جس نے بھی آئین پامال کرنے کی کوشش کی، وکلاء نے مزاحمت کی: رضا ربانی
اشاعت کی تاریخ: 7th, February 2026 GMT
سابق چیئرمین سینیٹ رضا ربانی—فائل فوٹو
سابق چیئرمین سینیٹ رضا ربانی نے کہا ہے کہ جس نے بھی آئین کو پامال کرنے کی کوشش کی، وکلاء نے غیر قانونی اقدام کے خلاف مزاحمت کی۔
انہوں نے عاصمہ جہانگیر کانفرنس میں بذریعہ ویڈیو لنک اپنے خطاب میں کہا کہ بار ایسوسی ایشنز کی لمبی تاریخ ہے اور وکلاء نے ہمیشہ آئین کی بالادستی اور جمہوریت کے لیے کوششیں کی ہیں۔
پیپلز پارٹی کے سینئر رہنما رضا ربانی نے کہا کہ وکلاء نے مشرف اور ایوب کے غیر قانونی اقدام کے خلاف بھی جہدوجہد کی۔
اسلام آباد سابق چیئرمین سینیٹ میاں رضا ربانی نے.
انہوں نے کہا کہ بار ایسوسی ایشن نے کبھی سیاسی جماعتوں کو استعمال نہیں کیا لیکن موجودہ بار ایسوسی ایشن کی قیادت کا کردار سول سپرمیسی کے لیے نظر نہیں آ رہا۔
رضا ربانی نے کہا کہ بیانات آتے رہتے ہیں مگر ماضی کی طرح قیادت کا دو ٹوک مؤقف سامنے نہیں آتا۔
سابق چیئرمین سینیٹ نے کہا کہ آئین میں بہت سی غیر ضروری ترامیم کی گئیں اور یہ آئینی ترمیم ججز کے ٹرانسفر اور ججز کی تعیناتی سے متعلق کی گئیں۔
انہوں نے کہا کہ جوڈیشل کمیشن جو بنایا گیا اس میں جوڈیشل ممبران کی تعداد کم ہے اور جوڈیشل کمیشن میں وفاقی وزیرِ قانون کا ہونا غیر ضروری ہے۔
رضا ربانی نے یہ بھی کہا ہے کہ میں سمجھتا ہوں کہ اب آئین میں مزید ترمیم کی ضرورت نہیں ہے، اب 28 ویں آئینی ترمیم کی ضرورت نہیں اور اگر 28 ویں آئینی ترمیم ہو گی تو آئین کا ڈھانچہ مزید متاثر ہو گا۔
ذریعہ
ذریعہ: Jang News
کلیدی لفظ: سابق چیئرمین سینیٹ نے کہا کہ وکلاء نے
پڑھیں:
شیخ رشید کا وکالت شروع کرنے کا اعلان
عوامی مسلم لیگ کے سربراہ شیخ رشید نے وکالت شروع کرنے کا اعلان کر دیا۔میڈیا سے گفتگو کرتے ہوئے شیخ رشید کا کہنا تھا کہ 50 سال بعد زندگی گزارنے کے بعد راولپنڈی بار نے میری ممبر شپ بحال کر دی. 50 سال بعد بار کا تاحیات ممبر بن گیا ہوں۔انہوں نے کہا کہ میری کوشش ہو گی کہ سچائی، قانون اور ملک کی بہتری کے لئے کام کروں. غریب آدمی کے لئے قانونی، عملی اور عملی خدمت کروں گا۔
واضح رہے شیخ رشید نے سردار رزاق چیمبر کے ذریعے ڈسٹرکٹ بار روالپنؔڈی میں اپنی رکنیت بحالی کی درخواست دائر کر دی تھی۔
وزارت آئی ٹی نے 1.67 ارب روپے سے زاید کے فنڈز طلب کرلیے