سابق کھلاڑی گرل فرینڈ کے قتل کے الزام میں گرفتار
اشاعت کی تاریخ: 8th, February 2026 GMT
سابق نیشنل فٹبال لیگ (این ایف ایل) کھلاڑی کو اپنی گرل فرینڈ کے قتل کے الزام میں گرفتار کر لیا گیا۔
ہیملٹن کاؤنٹی شیرف آفس کے مطابق 31 سالہ ڈیرن لی کو ان کی گرل فرینڈ (جن کی شناخت ظاہر نہیں کی گئی) کی موت کے سلسلے میں 5 فروی کو حراست میں لیا گیا۔
شیرف آفس کے مطابق 5 فروری کو اُولٹیوا میں افسران کو سی پی آر کی رپورٹ پر ایک گھر کے لیے روانہ کیا گیا۔ گھر پر پہلے رسپانڈرز کو ایک متاثرہ خاتون ملیں جن کو بچانے کے لیے جب کوشش کی گئی تو ان کا مردہ پایا گای۔
ڈیرن لی (جن کی شناخت شیرف آفس نے مقتولہ کے بوائے فرینڈ کے طور پر کی) بھی جائے وقوعہ پر موجود تھے۔
مقتولہ کی حالت اور جائے وقوعہ پر موجود دیگر شواہد کو دیکھتے ہوئے شیرف آفس کے ڈیٹیکٹیو کو تحقیقات کے لیے بلایا گیا۔
ابتدائی تحقیق کے مطابق خاتون کی موت کو قتل قرار دیا گیا ہے اور اس کی تحقیقات کے لیے ڈیرن لی کو حراست میں لیا گیا ہے۔
ڈیرن لی این ایف ایل میں اوہائیو اسٹیٹ اور نیو یارک جیٹس کی نمائندگی کر چکے ہیں۔
.
ذریعہ
ذریعہ: Express News
پڑھیں:
کوئٹہ: سرکاری دستاویزات میں شہریوں کو غیرقانونی سہولت دینے والے 14 ایجنٹ گرفتار
فیڈرل انویسٹی گیشن ایجنسی (ایف آئی اے) بلوچستان نے کوئٹہ شہر میں مختلف وفاقی اداروں کے مبینہ ایجنٹس کے خلاف بڑے پیمانے پر کریک ڈاؤن کرتے ہوئے 14 افراد کو گرفتار کرلیا۔
ڈائریکٹر ایف آئی اے بلوچستان بہرام مندوخیل کے مطابق کارروائی کے دوران نادرا، سوئی سدرن گیس کمپنی، پاسپورٹ آفس اور میٹروپولیٹن کارپوریشن سے متعلق مبینہ ایجنٹس کو حراست میں لیا گیا ہے، جو شہریوں کو مختلف سرکاری امور میں غیر قانونی سہولت کاری فراہم کرنے میں ملوث تھے۔
انہوں نے بتایا کہ گرفتار ملزمان مبینہ طور پر برتھ سرٹیفکیٹس، قومی شناختی کارڈز، پاسپورٹس اور دیگر سرکاری دستاویزات کے حصول کے لیے غیر قانونی طریقے سے سہولت فراہم کرتے اور شہریوں سے رقوم وصول کرتے تھے۔
ڈائریکٹر ایف آئی اے کا کہنا تھا کہ گرفتار ملزمان سے تفتیش جاری ہے اور ابتدائی تحقیقات کی روشنی میں ان کے نیٹ ورک میں شامل دیگر افراد کی نشاندہی کی جا رہی ہے۔ امید ہے کہ مزید گرفتاریاں بھی عمل میں آئیں گی۔
بہرام مندوخیل نے کہا کہ ایف آئی اے سرکاری اداروں میں بدعنوانی، جعلسازی اور غیر قانونی سہولت کاری کے خاتمے کے لیے کارروائیاں جاری رکھے گی اور قانون شکنی میں ملوث عناصر کے خلاف بلاامتیاز کارروائی کی جائے گی۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا