بسنت ’’میلہ ‘‘ غیر ملکی شہری بھی شریک ، لاہور کی فضا رنگ برنگی پتنگوں سے بھری رہی
اشاعت کی تاریخ: 8th, February 2026 GMT
لاہور (نوائے وقت رپورٹ) لاہور میں بسنت فیسٹیول کے دوسرے روز بھی شہر کی فضا رنگ برنگی پتنگوں اور خوشیوں سے معمور رہی۔ پاکستان کے مختلف شہروں کے ساتھ ساتھ غیرملکی شہریوں کی بڑی تعداد بھی اندرونِ شہر پہنچ گئی اور پتنگ بازی کے روایتی کھیل میں بھرپور حصہ لیا۔ وزیر اطلاعات و ثقافت پنجاب عظمٰی بخاری نے لاہور آنے والے غیرملکی مہمانوں کو خوش آمدید کہا اور کہا کہ بسنت نہ صرف لاہور کی ثقافتی شناخت ہے بلکہ دنیا بھر میں پاکستان کے مثبت تشخص کو اجاگر کرنے کا بہترین موقع بھی ہے۔ غیرملکی مہمانوں نے لاہور کی مہمان نوازی، ثقافتی رنگوں اور عوامی جوش و خروش کو سراہتے ہوئے کہا کہ وزیراعلیٰ مریم نواز نے لاہور میں بسنت منانے کا خواب حقیقت میں بدل دیا ہے۔ وہ لاہور کو زندہ دلوں کا شہر سنتے آئے تھے اور آج اپنی آنکھوں سے اس کی رونق اور محبت دیکھی۔ غیرملکی شہریوں نے لاہور کے کلچر کو خوبصورت اور منفرد قرار دیا۔ ان کا کہنا تھا کہ پنجاب حکومت کی جانب سے بسنت جیسے ثقافتی تہوار کی بحالی ایک خوش آئند اقدام ہے جو عوامی خوشیوں اور ثقافتی سرگرمیوں کے فروغ کا باعث بن رہا ہے۔ سیکرٹری اطلاعات طاہر رضا ہمدانی بھی بسنت کی سرگرمیوں میں شریک ہوئے اور پتنگ بازی کے روایتی شوق میں حصہ لیا۔ بسنت فیسٹیول کی عالمی اہمیت کو اجاگر کرنے کے لیے تقریباً 20 مختلف بین الاقوامی میڈیا ہاؤسز کے نمائندے بھی لاہور پہنچے ہیں۔ لاہور کی فضا دوسرے روز بھی خوشیوں، قہقہوں اور ثقافتی رنگوں سے مزین رہی، جہاں ملکی و غیرملکی مہمانوں نے مل کر بسنت کی روایت کو بھرپور انداز میں منایا۔
.
ذریعہ
ذریعہ: Nawaiwaqt
پڑھیں:
لاہور بلدیاتی الیکشن، 159 یوسیز کا اضافہ، مجموعی تعداد 433 ہوگئی
فائل فوٹوڈسٹرکٹ الیکشن کمیشن نےلاہور میں بلدیاتی الیکشن کی نئی حلقہ بندیوں کی ابتدائی فہرست جاری کر دی ہے، جن میں 159 یونین کونسلز کا اضافہ کیا گیا ہے۔
صوبائی دارالحکومت میں مجموعی طور پر 433 یونین کونسلز بنائی گئی ہیں، 2015 کے بلدیاتی الیکشن میں لاہور میں 274 یونین کونسلز تھیں۔
ڈسٹرکٹ الیکشن کمیشن لاہور کی ابتدائی فہرست کے مطابق راوی ٹاؤن 52، شالیمار میں 72، واہگہ ٹاؤن میں 25 یونین کونسل قائم کی گئی ہیں۔
ماڈل ٹاؤن میں 77، نشتر ٹاؤن میں 40 اور صدر کینٹ میں 29، رائے ونڈ سٹی میں 32، لاہور سٹی میں 69 اور علامہ اقبال ٹاؤن میں 37 یونین کونسل بنائی گئی ہیں۔
لاہور کے شہری 23 جون تک حلقہ بندیوں پر اعتراضات دائر کرسکتے ہیں، حلقہ بندیوں کی حتمی فہرست 10 اگست کو جاری ہوگی۔
وزارت آئی ٹی نے 1.67 ارب روپے سے زاید کے فنڈز طلب کرلیے