لاہور میں بسنت کا آج آخری روز، آسمان رنگ برنگی پتنگوں سے سج گیا
اشاعت کی تاریخ: 8th, February 2026 GMT
لاہور (ویب ڈیسک) لاہور میں بسنت میلے کا آج آخری روز بھرپور جوش و خروش کے ساتھ منایا جا رہا ہے، آسمان پتنگوں سے بھرا نظر آتا ہے، طرح طرح کے پکوان اور بسنتی چولے پہنے لوگ بہار کی آمد کا جشن منا رہے ہیں۔
پاکستان کے ثقافتی دارالحکومت لاہور میں، بالخصوص اندرون، کی چھتیں رنگ برنگی پتنگوں سے بھری ہوئی ہیں، بچے بڑے سب پیچ لڑانے میں مصروف ہیں، کچھ بچے گلیوں میں سڑکوں میں پتنگیں لوٹنے میں بھی مصروف نظر آتے ہیں۔
بسنت کے پہلے روز ہوا نہ چلنے کی وجہ سے دن بھر آسمان گڈی کو ترستا رہا مگر رات کو ہوا چلتے ہی من چلے چھتوں پر چڑھ گئے اور امن کی علامت سفید رنگ کی گڈیوں سے فضا سرسرانے لگی، کل دن بھر بھی ہوا چلتی رہی مگر اسلام آباد دھماکہ کے زیر اثر سوگ کی فضا بھی طاری رہی۔
بسنت کے دوسرے روز ڈھول ڈھمکے ماند رہے، مگر رات بھر آسمان پتنگوں سے سجا رہا، اس وقت بھی ہوا ساز گار ہے، شہری پیچ لڑانے کو تیار ہیں۔
مختلف شہروں کے مکینوں کے ساتھ ساتھ غیر ملکی مہمانوں کی بھی بڑی تعداد بسنت پر لاہور آئی ہے، لاہوریوں کے ساتھ مل کر بسنت کو بھرپور انداز میں منا رہی ہے۔
مسلم لیگ (ن) کے قائد نواز شریف نے اندرون لاہور، حمزہ شہباز نے اندرون لوہاری گیٹ کے علاقہ میں بسنت منائی، پنجاب کی سینئر وزیر مریم اورنگزیب نے بھی پتنگ اڑائی۔
سیاسی رہنما فواد چودھری نے لاہور میں پتنگ اڑائی، بسنت کو حکومت کی جانب سے اچھی کوشش قرار دیا۔
بسنت پر خواتین کی شرکت بھی نمایاں رہی، کئی خواتین نے خود پتنگیں اڑائیں جبکہ دیگر نے ہاتھوں پر مہندی سجائی، رنگین لباس زیب تن کیے اور گھروں میں خصوصی پکوان تیار کیے، بسنت کے جشن کے ساتھ روایتی کھانوں اور مٹھائیوں کا اہتمام بھی کیا گیا۔
.
ذریعہ
ذریعہ: Daily Mumtaz
کلیدی لفظ: لاہور میں پتنگوں سے کے ساتھ
پڑھیں:
پنجاب حکومت کا مفت سفر کی سہولت سے متعلق اہم پالیسی تبدیلی پر غور
لاہور (اُردو پوائنٹ اخبارتازہ ترین - این این آئی۔ 02 جون2026ء) پنجاب حکومت نے لاہور سمیت صوبہ بھر میں شہریوں کو دی جانے والی مفت سفری سہولت کے مستقبل سے متعلق اہم پالیسی تبدیلی پر غور شروع کر دیا ۔ ذرائع کے مطابق مفت سفری سہولت کو پیٹرولیم مصنوعات کی قیمتوں سے مشروط کرنے کا فیصلہ کیا گیا ہے۔ محکمہ ٹرانسپورٹ کی جانب سے وزیراعلی پنجاب کو دی گئی بریفنگ میں بتایا گیا کہ اگر پیٹرول کی قیمتیں 300روپے فی لیٹر تک پہنچ جاتی ہیں تو مفت سفری سہولت فوری طور پر ختم کیے جانے کا امکان ہے، اس حوالے سے آئندہ ہفتے حتمی فیصلہ متوقع ہے۔ لاہور سمیت صوبہ بھر میں دی گئی مفت سفری سہولت میں مزید توسیع نہ کرنے کی تجویز بھی زیر غور ہے،اس کے ساتھ یہ امکان بھی ظاہر کیا جا رہا ہے کہ مفت سفر کی سہولت جلد ختم کر دی جائے۔(جاری ہے)
رپورٹ میں بتایا گیا کہ گزشتہ دو ماہ کے دوران صوبہ بھر میں 7کروڑ سے زائد مسافروں نے اس سہولت سے فائدہ اٹھایا۔یہ مفت سفری سہولت پیٹرولیم مصنوعات کی قیمتوں میں اضافے کے باعث متعارف کروائی گئی تھی اور اس کا اطلاق مختلف پبلک ٹرانسپورٹ سروسز پر کیا گیا تھا جن میں میٹرو بس، اورنج لائن ٹرین، الیکٹرو بس ،سپیڈو بس سروس سروس شامل تھیں۔
حکام کے مطابق موجودہ معاشی صورتحال اور ایندھن کی قیمتوں میں اتار چڑھا کو مدنظر رکھتے ہوئے اس پالیسی کا دوبارہ جائزہ لیا جا رہا ہے جبکہ حتمی فیصلہ اعلی سطحی مشاورت کے بعد کیا جائے گا۔
وزارت آئی ٹی نے 1.67 ارب روپے سے زاید کے فنڈز طلب کرلیے