شعبوں میں تعاون بڑھانے کے امکانات پر تبادلۂ خیال کیا۔
بعد ازاں دونوں ممالک کے درمیان عمومی تعاون کے ایک معاہدے پر دستخط کیے گئے جس کا مقصد سعودی عرب اور سلووینیا کے تعلقات کو مزید مضبوط بنانا اور مشترکہ ترقی و خوشحالی کے لیے تعاون کو فروغ دینا ہے۔
عرب وزرائے خارجہ کا توسیعی اجلاستوسیعی وزارتی اجلاس میں اردن کے نائب وزیر اعظم و وزیر خارجہ ایمن الصفدی، مصر کے وزیر خارجہ بدر عبدالعاطی، بحرین کے وزیر خارجہ عبداللطیف الزیانی اور قطر کے وزیر مملکت برائے خارجہ امور سلطان المریخی نے بھی شرکت کی۔
مزید پڑھیے: ترکیہ اور سعودی عرب تعلقات کو نئی بلندیوں تک لے جانے پر متفق، علاقائی استحکام پر مشترکہ مؤقف
اجلاس کے دوران وزرائے خارجہ نے علاقائی اور عالمی امن و سلامتی کو مستحکم بنانے کے طریقوں پر غور کیا جس میں غزہ کی صورتحال خصوصی توجہ کا مرکز رہی۔
جنگ بندی اور انسانی امداد پر زوروزرا نے امریکی صدر ڈونلڈ ٹرمپ کے امن منصوبے کو آگے بڑھانے کی کوششوں کا بھی جائزہ لیا اور اس بات پر اتفاق کیا کہ دو ریاستی حل کی بنیاد پر ایک واضح سیاسی لائحہ عمل ناگزیر ہے جو سنہ 1967 کی سرحدوں کے مطابق ایک آزاد اور خودمختار فلسطینی ریاست کے قیام پر منتج ہو، جس کا دارالحکومت مشرقی یروشلم ہو۔
اجلاس میں مقبوضہ مغربی کنارے کی صورتحال پر بھی بات چیت کی گئی اور اسرائیل کی جانب سے یکطرفہ اور غیر قانونی اقدامات اور مقبوضہ یروشلم میں اسلامی و عیسائی مقدس مقامات کی خلاف ورزیوں کے خاتمے کا مطالبہ کیا گیا۔
وزرا نے خبردار کیا کہ اس طرح کے اقدامات کشیدگی کم کرنے کی کوششوں کو نقصان پہنچاتے ہیں۔
مزید پڑھیں: 2025 پاکستان اور سعودی عرب کے تعلقات کے لیے تاریخی سال ثابت ہوا: پاکستانی سفیر احمد فاروق
وزرائے خارجہ نے فلسطینی حقوق کے لیے سلووینیا کی حمایت اور فلسطینی ریاست کو تسلیم کرنے کے اقدام کو سراہا۔ اس کے علاوہ خطے کی مجموعی صورتحال، مکالمے کے ذریعے کشیدگی میں کمی، اور روس یوکرین بحران کے حل سے متعلق کوششوں پر بھی تبادلہ خیال کیا گیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
سعودی عرب سعودی وزیرخارجہ کی ہم منصبوں سے ملاقات شہزادہ فیصل بن فرحان.
ذریعہ
ذریعہ: WE News
کلیدی لفظ: سعودی وزیرخارجہ کی ہم منصبوں سے ملاقات شہزادہ فیصل بن فرحان شہزادہ فیصل بن فرحان کے وزیر کے لیے
پڑھیں:
پاکستانی پرچم بردار جہازوں کیخلاف کسی بھی قسم کی جارحانہ کارروائی کو قومی سلامتی کا خطرہ تصور کیا جائیگا: دفتر خارجہ
اسلام آباد(ڈیلی پاکستان آن لائن) وزارت خارجہ نے کہا ہے کہ حوثیوں کی جانب سے بحری جہازوں پر حملوں کی مذمت کرتے ہیں، پاکستانی پرچم بردار جہازوں پر کارروائی قومی سلامتی کا خطرہ تصور ہوگی، پاکستان اپنے بحری مفادات کے تحفظ کے لیے پرعزم ہے۔
تفصیلات کے مطابق دفتر خارجہ کے ترجمان طاہر حسین اندرابی نے ہفتہ وار نیوز بریفنگ میں کہا کہ حوثیوں نے سعودی کمرشل جہازوں کو دھمکیاں دی، حوثیوں کی جانب سے بحری جہازوں پر حملوں کے اطلاعات بھی ہیں، پاکستان حوثیوں کے ان اقدامات کی مذمت کرتا ہے۔سعودی عرب کے ساتھ تجارت کو نشانہ بنانے یا اس کے خلاف دھمکیاں دینا ناقابلِ قبول ہے، سعودی عرب کے ساتھ جائز تجارتی سرگرمیوں میں مصروف بحری جہازوں کو دھمکیاں دینے پر پاکستان کو تشویش ہے۔ پاکستان کو سعودی عرب کے خلاف حوثی ملیشیا کی مسلسل دھمکیوں پر شدید تشویش ہے، بحیرۂ احمر میں تجارتی جہازوں کو نشانہ بنانے کے اعلانات کی شدید مذمت کرتے ہیں، مشرق وسطیٰ کے تنازع میں سعودی عرب کو گھسیٹنے کی کوششوں پر تشویش ہے۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
’’دنیا نیوز ‘‘ کے مطابق دفتر خارجہ کے ترجمان نے کہا کہ پاکستانی پرچم بردار جہازوں کے خلاف کسی بھی قسم کی جارحانہ کارروائی کو قومی سلامتی کا خطرہ تصور کیا جائے گا، پاکستان کے سمندری مفادات کے خلاف جارحانہ کاروائی کو خودمختار مفادات کے لیے سنگین خطرہ تصور کیا جائے گا۔اقوامِ متحدہ کے قانون کے مطابق پاکستان اپنے سمندری اثاثوں کی دفاع کے لیے طاقت کے استعمال کا حق محفوظ رکھتا ہے، پاکستان اپنے بحری مفادات کے تحفظ کے لیے پرعزم ہے۔پاکستان نے تمام فریقوں پر ضبط و تحمل کا مظاہرہ کرنے پر زور دیا ہے، پاکستان کو مشرق وسطیٰ میں کشیدگی پر تشویش ہے، پاکستان مذاکرات اور سفارتکاری کی کوشش کی حمایت رکھے گا، ایران، امریکہ مذاکرات کے لیے پرامید ہیں۔
اپر کوہستان مالیاتی اسکینڈل، 21 کروڑ روپے سے زائد رقم بحق سرکار ضبط کرنے کا حکم
انہوں نے بتایا کہ ایرانی وزیر داخلہ نے وزیراعظم، نائب وزیراعظم، فیلڈ مارشل سے ملاقاتیں کی ہیں، پاکستان کی سفارتی کوشش جاری ہے، بات چیت ہی کشیدگی کا واحد حل ہے، تجارتی جہازوں کو دھمکیاں علاقائی امن، عالمی تجارت کیلئے سنگین خطرہ ہیں۔ نائب وزیر اعظم نے آسیان ریجنل فورم کے موقع پر مختلف ممالک کے وزرا ئے خارجہ سے اہم ملاقاتیں کی ہیں، ملاقاتوں میں مشرق و سطیٰ میں قیام امن، کشیدگی کے خاتمے کی اہمیت پر زور دیا گیا۔
ترجمان دفتر خارجہ نے کہا کہ افغانستان میں دہشت گردوں کے محفوظ ٹھکانے بدستور موجود ہیں، افغان طالبان کی طرف سے دہشتگردوں کی پشت پناہی سے علاقائی امن کو خطرہ لاحق ہے۔ہزاروں پاکستانی دہشت گردی کے واقعا ت میں شہید ہو چکے ہیں، عالمی برادری دہشتگردوں کی پشت پناہی پر افغان طالبان کو جواب دہ ٹھہرائے۔
عالمی منڈی میں خام تیل کی قیمت 100 ڈالر فی بیرل سے بھی تجاوز کر گئی
یورپی یونین کی رپورٹ پر دفتر خارجہ نے ردعمل دیا کہ پاکستان کے لیے جاری کردہ جی ایس پی رپورٹ فائنل ہے، پاکستان 27 کنونشن پر عمل درآمد کررہا ہے، جی ایس پی پلس درجہ پاکستان کی معیشت کے لیے فائدہ مند رہا ہے، ہم یورپی یونین کے ساتھ مسلسل رابطے میں ہیں، پاکستان انٹرنیشنل کنونشن پر عملدرآمد کرتا رہے گا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار