انڈس اے آئی ویک 2026: پی ٹی سی ایل جدید ترین اے آئی سہولیات کی نمائش کرے گی
اشاعت کی تاریخ: 8th, February 2026 GMT
پاکستان ٹیلی کمیونی کیشن کمپنی لمیٹڈ (پی ٹی سی ایل) مصنوعی ذہانت کے قومی پلیٹ فارم انڈس اے آئی ویک 2026 میں شرکت کرے گی، جہاں کمپنی پاکستان کے ارتقائی اے آئی ایجنڈے کی معاونت کے لیے اپنے صنعتی نقطۂ نظر اور عملی اے آئی ایپلی کیشنز نمائش کے لیے پیش کرے گی۔
ٹیلی کام سے اے آئی سے تقویت یافتہ ٹیک کمپنی تک کا سفراس ایونٹ میں پی ٹی سی ایل ایک روایتی ٹیلی کام ادارے سے اے آئی سے تقویت یافتہ ٹیکنالوجی کمپنی میں اپنے ارتقا کا مظاہرہ کرے گی۔ اس مشن میں عالمی ڈیجیٹل کمپنی ’ای اینڈ‘ (e&) کی بھرپور معاونت شامل ہے، جو پاکستان کے ڈیجیٹل ایکو سسٹم میں ذمہ دارانہ، قابلِ توسیع اور مقامی ضروریات سے ہم آہنگ مصنوعی ذہانت کے فروغ کے لیے پی ٹی سی ایل کے ساتھ شراکت کر رہی ہے۔
جدید ترین اے آئی انفراسٹرکچر میں سرمایہ کاریپی ٹی سی ایل اس وقت پاکستان کے جدید ترین اے آئی انفراسٹرکچر کی تعمیر میں مصروف ہے اور اعلیٰ کارکردگی والے جی پی یو کی صلاحیتوں میں سرمایہ کاری کر رہی ہے، تاکہ جدید کمپیوٹنگ، تیز رفتار ڈیٹا پروسیسنگ اور جدید ترین اے آئی ورک لوڈز کو مؤثر انداز میں ممکن بنایا جا سکے۔
8عملی اے آئی کیسز کی نمائشانڈس اے آئی ویک کی صنعتی نمائش میں پی ٹی سی ایل کی جانب سے مصنوعی ذہانت پر مبنی 8 عملی استعمال کے کیسز پیش کیے جائیں گے، جن میں 4 کیسز ای اینڈ (e&) کے زیرِ انتظام 3 کیسز پی ٹی سی ایل بزنس سلوشنز کے ایک خصوصی کیس کنیکٹ ہیئر کی جانب سے شامل ہے، جو سماعت سے محروم افراد کی شمولیت کے لیے اے آئی کے استعمال پر مبنی ہوگا
یہ تمام کیسز آپریشنل، انٹرپرائز اور جامع ڈیجیٹل ماحول میں اے آئی کے حقیقی دنیا میں اطلاق کو اجاگر کریں گے۔
اے آئی سمٹ سے صدر و سی ای او پی ٹی سی ایل و یوفون، حاتم بامطرف ایک کلیدی خطاب کریں گے، جس میں اے آئی میں ہونے والی پیش رفت کو قومی ترقی میں بدلنے پاکستان کی طویل مدتی ڈیجیٹل اور معاشی ترقی اور انڈسٹری کے کردار پر روشنی ڈالی جائے گی۔
اس کے علاوہ موتیح چغلیل، چیف کلاؤڈ آفیسر، ای اینڈ انٹرپرائز بھی ایک پینل مباحثے میں شرکت کریں گے۔
قومی ڈیجیٹل وژن کے لیے عزمپی ٹی سی ایل کی اس سمٹ میں شرکت حکومتِ پاکستان اور وسیع تر اے آئی ایکو سسٹم کی معاونت کے لیے کمپنی کے مسلسل عزم کی عکاسی کرتی ہے، جس کا مقصد ڈیجیٹل ٹیکنالوجی کے فروغ اور طویل مدتی قومی ترجیحات کو آگے بڑھانا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انڈس اے آئی ویک 2026 پی ٹی سی ایل جدید ترین اے آئی سہولیات کی نمائش.
ذریعہ
ذریعہ: WE News
کلیدی لفظ: انڈس اے آئی ویک 2026 پی ٹی سی ایل جدید ترین اے آئی سہولیات کی نمائش جدید ترین اے آئی انڈس اے آئی ویک پی ٹی سی ایل کے لیے کرے گی
پڑھیں:
کارگو طیارہ حادثے میں جاں بحق عملے کے اہل خانہ کو کمپنی مالکان سے عدم تعاون کی شکایت
نجی کارگو ایئرلائن کے ٹو ایئرویز کے حادثے میں جاں بحق عملے کے اہل خانہ حادثے کی وجوہات جاننے کے منتظر ہیں۔ انہوں نے نجی کارگو کمپنی کے مالکان کی جانب سے عدم تعاون کی شکایت بھی کی ہے، متاثرین کیلئے اب تک کسی معاوضہ کا اعلان بھی نہیں ہوا۔
7 جولائی کو شارجہ سے کراچی آنے والا نجی کارگو کمپنی کے ٹو ایئرویز کا بوئنگ 737 طیارہ بلوچستان کے ساحل سے آگے گہرے سمندر میں گر کر تباہ ہو گیا تھا۔ حادثے کے مقام سے طیارے کا کچھ ملبہ ضرور ملا ہے لیکن سمندر کی تہہ میں پہنچ جانے والے طیارے کے بلیک باکس، کاکپٹ اور عملے کا تاحال کوئی سراغ نہیں مل سکا۔ متاثرین کا مطالبہ ہے کہ اس کام کیلئے غیر ملکی ماہر کمپنیوں سے مدد لی جائے۔
نجی کارگو طیارے کا ملبا تفتیشی ٹیم کے سپرد، بلیک باکس، عملے کے 5 ارکان کی تلاش جاریترجمان پاکستان ایئرپورٹ اتھارٹی (پی اے اے) کے مطابق کارگو طیارے کے مزید ملبے اور عملےکی تلاش گہرے سمندر میں جاری ہے حادثے کے شکار طیارے کے مزید پرزے اور ملبہ سمندر سے برآمد کر لیا گیا۔
شہید کپٹن رضوان کے اہل خانہ نے عملے اور طیارے کے ملبے کی تلاش کیلئے پاکستان نیوی اور دیگر اداروں پر اعتماد کا اظہار کیا لیکن کارگو کمپنی کی شدید بے حسی کی شکایت کی اور مطالبہ کیا کہ کے ٹو ایئرویز کے بیرون ملک موجود مالکان کو واپس لا کر تحقیقات میں شامل کیا جائے۔
متاثرین کے مطابق کے ٹو ایئرویز کی انتظامیہ کی بے حسی کا اندازہ اس سے بھی لگایا جا سکتا ہے کہ ملازمین کو 3 ماہ سے تنخواہیں نہیں ملی تھیں۔ یہ تنخواہ اس المناک حادثہ کے بعد ادا کی گئی۔
ایوی ایشن ماہرین کے مطابق بوئنگ 737 کارگو طیارے کا حادثہ کیوں اور کیسے پیش آیا، یہ اہل خانہ کو بتانا اور حادثہ متاثرین کو معاوضے کی ادائیگی یقینی بنانا حکومت اور ریاست کی ذمہ داری ہے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا