حج بائیومیٹرک تصدیق کا آج آخری دن
اشاعت کی تاریخ: 8th, February 2026 GMT
حج 2026 کے لیے درخواست دینے والے عازمین کے لیے بائیومیٹرک تصدیق کی آج آخری تاریخ ہے۔ وزارتِ مذہبی امور نے واضح کیا ہے کہ مقررہ وقت تک بائیومیٹرک عمل مکمل نہ کرنے والوں کو حج ویزا جاری نہیں کیا جائے گا۔
یہ بھی پڑھیں:حج کے لیے ویزوں کا اجرا کب شروع ہوگا؟ سعودی عرب نے اعلان کردیا
وزارتِ مذہبی امور کے ترجمان کے مطابق آج 8 فروری 2026 حج بائیومیٹرک تصدیق مکمل کرنے کا آخری دن ہے۔ عازمینِ حج سعودی ویزا بایو ایپ (Saudi Visa Bio App) کے ذریعے گھر بیٹھے بائیومیٹرک تصدیق کا عمل مکمل کر سکتے ہیں، تاکہ مراکز پر جانے کی زحمت سے بچا جا سکے۔
ترجمان نے بتایا کہ بائیومیٹرک تصدیق کے بغیر حج ویزا جاری نہیں ہوگا، تاہم 80 سال سے زائد عمر کے عازمین کو اس شرط سے مستثنیٰ قرار دیا گیا ہے۔
یہ بھی پڑھیں:حج کے لیے ویزوں کا اجرا کب شروع ہوگا؟ سعودی عرب نے اعلان کردیا
وزارتِ مذہبی امور نے تمام عازمین کو ہدایت کی ہے کہ وہ کسی بھی ممکنہ مشکل سے بچنے کے لیے آج ہی بائیومیٹرک تصدیق مکمل کر لیں، کیونکہ مقررہ تاریخ کے بعد درخواستوں پر کارروائی ممکن نہیں ہوگی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بائیو میٹرک حج پاکستان حج حج 2026 وزرات مذہبی امور.
ذریعہ
ذریعہ: WE News
کلیدی لفظ: بائیو میٹرک حج پاکستان وزرات مذہبی امور
پڑھیں:
گورنر خیبرپختونخوا سے ترک سفیر کی ملاقات ، باہمی تعاون ،دوطرفہ امور پر تبادلہ خیال
اسلام آباد (اُردو پوائنٹ اخبارتازہ ترین - اے پی پی۔ 02 جون2026ء) گورنر خیبرپختونخوا فیصل کریم کنڈی سے ترک سفیر ڈاکٹر عرفان نذیر اوغلو نے ملاقات کی،جس میں پاک ترک تعلقات، باہمی تعاون اور دوطرفہ امور پر تبادلہ خیال کیا گیا۔منگل کو گورنر آفس اسلام آباد سے جاری بیان کے مطابق ملاقات میں پاکستان اور ترکیہ کے برادرانہ تعلقات مزید مضبوط بنانے کے عزم کا اظہار کیا گیا۔دونوں رہنماؤں کے درمیان تجارت، سرمایہ کاری، تعلیم اور ثقافت کے شعبوں میں تعاون بڑھانے پر گفتگو ہوئی اورخیبرپختونخوا اور ترکیہ کے درمیان اقتصادی روابط کے فروغ پر تبادلہ خیال کیا گیا۔اس موقع پرگورنر خیبرپختونخوانے کہا کہ پاک۔بھارت جنگ میں ترکیہ نے پاکستان کا بھرپور ساتھ دیا،نئی نسل کو پاک ترک دوستی میں متحرک کرنا انتہائی ضروری ہے۔(جاری ہے)
انہوں نے کہا کہ خیبرپختونخوا کے تاجروں اور طلبہ کے ترکیہ دوروں کا سلسلہ شروع کیا جائے،دونوں ممالک کے ثقافتی اور ادبی وفود کے دورے بھی انتہائی ضروری ہیں، ایسے اقدامات سے ترکیہ اور پاکستان دوستی مزید مضبوط ہو گی۔گورنر خیبرپختونخوا نے کہا کہ زراعت کے شعبہ میں بھی دونوں ممالک بالخصوص خیبرپختونخوا میں ترقی اور سرمایہ کاری کے وسیع امکانات ہیں۔ گورنر خیبرپختونخوا نے پشاور کو ترکیہ کے کسی بڑے شہر کے ساتھ سسٹر سٹی قرار دینے کی تجویز پیش کی۔ترک سفیر نے بتایا کہ پشاور کو ترکیہ کے ایک شہر کے ساتھ سسٹر سٹی قرار دیا جائے گا، پاکستان کے نوجوانوں کو آئی ٹی اور جدید ٹیکنالوجی کے شعبوں میں تربیت کے مواقع فراہم کرنے کے لئے تعاون کریں گے۔ ترک سفیر نے وزیراعظم یوتھ پروگرام کو نوجوانوں کی ترقی کے لئے ایک مثبت اور موثر اقدام قرار دیا۔ترک سفیر نے کہا کہ پاکستان اور ترکیہ کے درمیان تعلیم، ٹیکنالوجی اور نوجوانوں کی استعداد کار بڑھانے کے شعبوں میں تعاون مزید فروغ پائے گا۔ملاقات میں پاکستان پیپلز پارٹی کے خیبر پختونخوا اسمبلی میں پارلیمانی لیڈر احمد کنڈی بھی موجود تھے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ