کچھ وکلا نے 2007 کی تحریک کامیاب ہونے پر اسکا ناجائز فائدہ اٹھایا، احسن بھون
اشاعت کی تاریخ: 8th, February 2026 GMT
احسن بھون(فائل فوٹو)۔
ممبر پاکستان بار کونسل احسن بھون نے کہا کہ کچھ وکلا نے 2007 کی تحریک کامیاب ہونے کے بعد اس کا ناجائز فائدہ اٹھایا۔
لاہور میں عاصمہ جہانگیر کانفرنس میں اظہار خیال کرتے ہوئے احسن بھون نے کہا کہ سیاسی جماعتیں وکلا کیساتھ تحریک چلاتی ہیں اور نتائج ملنے کے بعد بارز کو ان کے حال پر چھوڑ دیتے ہیں۔
پاکستان بار کونسل کے احسن بھون جوڈیشل کمیشن کے ممبر بن گئے۔
ان کا کہنا تھا کہ ہمیں یہ یاد رکھنا چاہیے کہ بار کوئی سیاسی جماعت نہیں ہے، ہماری اپنی شناخت ہے۔
احسن بھون نے کہا کچھ وکلا بار کے مقاصد پیچھے چھوڑ دیتے ہیں، 26 ویں ترمیم پر آج تنقید ہوتی ہے اس پر تمام سیاسی جماعتیں راضی تھیں۔
انھوں نے کہا کہ ہمیں وہ سپریم کورٹ نہیں چاہیئے جو نظریہ ضرورت کے تحت فیصلہ دے، ہمیں وہ عدالت چاہیے جو آئین کے مطابق فیصلہ دے۔
.
ذریعہ
ذریعہ: Jang News
پڑھیں:
پی ٹی آئی کے اہم رہنما گلگت بلتستان سے نکال دیے گئے
گلگت: گلگت بلتستان سے صوبہ بدر کیے جانے کے ایک اہم واقعے نے سیاسی حلقوں میں نئی بحث چھیڑ دی ہے۔ پاکستان تحریک انصاف کے مرکزی رہنماؤں کے خلاف ہونے والی اس کارروائی نے ملکی سیاست میں ایک نئی صورتحال پیدا کر دی ہے۔
ذرائع کے مطابق پاکستان تحریک انصاف کے سیکریٹری جنرل سلمان اکرم راجہ، شوکت بسرا، نعیم پنجوتھہ اور ظہیر بابر کو دیامر پولیس نے گلگت بلتستان کی حدود سے باہر منتقل کر دیا۔ بتایا جاتا ہے کہ کارروائی کے بعد ان رہنماؤں کو خیبر پختونخوا کی حدود میں چھوڑ دیا گیا۔
تاحال پولیس یا ضلعی انتظامیہ کی جانب سے اس اقدام کی وجوہات کے حوالے سے کوئی باضابطہ وضاحت سامنے نہیں آئی۔ تاہم سیاسی مبصرین کا کہنا ہے کہ اس پیش رفت کے اثرات آنے والے دنوں میں مزید نمایاں ہو سکتے ہیں۔
گلگت بلتستان سے صوبہ بدر کیے جانے والے رہنماؤں کے حوالے سے مختلف سیاسی جماعتوں اور رہنماؤں کی جانب سے ردعمل کا سلسلہ بھی شروع ہو چکا ہے۔ بعض حلقے اس کارروائی کو سیاسی سرگرمیوں پر قدغن قرار دے رہے ہیں جبکہ دیگر اس کے پس منظر میں سکیورٹی یا انتظامی وجوہات کا امکان ظاہر کر رہے ہیں۔
ذرائع کے مطابق واقعے کے مزید حقائق سامنے آنے کے بعد صورتحال مزید واضح ہو سکے گی۔ اس دوران سیاسی کارکنوں اور عوامی حلقوں کی نظریں حکام کے ممکنہ مؤقف اور آئندہ پیش رفت پر مرکوز ہیں۔
سیاسی تجزیہ کاروں کا کہنا ہے کہ اگر اس معاملے پر تفصیلی وضاحت سامنے نہ آئی تو یہ معاملہ مزید سیاسی تنازع کی شکل اختیار کر سکتا ہے۔
وزارت آئی ٹی نے 1.67 ارب روپے سے زاید کے فنڈز طلب کرلیے