مشرقی ہمسایہ طالبان رجیم کی پشت پناہی کر رہا ہے، یہ خطے اور عالمی امن کے لیے خطرہ ہے: صدر مملکت
اشاعت کی تاریخ: 8th, February 2026 GMT
اسلام آباد: صدر مملکت آصف زرداری نے کہا ہے کہ پاکستان کا مشرقی ہمسایہ طالبان رجیم کی مدد کر رہا ہے، جو نہ صرف پاکستان بلکہ پورے خطے اور عالمی امن کے لیے سنگین خطرہ بن چکا ہے۔
صدر مملکت نے کہا کہ بعض ہمسایہ ممالک اپنی سرزمین دہشت گرد عناصر کے لیے استعمال ہونے دے رہے ہیں اور انہیں پاکستان کے خلاف کارروائیوں کی اجازت دے کر جرائم میں عملاً شریک ہو چکے ہیں، کچھ ممالک نہ صرف ان عناصر کی مالی معاونت کر رہے ہیں بلکہ انہیں تکنیکی اور عسکری سہولتیں بھی فراہم کی جا رہی ہیں۔
صدر آصف علی زرداری نے خبردار کیا کہ طالبان رجیم کے اقدامات اور موجودہ حالات نے خطے کی سیکیورٹی صورتحال کو مزید پیچیدہ بنا دیا ہے اور حالات نائن الیون سے پہلے کے دور سے بھی زیادہ خطرناک شکل اختیار کرتے جا رہے ہیں۔
انہوں نے حالیہ دہشت گردی کے واقعے کے بعد پاکستان کے ساتھ اظہار یکجہتی کرنے والے عالمی رہنماؤں اور مختلف ممالک کا شکریہ ادا کرتے ہوئے کہا کہ دہشت گردی کے خلاف عالمی تعاون وقت کی اہم ضرورت ہے۔
واضح رہے کہ دو روز قبل اسلام آباد کے نواحی علاقے ترلائی میں نماز جمعہ کے دوران مسجد و امام بارگاہ خدیجۃ الکبریٰ میں خودکش دھماکہ ہوا تھا، جس کے نتیجے میں 33 افراد شہید جبکہ 150 سے زائد افراد زخمی ہو گئے تھے۔ واقعے کے بعد ملک بھر میں سیکیورٹی اقدامات مزید سخت کر دیے گئے ہیں۔
.
ذریعہ
ذریعہ: Al Qamar Online
پڑھیں:
فیلڈ مارشل کا بلوچستان میں دہشت گردی کو پوری طاقت سے کچلنے کے عزم کا اظہار
فوٹو: آئی ایس پی آرفیلڈ مارشل سید عاصم منیر نے بلوچستان میں دہشت گردی کو پوری طاقت سے کچلنے کے عزم کا اظہار کیا ہے۔
پاک فوج کے شعبہ تعلقات عامہ آئی ایس پی آر کے مطابق 20ویں نیشنل ورکشاپ بلوچستان کے شرکاء کی جی ایچ کیو آمد کے موقع پر خطاب کرتے ہوئے فیلڈ مارشل نے کہا کہ بیرونی سرپرستی میں پراکسی عناصر بلوچستان میں تشدد کو ہوا دینے، استحکام کو نقصان پہنچانے اور امن خراب کرنے کی کوشش کرتے رہے ہیں، تاہم ان کے ناپاک عزائم کو مسلح افواج کے مضبوط اور فیصلہ کن جواب اور عوام کے اتحاد سے ناکام بنادیا جائے گا۔
فیلڈ مارشل سید عاصم منیر کا کہنا ہے کہ بلوچستان پاکستان کا فخر ہے، یہ صوبہ بے پناہ قدرتی وسائل سے مالا مال ہے، بلوچستان کے متحرک، باہمت، ثابت قدم اور محبِ وطن عوام اس کی سب سے بڑی طاقت ہیں۔
انہوں نے کہا کہ سیکیورٹی فورسز اور قانون نافذ کرنے والے اداروں کی مسلسل کوششیں بلوچستان میں دیرپا امن لائیں گی، فتنہ الخوارج اور فتنہ الہندوستان کے خلاف ٹارگیٹڈ آپریشنز جاری رہیں گے۔
آئی ایس پی آر کے مطابق فیلڈ مارشل نے ملک کے مستقبل کی سمت کے تعین کے لیے قومی اتحاد اور ثابت قدمی کی ضرورت پر زور دیتے ہوئے کہا کہ پاکستان کی مسلح افواج عوام کے اتحاد، عزم اور ثابت قدمی کی بدولت ان مذموم عزائم کو ناکام بنائیں گی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار