دہشتگردی کی لہر حکمرانوں کی نااہلی اور ناکام پالیسیوں کا نتیجہ ہے‘ شیخ وقاص
اشاعت کی تاریخ: 8th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
اسلام آ باد ( مانیٹر نگ ڈ یسک )پاکستان تحریک انصاف (پی ٹی آئی) کے ترجمان شیخ وقاص اکرم نے کہا ہے کہ عمران خان کی حکومت ختم ہوئے 4 سال ہوگئے ہیں لہٰذا آج اگر ملک دہشت گری کی لہر میں آیا ہوا ہے تو اس کی وجہ موجودہ حکمرانوں کی نااہلی، غلط فیصلوں اور ناکام پالیسیوں کا نتیجہ ہے۔ترجمان پی ٹی آئی شیخ وقاص اکرم نے وفاقی وزیر اطلاعات عطا تارڑ کی کانفرنس پر ردعمل دیتے ہوئے کہا کہ وفاقی وزیر کی پریس کانفرنس کامیڈی بھرپور تھی، وزیراطلاعات وزیر اطلاعات کم اور وزیر مزاح اور جھوٹ زیادہ نظر آتے ہیں۔انہوں نے کہا کہ اگر جھوٹ بولنے کا مقابلہ مسلم لیگ (ن) کے اندر کرایا جائے تو شاید ہر کوئی ایک دوسرے پر سبقت لے جانے کی کوشش کرے تاہم عطا تارڑ اس میدان میں کسی سے پیچھے نہیں ہیں، وفاقی وزیر کا عہدہ سچ بولنے اور قوم کو حقائق بتانے کے لیے ہوتا ہے لیکن افسوس کہ اس منصب کا استعمال محض خوشامد، چاپلوسی اور اقتدار کے دربار میں وفاداری ثابت کرنے تک محدود ہو چکا ہے۔ان کا کہنا تھا کہ بار بار جھوٹ دہرانے سے نہ جھوٹ سچ بنتا ہے اور نہ تاریخ تبدیل ہوسکتی ہے، عمران خان کے دور حکومت میں پاکستان میں وہ امن قائم ہوا جو شاید دہائیوں میں دیکھنے کو نہیں ملا، دہشت گردی عملی طور پر ختم ہو چکی تھی، خودکش حملے ناپید تھے اور ڈرون حملوں کا باب بند ہو چکا تھا۔شیخ وقاص اکرم نے کہا کہ وفاقی وزیر موصوف جو آج دہشت گردی کی واپسی کا راگ الاپ رہے ہیں اس کی ذمے دار دراصل ان کی اپنی موجودہ حکمران جماعت ہے، انہوں نے عوامی مینڈیٹ چرایا، 17 جماعتوں کے سہارے حکومت بنائی اور ملک کو، آئین کو، عدالتوں کو اور پارلیمانی نظام کو کمزور کیا۔وفاقی وزیراطلاعات پر تنقید کرتے ہوئے انہوں نے کہا کہ وہ اب اپنی بقا کی جنگ لڑتے ہوئے ہر روز ایک نیا بے بنیاد بیانیہ گھڑ رہے ہیں، عمران خان کی منتخب حکومت کو ختم ہوئے اب تقریباً4 سال ہونے کو ہیں اور ان 4 برس سے قوم پر ایک ایسی حکومت مسلط ہے جو جعلی مینڈیٹ اور جوڑ توڑ کے سہارے کھڑی ہے۔انہوں نے کہا کہ جب عمران خان کی حکومت ختم کی گئی تھی اس وقت پاکستان ایک پرامن ملک تھا اور دہشت گردی کا وجود تک نظر نہیں آتا تھا، آج اگر ملک دہشت گری کی لہر میں آیا ہوا ہے تو اس کی وجہ موجودہ حکمرانوں کی نااہلی، غلط فیصلوں اور ناکام پالیسیوں کا نتیجہ ہے۔ان کا کہنا تھا کہ حقیقت یہ ہے کہ دہشت گردی مسلم لیگ (ن) اور اس کی حکومت کی نااہلی اور ناکام ترین کارکردگی کی وجہ سے واپس آئی ہے، اس افسوس ناک صورت حال کا مکمل کریڈٹ”أوبھی مسلم لیگ (ن) کی اتحادی حکومت کو جاتا ہے۔
ذریعہ
ذریعہ: Jasarat News
کلیدی لفظ: وفاقی وزیر کی نااہلی اور ناکام انہوں نے
پڑھیں:
دیوار سے لگانے کی کوشش کی گئی تو وفاقی بجٹ پاس نہیں ہونے دیں گے ؛ سہیل آفریدی
سٹی 42:سہیل آفریدی نے احتجاج کی کال دیتےہوئے کہا اگر اس مرتبہ بھی دیوار سے لگانے کی کوشش کی گئی تو ملک بھر سے پارلیمنٹرین 10جون کو قومی اسمبلی کے سامنے دھرنا دیں گے اور وفاقی بجٹ بھی پاس نہیں ہونے دیں گے۔
وزیر اعلی کے پی فیکٹری ناکہ سے واپس روانہ ہو گئے ۔ وزیر اعلی سہیل آفریدی کی فیکٹری ناکہ سے روانگی سے قبل میڈیا ٹاک میں کہا اگر اس مرتبہ بھی دیوار سے لگانے کی کوشش کی گئی تو ملک بھر سے پارلیمنٹرین 10جون کو قومی اسمبلی کے سامنے دھرنا دیں گے اور وفاقی بجٹ بھی پاس نہیں ہونے دیں گے۔2026-27کا بجٹ پیش کرنے جا رہے ہیں،مطالبہ کے کہ کے پی حکومت بانی کی ہے۔کے پی عوام نے بانی کو ووٹ دیا وہ انکو چاہتی ہے ۔کے پی عوام چاہے گی کہ بجٹ بانی کی خواہشات کے مطابق بنے ۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
بجٹ کے حوالے سے میری اور وزیر خزانہ سے ملاقات ہو تاکہ ان سے بجٹ کی اپروول لے سکیں۔ہم کل اسلام آباد ہائیکورٹ میں ایک پٹیشن دائر کرنے جا رہے ہیں،امید ہے اس دفعہ ہمیں ملاقات کی اجازت دی جائے گی،آج بھی بانی کی فیملی سے ملاقات نہیں ہونے دی گئی۔بانی نے کوئی جرم نہیں کیا،انکو اغوا کرکے ناحق قید رکھا گیا ہے۔
پنجاب کی جعلی حکومت،جیل انتظامیہ کی وجہ سے بانی کی آنکھ میں مسئلہ ہوا،عوام میں تشویش ہے کہ بانی کی ملاقات بند ہے،وہ اندر کیا کر رہے ہیں کہ تمام چیزیں روکی ہوئی ہیں۔یہ کیوں ملاقات نہیں کروا رہے،کے پی سے امتیازی سلوک کیوں کیا جا رہا ہے،میں نے ملاقات کا مطالبہ کرکےکوئی غلط ڈیمانڈ نہیں کی۔کے پی میں عوام نے بانی کو مینڈیٹ دیا یہ انکا حق ہے کہ بجٹ بانی کی مرضی کے مطابق ہو ۔ کے پی کا وزیر اعلی بانی تبدیل کر سکتے ہیں باقی کسی میں جرات نہیں،وہ ہلا بھی سکے ۔محسن نقوی سے ملاقات بیرسٹر گوہر کے کہنے پر ہوئی ۔افغانستان ہمارا برادر اسلامی ملک ہے،وہاں پر کیا انٹرسٹ ہو سکتا ہے اگر ہم ان سے لڑائی کریں ۔کسی کی خوشنودی کے لئے ان سے تعلقات خراب ہو رہے ہیں،
غیر ملکی خاتون کے مبینہ اغوا کیس میں نیا موڑ، پولیس تفتیش میں اہم انکشافات
بجٹ میں بانی کی ہدایات کو شامل کیا گیا ہے،سوشل ویلفیئرتعلیم،صحت کو شامل کیا گیا ۔بانی نے کہا تھا کہ جنگ کسی مسئلے کا حل نہیں پاکستان کو ثالثی کا کردار ادا کرنا چاہیئے
2026میں پاکستان انکے مشورے پر عمل کرتا ہے تو دنیا میں اسکی واہ واہ ہوتی ہے ۔ہر بندہ بولتا ہے کہ کرپشن ہو رہی ہے میں نے وزیراعلی کے دروازے کھلے رکھے ہیں کرپشن کے ثبوت لائیں۔
وزارت آئی ٹی نے 1.67 ارب روپے سے زاید کے فنڈز طلب کرلیے