پاکستان میں دہشت گردی کے پیچھے بھارت کا ہاتھ ہے، رانا ثناء
اشاعت کی تاریخ: 8th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
اسلام آباد: وزیرِ اعظم کے مشیر برائے سیاسی امور سینیٹر رانا ثناء اللہ نے کہا ہے کہ پاکستان میں ہونے والے دہشت گردی کے واقعات کے پیچھے بھارت کا کردار ہے، جبکہ بلوچستان کو درپیش مسائل کو سمجھ کر ان کا الگ الگ حل نکالنا ناگزیر ہے۔
عاصمہ جہانگیر کانفرنس سے خطاب کرتے ہوئے رانا ثناء اللہ کا کہنا تھا کہ ملک میں پائیدار امن کے لیے تمام طبقات کو مل کر کام کرنا ہوگا، بلوچستان میں امن کا قیام اور صوبے کی ترقی حکومت کی اولین ترجیحات میں شامل ہے، جبکہ بے گناہ شہریوں کو نشانہ بنانے والوں کا انسانیت سے کوئی تعلق نہیں۔
انہوں نے کہا کہ بلوچ عوام محب وطن پاکستانی ہیں، تاہم بلوچستان کے بحران کی اصل نوعیت کی درست نشاندہی کیے بغیر اس کا حل ممکن نہیں، ماضی میں جو کچھ ہو چکا ہے اسے تبدیل نہیں کیا جا سکتا، لیکن مستقبل کے لیے درست حکمت عملی اختیار کرنا ضروری ہے۔
رانا ثناء اللہ نے کہا کہ بلوچستان اس وقت دو مختلف نوعیت کے بحرانوں کا سامنا کر رہا ہے اور دونوں کے حل کے طریقہ کار الگ ہونے چاہئیں، غلطی یہ ہو رہی ہے کہ دونوں مسائل کو ایک ہی انداز میں حل کرنے کی کوشش کی جا رہی ہے۔
انہوں نے کہا کہ دہشت گرد عناصر شناختی کارڈ دیکھ کر شہریوں اور خاندانوں کو نشانہ بناتے ہیں، لیکن ایسے واقعات کو کسی خاص قوم یا علاقے سے جوڑنا درست نہیں، بلوچستان سے تعلق رکھنے والے افراد ملک کے مختلف حصوں، خصوصاً فیصل آباد میں بڑے پیمانے پر کاروبار کر رہے ہیں اور انہیں کہیں امتیازی سلوک کا سامنا نہیں۔
رانا ثناء اللہ نے جعفر ایکسپریس واقعے کا حوالہ دیتے ہوئے کہا کہ اس واقعے کے روز بھارتی میڈیا پر جشن کا ماحول تھا۔ انہوں نے سوال اٹھایا کہ کیا انفراسٹرکچر کو تباہ کرنے اور عوام کو مشکلات میں ڈالنے والے عناصر کو نجات دہندہ کہا جا سکتا ہے۔
جبری گمشدگیوں کے حوالے سے گفتگو کرتے ہوئے ان کا کہنا تھا کہ جبری گمشدگیوں اور تشدد کے مسائل ایک ہی دور میں شروع ہوئے اور امید ہے کہ دہشت گردی کے خاتمے کے ساتھ یہ مسائل بھی ختم ہو جائیں گے،دہشت گردی کے خلاف قومی اتحاد اور کارروائیوں کی کامیابی پر بھارت بوکھلاہٹ کا شکار ہے۔
ذریعہ
ذریعہ: Jasarat News
کلیدی لفظ: رانا ثناء اللہ دہشت گردی کے نے کہا کہا کہ
پڑھیں:
سیلابی صورتِ حال کو ہتھیار بنانا بھارت کی آبی جارحیت کا ثبوت ہے:سینیٹر شیری رحمان
اسلام آباد ( ڈیلی پاکستان آن لائن ) سینیٹر شیری رحمان نے بھارت کے دہرے آبی رویئے پر تنقید کرتے ہوئے کہا ہے کہ سیلابی صورتِ حال کو ہتھیار بنانا بھارت کی آبی جارحیت کا ثبوت ہے۔ ایک طرف بھارت سندھ طاس معاہدے کو معطل کرنے کی دھمکی دیتا ہے، دوسری طرف سیلابی پانی پاکستان کی طرف چھوڑ دیتا ہے۔
’’جنگ ‘‘ کے مطابق شیری رحمان نے اپنے بیان میں کہا ہے کہ بھارت نے سلال ڈیم کےگیٹ کھول کر لاکھوں پاکستانیوں کو سیلابی خطرے سے دو چار کر دیا، دریاؤں کے پانی کو تنازع نہیں بلکہ ذمے داری کے ساتھ چلایا جانا چاہیے، بھارت کی غیر ذمے دارانہ پالیسی خطے کے امن اور اعتماد کے لیے خطرناک ہے۔بھارت کی جانب سے پانی کے بہاؤ سے متعلق بر وقت معلومات نہ دینا چیلنج بن گیا ہے، دریائے چناب کے پانی کے بہاؤ میں غیر یقینی صورتِ حال پیدا ہو رہی ہے۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
اُنہوں نے کہا کہ بھارت کے اقدامات سے آبپاشی کے نظام اور زرعی شعبے کو خطرات ہیں، دریائے چناب میں اچانک پانی کی کمی یا زیادتی سے نہری نظام متاثر ہو سکتا ہے، دریائے چناب پنجاب کے لاکھوں ایکڑ زرعی رقبے کو سیراب کرتا ہے، پانی کے بہاؤ میں تبدیلی سے فصلیں متاثر ہونے کا خدشہ ہے۔پاکستان کے کسانوں کا روزگار دریاؤں کے منظم بہاؤ سے جڑا ہے، بھارت کی غیر یقینی آبی پالیسی زرعی خطرات میں اضافہ کر رہی ہے، آبی وسائل کو ذمے دارانہ طریقے سے استعمال کیا جانا چاہیے۔بھارت کو معاہدوں کی پاسداری کرنا ہوگی، بھارت کو مغربی دریاؤں کے پانی کو ذخیرہ کرنے یا دوسرے کیچمنٹ میں منتقل کرنے کی اجازت نہیں۔
اپر کوہستان مالیاتی اسکینڈل، 21 کروڑ روپے سے زائد رقم بحق سرکار ضبط کرنے کا حکم
مزید :
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار