فراسان جزائر کے ساحلوں کی طرف ’طوطا مچھلی‘ کو کیا چیز کھینچ لاتی ہے؟
اشاعت کی تاریخ: 7th, February 2026 GMT
طوطا مچھلی فراسان جزائر کے گرم اور مرجان سے بھرپور پانیوں میں بھرپور انداز میں پائی جاتی ہے۔ یہ ماحول اس کی افزائشِ نسل کے لیے نہایت اہم ہے اور مقامی سمندری ماحولیاتی نظام کی صحت میں بھی کلیدی کردار ادا کرتا ہے۔
مزید پڑھیں: اسکردو کی قیمتی ٹراؤٹ مچھلی موسمیاتی تبدیلی کے اثرات کی زد میں
طوطا مچھلی کائی اور سمندری گھاس کو خوراک بنا کر قدرتی صفائی کرنے والے کے طور پر کام کرتی ہے، جس سے مرجانی چٹانوں کا نازک توازن برقرار رہتا ہے۔
مارچ کے آخری اور اپریل کے آخری ہفتے کے درمیان الحسيس ساحل ایک شاندار قدرتی منظر پیش کرتا ہے، جب ہزاروں کی تعداد میں طوطا مچھلیاں منظم جھنڈوں کی صورت میں یہاں کا رخ کرتی ہیں۔
مکمل چاند کے زیرِ اثر ہونے والی یہ ہجرت افزائشِ نسل اور انڈے دینے کے فطری عمل کا نتیجہ ہوتی ہے، جو سمندر میں ایک دلکش منظر تشکیل دیتی ہے۔
وزارتِ ماحولیات، پانی اور زراعت کے جازان ریجن میں قائم ذیلی دفتر کے مطابق مرجانی چٹانوں کے اردگرد موجود کم گہرے اور کائی سے بھرپور پانی ان بڑی تعداد میں آنے والی طوطا مچھلیوں کے لیے محفوظ پناہ گاہ اور وافر خوراک فراہم کرتے ہیں۔
مزید پڑھیں: لاطینی امریکا کی مچھلی سکھر میں پکڑی گئی، ماہرین کو تشویش لاحق
واضح رہے کہ سعودی عرب کے جنوب مغرب میں جازان کے علاقے میں واقع جزائر فراسان تازہ مچھلیوں کی پیداوار میں اپنی انفرادیت کی وجہ سے بحیرہ احمر میں اپنے منفرد مقام کی وجہ سے مشہور ہے۔ یہ جزائر متنوع مچھلیوں کی دولت سے مالا مال ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews سعودی عرب طوطا مچھلی ماحولیاتی نظام وی نیوز.
ذریعہ
ذریعہ: WE News
کلیدی لفظ: طوطا مچھلی ماحولیاتی نظام وی نیوز طوطا مچھلی
پڑھیں:
کاوا مینز والی بال چیمپئن شپ: قومی ٹیم نے دوسرے روز بنگلا دیش کو شکست دے دی
کاوا مینز والی بال چیمپئن شپ کے دوسرے روز بھی پاکستان کا جادو سر چڑھ کر بولا، قومی ٹیم نے بنگلادیش کو کسی بھی مرحلے پر سنبھلنے کا موقع نہ دیا اور مسلسل تین سیٹ جیت کر 0-3 سے شاندار فتح اپنے نام کر لی۔
پاکستان نے آغاز سے ہی جارحانہ کھیل پیش کرتے ہوئے پہلا سیٹ 16-25 سے جیتا، دوسرے سیٹ میں بھی سبز ہلالی پرچم بلند رکھا اور 17-25 سے کامیابی سمیٹی۔
تیسرے سیٹ میں بنگلادیش نے بھرپور مزاحمت کی، مگر پاکستانی کھلاڑیوں نے اعتماد اور مہارت کا شاندار مظاہرہ کرتے ہوئے 22-25 سے فتح حاصل کی اور میچ بغیر کوئی سیٹ گنوائے تین صفر سے اپنے نام کر لیا۔
قومی ٹیم کی یہ مسلسل دوسری فتح کاوا چیمپئن شپ میں پاکستان کے مضبوط عزائم کا واضح اعلان ہے جبکہ شاندار کارکردگی نے ٹائٹل کی دوڑ میں پاکستان کو مزید مضبوط امیدوار بنا دیا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار