دہشتگردی میں ملوث کرداروں کو انجام تک پہنچایا جائے، علامہ آصف حسینی
اشاعت کی تاریخ: 7th, February 2026 GMT
اپنے بیان میں علامہ آصف حسینی نے کہا کہ اب محض پیغامات اور رسمی مذمتیں ناکافی ہیں۔ ذمہ داران دہشتگردی کے اس اندوہناک واقعے میں ملوث تمام کرداروں کو عبرتناک انجام تک پہنچائیں۔ اسلام ٹائمز۔ کوئٹہ میں قائم قومی مرکز کے بانی علامہ محمد آصف حسینی نے اسلام آباد کی خدیجۃ الکبریٰ مسجد میں پیش آنے والے لرزہ خیز اور انسانیت سوز خودکش دھماکے کی شدید ترین، سخت ترین اور دوٹوک الفاظ میں مذمت کی ہے۔ انہوں نے اپنے جاری بیان میں کہا کہ اللہ کے گھر میں، حالت عبادت میں موجود سینکڑوں مومنین کو شہید اور زخمی کرنا ایک ناقابل معافی جرم، کھلی دہشتگردی اور صریح درندگی ہے۔ یہ واقعہ نہ صرف معصوم انسانی جانوں پر حملہ ہے بلکہ یہ اسلام، پاکستان اور معاشرتی امن کے خلاف اعلان جنگ ہے۔ مسجد جیسے مقدس مقام کو خون میں نہلانا اس بات کا واضح ثبوت ہے کہ یہ دہشتگرد عناصر کسی دین، مسلک یا انسانیت سے کوئی تعلق نہیں رکھتے بلکہ یہ محض وحشی قاتل اور بیرونی و اندرونی سازشوں کے آلۂ کار ہیں۔
علامہ محمد آصف حسینی کا کہنا ہے کہ اب محض بیانات، تعزیتی پیغامات اور رسمی مذمتیں ناکافی ہیں۔ ملکی سلامتی کے ذمہ دار اداروں، حکومتِ وقت اور قانون نافذ کرنے والے اداروں پر بھاری ذمہ داری عائد ہوتی ہے کہ وہ دہشتگردی کے اس اندوہناک واقعے میں ملوث تمام کرداروں، چاہے وہ منصوبہ ساز ہوں، سہولت کار ہوں یا خاموش سرپرست، کو بے نقاب کرکے عبرت ناک انجام تک پہنچائیں۔ اگر مساجد، عبادت گاہیں اور نمازی محفوظ نہیں تو یہ ریاستی ناکامی کے مترادف ہے۔ قوم یہ سوال کرنے میں حق بجانب ہے کہ آخر کب تک بے گناہ مومنین کا خون یوں ارزاں بہتا رہے گا؟ کب تک دہشتگرد دندناتے پھریں گے اور شہداء کے لواحقین صرف صبر کی تلقین سنتے رہیں گے؟
انہوں نے کہا کہ ہم اس المناک سانحے میں شہید ہونے والے تمام مومنین کے درجات کی بلندی، زخمیوں کی جلد صحت یابی اور لواحقین کے لیے صبر جمیل کی دعا کرتے ہیں، مگر اس کے ساتھ واضح مطالبہ کرتے ہیں کہ دہشتگردی کے خلاف حقیقی، غیر جانبدار اور بلاامتیاز کارروائی کی جائے اور قوم کو محض وعدوں کے بجائے عملی نتائج دکھائے جائیں۔ اللہ تعالیٰ شہداء کو جوارِ رحمت میں اعلیٰ مقام عطا فرمائے، زخمیوں کو شفائے کاملہ دے اور پاکستان کو ہر قسم کی دہشتگردی، فتنہ، تکفیریت اور خونریزی سے محفوظ رکھے۔
ذریعہ
ذریعہ: Islam Times
پڑھیں:
کراچی میں شوہر کے ساتھ موٹرسائیکل چوری کی درجنوں وارداتوں میں ملوث ملزمہ گرفتار
سولچر بازار پولیس نے موٹرسائیکل لفٹنگ میں ملوث خاتون ملزمہ کو گرفتار کرلیا۔
تفصیلات کے مطابق سولچر بازارپولیس نے خفیہ اطلاع پر کارروائی کرتے ہوئے موٹر سائیکل لفٹنگ میں ملوث خاتون ملزمہ سحر بتول زوجہ کاشف خان کو گرفتار کرلیا
۔پولیس کے مطابق ملزمہ کی گرفتاری سی سی ٹی وی فوٹیج کی مدد سے عمل میں لائی گئی۔گرفتار ملزمہ اپنے شوہر کے ہمراہ موٹرسائیکل لفٹنگ کی درجنوں وارداتوں میں ملوث رہی ہے۔
دونوں میاں بیوی کو موٹر سائیکل لے جاتے ہوئے سی سی ٹی وی فوٹیج میں بھی دیکھا جاسکتا ہے۔ ملزمہ کے قبضے سے موٹر سائیکل نمبر KQX-2361 میکر سپر اسٹار 70 برآمد کرلی گئی۔
گرفتارملزمہ اورفرار شوہر کے خلاف ضابطے کے تحت مقدمہ درج، مزید تفتیش جاری ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار