سردار عبدالرحیم کی اسلام آباد خودکش دھماکے کی سخت مذمت
اشاعت کی تاریخ: 7th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
کراچی (اسٹاف رپورٹر) پاکستان مسلم لیگ فنکشنل سندھ کے سیکرٹری جنرل سردار عبدالرحیم نے اسلام آباد میں امام بارگاہ کے قریب ہونے والے خودکش دھماکے کی سخت الفاظ میں مذمت کی ہے اور معصوم شہریوں کی شہادت پر گہرے دکھ اور افسوس کا اظہار کیا ہے۔ سردار عبدالرحیم نے کہا کہ ملک میں بڑھتی ہوئی دہشت گردی اور اس طرح کے حملے انسانی اقدار، اسلام اور قومی اتحاد پر سِیدھا حملہ ہیں اور انہیں کسی صورت قبول نہیں کیا جا سکتا۔ انہوں نے کہا کہ سیکورٹی فورسز کے ہاتھوں اب تک سیکڑوں دہشت گرد مارے جا چکے ہیں اور ان کی قربانیاں قوم کے لیے مثال ہیں، ہر پاکستانی ان کے ساتھ کھڑا ہے تاکہ دہشت گردی کا مکمل خاتمہ یقینی بنایا جا سکے۔ سردار عبدالرحیم نے کہا کہ دہشت گرد اب خوفزدہ ہو کر بزدلانہ کارروائیاں کر رہے ہیں، معصوم شہریوں کو شہید اور املاک کو نقصان پہنچا رہے ہیں لیکن قوم متحد اور محتاط رہے گی اور ان سازشوں کو ناکام بنائے گی۔ انہوں نے مطالبہ کیا کہ حکومت قومی ایکشن پلان پر بلا تفریق اور مؤثر عملدرآمد کرے، ملوث عناصر کو قانون کے مطابق سزا دی جائے اور شہریوں کی جان و مال کا تحفظ ہر صورت یقینی بنایا جائے۔ آخر میں سردار عبدالرحیم نے شہدا کے لواحقین سے دلی ہمدردی کا اظہار کیا اور زخمیوں کی جلد صحت یابی کے لیے دعا کی۔
ذریعہ
ذریعہ: Jasarat News
کلیدی لفظ: سردار عبدالرحیم نے
پڑھیں:
فورسز کی بلوچستان کے مختلف علاقوں میں کارروائیاں، 17 دہشتگرد ہلاک، آئی ایس پی آر
پاک فوج کے شعبہ تعلقات عامہ (آئی ایس پی آر) سے جاری بیان کے مطابق سیکیورٹی فورسز(security forces) نے 24 مئی 2026 کو پیش آنے والے ریل حادثے کے بعد خفیہ اطلاعات کی بنیاد پر بلوچستان کے اضلاع مستونگ، نوشکی، زہری، خضدار اور کیچ میں کارروائیاں کیں۔
بیان میں کہا گیا کہ ان کارروائیوں کے دوران سیکیورٹی اہلکاروں نے دہشت گردوں کے ٹھکانوں کو نشانہ بنایا اور شدید فائرنگ کے تبادلوں کے دوران بھارتی اسپانسرڈ فتنۃ الہندوستان کے 17 دہشت گردوں کو ہلاک کردیا اور ان علاقوں میں سرگرم دہشت گردی کے نیٹ ورکس کو بڑا دھچکا پہنچایا ہے۔
آئی ایس پی آر نے بتایا کہ بھارتی اسپانسرڈ ہلاک دہشت گردوں کے زیرقبضہ ہتھیار، باردو اور بڑے پیمانے دھماکا خیز مواد اور مواد تیار کرنے کی ڈیوائسز برآمد کرلی گئیں۔
بیان میں بتایا گیا کہ ہلاک دہشت گرد بلوچستان کے ان علاقوں میں دہشت گردی کے کئی اہم واقعات میں ملوث رہے تھے۔
مزید پڑھیں:پاکستان میں پٹرولیم مصنوعات کی کھپت میں 23 فیصد کمی
آئی ایس پی آر نے مزید بتایا کہ علاقے سے دہشت گردوں کے صفایا کرنے کے لیے سینیٹائزیشن آپریشن جاری ہے، سیکیورٹی فورسز اور پاکستان کے قانون نافذ کرنے والے اداروں کی عزم استحکام وژن کے تحت دہشت گردی کے خاتمہ کی مہم پوری رفتار سے جاری رہے گی تاکہ ملک سے بیرونی اسپانسرڈ اور تعاون سے جاری دہشت گردی کے ناسور کا مکمل خاتمہ ہو۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ