اسلام آباد بے گناہ نمازیوں پر فتنۃ الخوارج کا بزدلانہ حملہ قابلِ شدید مذمت ہے، مفتی عبدالرحیم
اشاعت کی تاریخ: 6th, February 2026 GMT
سرپرستِ اعلیٰ جامعۃ الرشید نے کہا کہ ان شاء اللہ پوری قوم یکجان ہو کر ان جہنمی دہشت گردوں کا مقابلہ کرے گی اور ان کی حیوانیت خود انہی پر پلٹ جائے گی، جامعۃ الرشید، اس کے اساتذہ، طلبہ، متعلقین اور معاونین اس بزدلانہ کارروائی کی بھرپور مذمت کرتے ہیں اور شہداء کے لیے بلندیٔ درجات، زخمیوں کی جلد صحت یابی اور تمام متاثرین سے مکمل یکجہتی کا اظہار کرتے ہیں۔ اسلام ٹائمز۔ اسلام آباد میں نمازیوں کو نشانہ بنانے والے خودکش حملے کی سرپرستِ اعلیٰ جامعۃ الرشید مفتی عبدالرحیم نے شدید الفاظ میں مذمت کی ہے۔ اپنے مذمتی پیغام میں انہوں نے کہا کہ پاکستان جیسی اسلامی مملکت کے دارالحکومت میں عبادت گاہ اور بے گناہ نمازیوں پر حملہ فتنۃ الخوارج کے دہشت گردوں کی ذہنیت کو پوری قوم کے سامنے بے نقاب کرتا ہے، جن کا اسلام اور انسانیت سے کوئی تعلق نہیں۔ مفتی عبدالرحیم نے کہا کہ یہ ناپاک عناصر ماضی میں بھی مساجد، مدارس، علما، طلبہ، خواتین اور بچوں کو نشانہ بناتے رہے ہیں اور ان کا مقصد پاکستان دشمن قوتوں کی شہ پر ملک کے امن و استحکام کو تباہ کرنا ہے۔ انہوں نے واضح کیا کہ اس بزدلانہ حملے نے قوم کو خوفزدہ کرنے کے بجائے مزید متحد کر دیا ہے۔ انہوں نے کہا کہ ان شاء اللہ پوری قوم یکجان ہو کر ان جہنمی دہشت گردوں کا مقابلہ کرے گی اور ان کی حیوانیت خود انہی پر پلٹ جائے گی، جامعۃ الرشید، اس کے اساتذہ، طلبہ، متعلقین اور معاونین اس بزدلانہ کارروائی کی بھرپور مذمت کرتے ہیں اور شہداء کے لیے بلندیٔ درجات، زخمیوں کی جلد صحت یابی اور تمام متاثرین سے مکمل یکجہتی کا اظہار کرتے ہیں۔
سرپرستِ اعلیٰ جامعۃ الرشید نے کہا کہ وہ طویل عرصے سے قوم کو آگاہ کرتے آ رہے ہیں کہ یہ خوارج اسلام کے نام پر اسلام ہی کے دشمن ہیں اور انسانیت سے بھی ان کا کوئی واسطہ نہیں۔ انہوں نے زور دیا کہ دہشت گردی کے خاتمے کے لیے ان عناصر کے سہولت کاروں کا احتساب اور مواخذہ ناگزیر ہے، جو مذہب، حلیے، قومیت یا صوبائیت کی بنیاد پر اعلانیہ یا خفیہ معاونت فراہم کرتے ہیں۔ انہوں نے قوم سے اپیل کی کہ وہ ہر شناخت سے بالاتر ہو کر اپنے وطن، ریاستِ پاکستان اور افواجِ پاکستان کے ساتھ کھڑی ہو اور اللہ تعالیٰ کی مدد سے ان اسلام اور انسان دشمن عناصر اور ان کے سہولت کاروں کے خلاف متحد ہو جائے، یہاں تک کہ انہیں مکمل طور پر شکست دے دی جائے۔
ذریعہ
ذریعہ: Islam Times
کلیدی لفظ: جامعۃ الرشید نے کہا کہ کرتے ہیں انہوں نے ہیں اور اور ان
پڑھیں:
کاوا مینز والی بال چیمپئن شپ: قومی ٹیم نے دوسرے روز بنگلا دیش کو شکست دے دی
کاوا مینز والی بال چیمپئن شپ کے دوسرے روز بھی پاکستان کا جادو سر چڑھ کر بولا، قومی ٹیم نے بنگلادیش کو کسی بھی مرحلے پر سنبھلنے کا موقع نہ دیا اور مسلسل تین سیٹ جیت کر 0-3 سے شاندار فتح اپنے نام کر لی۔
پاکستان نے آغاز سے ہی جارحانہ کھیل پیش کرتے ہوئے پہلا سیٹ 16-25 سے جیتا، دوسرے سیٹ میں بھی سبز ہلالی پرچم بلند رکھا اور 17-25 سے کامیابی سمیٹی۔
تیسرے سیٹ میں بنگلادیش نے بھرپور مزاحمت کی، مگر پاکستانی کھلاڑیوں نے اعتماد اور مہارت کا شاندار مظاہرہ کرتے ہوئے 22-25 سے فتح حاصل کی اور میچ بغیر کوئی سیٹ گنوائے تین صفر سے اپنے نام کر لیا۔
قومی ٹیم کی یہ مسلسل دوسری فتح کاوا چیمپئن شپ میں پاکستان کے مضبوط عزائم کا واضح اعلان ہے جبکہ شاندار کارکردگی نے ٹائٹل کی دوڑ میں پاکستان کو مزید مضبوط امیدوار بنا دیا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار