حکومت کا گھریلو و کمرشل صارفین کیلیے بجلی سستی اور فکسڈ چارجز کے نظام میں بڑی تبدیلی کا فیصلہ
اشاعت کی تاریخ: 7th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
اسلام آباد: وفاقی حکومت نے مہنگائی کے دباؤ میں پسے عوام کو جزوی ریلیف فراہم کرنے کے لیے بجلی کے بنیادی ٹیرف میں کمی اور فکسڈ چارجز کے نظام میں اہم ردوبدل کا فیصلہ کر لیا ہے۔
میڈیا رپورٹس کے مطابق اس سلسلے میں پاور ڈویژن کی جانب سے وفاقی کابینہ کی منظوری کے بعد باضابطہ طور پر درخواست نیشنل الیکٹرک پاور ریگولیٹری اتھارٹی میں جمع کرا دی گئی ہے، جس پر نیپرا 10 فروری کو سماعت کرے گا۔
حکومتی ذرائع کے حوالے سے رپورٹ میں بتایا گیا ہے کہ مجوزہ فیصلوں کا مقصد بجلی استعمال کے مختلف سلیبز میں توازن پیدا کرنا اور زیادہ یونٹس استعمال کرنے والے صارفین پر اضافی بوجھ کم کرنا ہے۔
حکومت کی تجویز کے مطابق ماہانہ 300 یونٹ سے زیادہ اور 700 یونٹ سے زائد بجلی استعمال کرنے والے گھریلو صارفین کے لیے فی یونٹ ٹیرف میں کمی کی جا رہی ہے، جب کہ اس کے ساتھ ساتھ فکسڈ چارجز کے نظام کو بھی ازسرنو ترتیب دینے کا فیصلہ کیا گیا ہے۔
پہلی بار ماہانہ 300 یونٹ تک بجلی استعمال کرنے والے گھریلو صارفین پر بھی فکسڈ چارجز عائد کرنے کی تجویز سامنے آئی ہے، جو ماضی میں صرف 300 یونٹ سے زائد استعمال کرنے والے نان پروٹیکٹڈ صارفین تک محدود تھے۔
پاور ڈویژن کی جانب سے دی گئی تفصیلات کے مطابق پروٹیکٹڈ صارفین میں ماہانہ 100 یونٹ بجلی استعمال کرنے والوں پر 200 روپے اور 200 یونٹ استعمال کرنے والوں پر 300 روپے فکسڈ چارجز عائد کرنے کی تجویز دی گئی ہے۔
اسی طرح نان پروٹیکٹڈ صارفین کے لیے 100 یونٹ تک 275 روپے، 200 یونٹ تک 300 روپے اور 300 یونٹ تک بجلی استعمال کرنے والوں کے لیے 350 روپے فکسڈ چارجز تجویز کیے گئے ہیں۔ مزید یہ کہ 400 یونٹ تک استعمال کرنے والے نان پروٹیکٹڈ صارفین کے فکسڈ چارجز 200 روپے سے بڑھا کر 400 روپے کرنے کی تجویز دی گئی ہے۔
حکومت کی مجوزہ پالیسی کے تحت زیادہ یونٹس استعمال کرنے والے صارفین کے لیے بعض سلیبز میں فکسڈ چارجز میں کمی بھی شامل ہے۔ ماہانہ 700 یونٹ تک بجلی استعمال کرنے والوں کے فکسڈ چارجز 800 روپے سے کم کر کے 675 روپے جبکہ 700 یونٹ سے زائد استعمال پر بھی فکسڈ چارجز میں 325 روپے کمی کی تجویز دی گئی ہے۔
ٹیرف میں کمی کے حوالے سے بتایا گیا ہے کہ 400 یونٹ استعمال پر فی یونٹ ایک روپے 53 پیسے، 500 یونٹ پر ایک روپے 25 پیسے، 600 یونٹ پر ایک روپے 40 پیسے اور 700 یونٹ استعمال پر 91 پیسے فی یونٹ کمی کی تجویز دی گئی ہے۔
کمرشل صارفین، خصوصاً 5 کلوواٹ اور اس سے زائد لوڈ رکھنے والوں کے لیے فی یونٹ ایک روپے 15 پیسے کمی کی تجویز بھی درخواست کا حصہ ہے، جب کہ صنعتی شعبے کے لیے بجلی ٹیرف میں فی یونٹ پانچ روپے تک کمی کی تجویز شامل کی گئی ہے۔
حکام کے مطابق اگر نیپرا نے ان تجاویز کی منظوری دے دی تو اس سے گھریلو، تجارتی اور صنعتی صارفین کو نمایاں ریلیف ملنے کی توقع ہے۔
.
ذریعہ
ذریعہ: Jasarat News
کلیدی لفظ: استعمال کرنے والوں استعمال کرنے والے بجلی استعمال کرنے کی تجویز دی گئی ہے پروٹیکٹڈ صارفین کمی کی تجویز فکسڈ چارجز صارفین کے ایک روپے ٹیرف میں کے مطابق یونٹ سے فی یونٹ یونٹ تک کے لیے
پڑھیں:
پاسداران انقلاب کی برطانیہ کو وارننگ، کویت میں امریکی الیکٹرانک وارفیئر کا یونٹ تباہ
ایران کی سپاہ پاسدارانِ انقلاب نے اعلان کیا ہے کہ آپریشن "نصر 2" کی 26 ویں لہر کے دوران مشترکہ حملوں میں کویت کے العدیری فوجی اڈے پر قائم امریکی الیکٹرانک وارفیئر کے خصوصی یونٹ کو تباہ کر دیا۔ اسلام ٹائمز۔ ایران کی سپاہ پاسدارانِ انقلاب نے اعلان کیا ہے کہ آپریشن "نصر 2" کی 26 ویں لہر کے دوران مشترکہ حملوں میں کویت کے العدیری فوجی اڈے پر قائم امریکی الیکٹرانک وارفیئر کے خصوصی یونٹ کو تباہ کر دیا۔ بیان کے مطابق اس یونٹ سے وابستہ ایک مرکز کو بھی نشانہ بنایا گیا، جس کے نتیجے میں متعدد اہلکار ہلاک یا زخمی ہوئے، جبکہ اڈے کے فضائی ٹریفک کنٹرول ٹاور کو بھی نقصان پہنچا۔ پاسدارانِ انقلاب کے شعبۂ تعلقاتِ عامہ کی جانب سے جاری بیان میں کہا گیا کہ یہ کارروائی جارح کو سزا دینے کے سلسلے کی کڑی ہے اور امریکی فوج کی ان کارروائیوں کا جواب ہے، جن میں جمعرات کی صبح امام حسینؑ کے روضے کی جانب جانے والے زائرین کے راستے کو نشانہ بنایا گیا۔ بیان کے مطابق امریکی حملے میں عراق کی سرحد پر واقع شلمچہ بارڈر کراسنگ پر دو افراد جاں بحق اور 11 زخمی ہوئے۔
سپاہ پاسداران انقلاب نے اپنے بیان میں برطانیہ کو تنبیہ کرتے ہوئے کہا کہ ایران کیخلاف استعمال ہونے والا برطانوی اڈہ جائز ہدف تصور ہو گا۔ بیان کے مطابق امریکی فوج نے گزشتہ روز بحرِ ہند میں موجود اپنے بحری بیڑے کے کروز میزائل ختم ہونے کے بعد برطانیہ کے فیئرفورڈ فضائی اڈے سے اڑنے والے B-1 بمبار طیاروں کا استعمال کیا۔ پاسدارانِ انقلاب نے ایک بار پھر ایرانی وزارتِ خارجہ کے مؤقف کو دہراتے ہوئے کہا کہ ایران پر حملے کے لیے استعمال ہونے والا ہر فوجی اڈہ ایک جائز ہدف تصور کیا جائے گا۔ بیان کے اختتام پر برطانیہ کی حکومت کو خبردار کرتے ہوئے کہا گیا کہ وہ خطے کے عوام کی مشکلات کی بنیادی ذمہ دار ہے اور اسلامی ممالک کی تقسیم، قتلِ عام، آمرانہ حکومتوں کے قیام، فلسطین پر قبضے کی منصوبہ بندی اور اسرائیل کے قیام میں اس کا کردار تاریخ کا حصہ ہے۔ بیان میں یہ بھی الزام عائد کیا گیا کہ برطانیہ نے ایران کے خلاف حالیہ امریکی اور اسرائیلی حملوں میں بھی نمایاں کردار ادا کیا۔
یاد رہے کہ اس سے قبل آج ہی ایرانی وزارتِ خارجہ نے برطانوی حکومت کے اس فیصلے کی مذمت کی تھی، جس کے تحت امریکہ کو ایران کے خلاف فوجی حملوں کی تیاری کے لیے برطانوی فوجی اڈوں اور تنصیبات کے استعمال کی اجازت دی گئی۔ وزارتِ خارجہ نے کہا کہ ان حملوں کی تیاری یا ان پر عمل درآمد میں کسی بھی قسم کا تعاون جارحیت اور جنگی جرائم میں شراکت کے مترادف ہوگا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار