تاریخی عمارت کو اجاگر کرنے کے لیے پنجاب ٹورازم ڈپارٹمنٹ کا پونچھ ہاؤس لاہور میں بسنت فیسٹیول
اشاعت کی تاریخ: 8th, February 2026 GMT
لاہور کی ثقافت اور تاریخی ورثے کو اجاگر کرنے کے لیے ڈپارٹمنٹ آف ٹورازم پنجاب کی جانب سے پونچھ ہاؤس لاہور میں 2 روزہ بسنت فیسٹیول کا انعقاد کیا گیا۔ یہ رنگا رنگ تقریبات 6 اور 7 فروری کو منعقد ہوئیں۔
فیسٹیول کے پہلے روز 8 مختلف ممالک کے سفیروں (ایمبیسیڈرز) کے اعزاز میں خصوصی تقریب کا اہتمام کیا گیا تھا، جبکہ دوسرے روز فیملیز کے لیے بسنت کی خوشیاں منانے کا بندوبست کیا گیا۔
بسنت فیسٹیول میں ثقافتی پرفارمنسز، پتنگ بازی، موسیقی اور روایتی کھانوں کے اسٹالز شامل تھے، جو لاہور کی تہذیب و ثقافت کی بھرپور عکاسی کررہے تھے۔
اس موقع پر میڈیا ایگزیکٹو ٹورازم ڈیولپمنٹ کارپوریشن پنجاب (ٹی ڈی سی پی) تحریم قاضی کا کہنا تھا کہ حکومتِ پنجاب اور ٹورازم ڈیپارٹمنٹ بسنت کے تہوار کو جوش و خروش سے منانے اور لاہور کی قدیم روایات کو زندہ رکھنے کے لیے بھرپور کوششیں کررہے ہیں۔
واضح رہے کہ تقریباً 2 دہائیوں بعد بسنت کی واپسی نے لاہوریوں میں ایک نئی خوشی اور جوش پیدا کردیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بسنت فیسٹیول تاریخی عمارت ورثہ.
ذریعہ
ذریعہ: WE News
کلیدی لفظ: بسنت فیسٹیول تاریخی عمارت بسنت فیسٹیول کے لیے
پڑھیں:
لاہور میں موسلا دھار بارش، سڑکیں زیر آب، معمولات زندگی متاثر
لاہور میں مون سون کی شدید بارشوں نے معمولات زندگی متاثر کر دیے، کئی علاقوں میں سڑکیں، چوراہے اور انڈر پاسز پانی میں ڈوب گئے جبکہ ٹریفک کی روانی شدید متاثر ہوئی۔ محکمہ موسمیات کے مطابق گزشتہ 48 گھنٹوں کے دوران شہر میں 343 ملی میٹر بارش ریکارڈ کی گئی، جس کے باعث متعدد نشیبی علاقوں میں پانی جمع ہوگیا۔
لاہور کے مختلف علاقوں میں بارش کا پانی جمع ہونے سے شہریوں کو آمدورفت میں مشکلات کا سامنا کرنا پڑا۔ بعض سڑکوں اور گلیوں میں 3 سے 4 فٹ تک پانی کھڑا رہا، جبکہ کئی مقامات پر گاڑیوں کی لمبی قطاریں لگ گئیں۔
یہ بھی پڑھیں: لاہور میں بارش کے بعد کئی علاقے زیر آب، ’اب آفس جانےکے لیے کشتی کی ضرورت ہوگی‘
ڈیفنس کے فیز ون سے فیز فائیو تک مختلف مقامات پر پانی جمع ہونے سے ٹریفک متاثر ہوئی، جبکہ غازی انڈر پاس اور مسجد چوک انڈر پاس کو پانی بھرنے کے باعث بند کرنا پڑا اور ٹریفک کو متبادل راستوں پر منتقل کیا گیا۔
حربنس پورہ، مال روڈ، کوپر روڈ، لکشمی چوک اور چوبرجی چوک سمیت متعدد علاقوں میں بھی پانی جمع ہونے کی اطلاعات ملیں، جہاں واسا کی ٹیمیں نکاسی آب میں مصروف رہیں۔
شدید بارش کے باعث شہر کی کئی سڑکوں پر گڑھے بھی پڑ گئے۔ کینال روڈ، جوہر ٹاؤن مین بلیوارڈ اور بھیکے والا موڑ سمیت مختلف مقامات پر سڑکیں متاثر ہوئیں، جس کے بعد ٹریفک پولیس نے متاثرہ علاقوں کو بند کرکے متبادل راستے فراہم کیے۔
یہ بھی پڑھیں: مون سون سیزن: لاہور سے ایک گھنٹے میں بارش کا پانی نکالنا ہدف ہے، ڈی ایم ڈی واسا
صوبائی ڈیزاسٹر مینجمنٹ اتھارٹی کے مطابق پنجاب میں حالیہ مون سون بارشوں کے دوران مختلف حادثات میں اب تک 21 افراد جاں بحق اور 154 زخمی ہو چکے ہیں۔ جاں بحق ہونے والوں میں 15 افراد مکانات گرنے، 2 آسمانی بجلی گرنے، 3 کرنٹ لگنے جبکہ ایک شخص ڈوبنے سے جاں بحق ہوا۔
واسا لاہور کے مطابق شہر میں ہنگامی بنیادوں پر نکاسی آب کا عمل جاری ہے، تمام ڈسپوزل اسٹیشن مکمل استعداد کے ساتھ کام کر رہے ہیں جبکہ متاثرہ مقامات پر اضافی مشینری اور عملہ تعینات کیا گیا ہے۔
ضلعی انتظامیہ اور واسا نے شہریوں کو غیر ضروری سفر سے گریز کرنے، نشیبی علاقوں اور بجلی کے کھمبوں سے دور رہنے کی ہدایت کی ہے۔ شہریوں نے تاہم ہر سال بارشوں کے دوران پانی جمع ہونے کے مسئلے پر تشویش کا اظہار کرتے ہوئے نکاسی آب کے نظام کو بہتر بنانے کا مطالبہ کیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news بارش پانی زیر آب لاہور
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار