اس کی خون آلود آنکھیں بتا رہی تھیں کہ وہ اپنی گہری اور مدھ بھری آنکھوں میں سندر سپنے سجاتے سجاتے اب تھک چکی ہے' وہ اتنے سارے دکھ' غم' زخم اور ظلم و ستم سہنے کے باوجود پرامید ہے کہ وہ دن ضرور آئیگا جب اس کے ہاتھوں سے رسن اور پیروں میں پڑی بیڑیاں کھول دی جائینگی اور وہ ملکہ حسن غلامی سے نجات پا کر آزاد فضاؤں میں سانس لے سکے گی' اس کے وجود کا انگ انگ درد و غم سے دوچار ہے' وہ غلامی کے گھپ اندھیروں میں ڈوبی ایک مسلسل پکارہے 'صدا ہے' فغاں ہے جو اس روشنی اس اجالے اور اس نور کی طلبگار ہے جو اندھیروں کو چھٹ جانے پر مجبور کر دے اور آزادی کی روشن کرنیں اس کی مانگ میں امن و آشتی کا سیندور بھر کر آزادی کے مترنم نغمات فضامیں بکھیردے 'وہ پرکھوں کی امانت وہ مظلوموں کا مسکن وادی کشمیر ہی تو ہے جو آج بھارتی درندوں کے چنگل میں پھنسی اپنی بربادی پر نوحہ کناں ہے۔
حق و باطل کے مابین شر اور خیر میں تصادم ازل سے جاری ہے جو ابد تک رہے گا مگر یہ طے ہے کہ فتح ہمیشہ حق کی اور خیر ہی کی ہو گی۔ یوں تو 5 فروری کا دن پوری دنیا میں یوم یکجہتی کشمیر کے طور پر منایا جاتا ہے لیکن مظلوم کشمیریوں کے ساتھ صرف ایک دن ہی کے لیے نہیں اس وقت تک یکجہتی کا اظہار ہونا چاہیے جب تک کہ یہ جنت نظیر وادی آزاد نہیں ہو جاتی۔
تمام مسلمانوں بشمول کشمیریوں کے ہم سب کی ایک ہی جہت ہے اور وہ ہے کشمیر کی آزادی 'کشمیریوں کا حق خود ارادیت' کشمیری قوم کا تشخص' اس عظیم قوم کی پہچان' وقار اور تقدس اور اسی عزم و ولولہ اور جذبہ خاص کو مدنظر رکھتے ہوئے ہر دور میں پاکستان کی حکومت اور پوری پاکستانی قوم ہر پلیٹ فارم پر اپنے کشمیری بہن بھائیوں کے ساتھ کھڑی نظر آتی ہے۔ مقبوضہ وادی کشمیر میں خوف کے پہرے ہیں اس درد ناک منظر کو دیکھ کر جناب حبیب جالب بھی خاموش نہ رہ سکے ۔ ببانگ دھل کہہ دیا کہ
ظلم رہے اور امن بھی ہو ' کیا ممکن ہے تم ہی کہو
ہنستی گاتی روشن وادی' تاریکی میں ڈوب گئی
بیتے دن کی لاش پہ اے دل ' میں روتا ہوں تو بھی رو
ہر دھڑکن پہ خوف کے پہرے ' ہر آنسو پر پابندی
یہ جیون بھی کیا جیون ہے ' آگ لگے اس جیون کو
ظلم رہے اور امن بھی ہو
5 فروری کی علی الصبح آنکھ کھلی تو سب سے پہلا میسج سیل فون پر ملائیشیا سے خیبر پختونخوا پشاور کی ممتاز ادیبہ اور شاعرہ محترمہ قدسیہ قدسی کا ملا جوغالباً رات بھر اپنے سندر سپنے میں وادی دلگیر ' کشمیر کا نوحہ کرتی رہیں' یقینا کربلا والوں سے پیارکرنے والوں کے دل بہت ہی گداز ہوتے ہیں' ظالم کا ظلم اور مظلوم کا دکھ برداشت نہیں کر سکتے۔ قدسیہ نے کشمیرکو اپنی کسی عزیز تر سکھی سہیلی کی طرح محسوس کیا' اپنے شبستاں میں شب بھر کشمیر کی بانہوں میں بانہیں ڈالے گریہ کرتی رہیں' وہ کشمیر کے سنگ سنگ چلتے ہوئے قافلہ حسینی کی سفیر بن کر کشمیریوں کے ساتھ صف آراء رہیں۔
وادی کشمیرقدسیہ سے مخاطب ہوئیں' سیدہ تم کربلا والوں کے کرب سے بخوبی واقف ہو' آج میرے کشمیری بچے بھی نیزوں پر اچھالے جارہے ہیں' لکھو' لکھو اور دنیا کے منصفوں کو بتا دو کہ بھارتی درندے عصمت حوا کو تار تار کرنے پر تلے ہوئے ہیں' ایک اور دورکرب و بلا بپا ہو چکا ہے۔ کشمیر' فلسطین اور امت مسلمہ کو دشمنوں نے گھیرے میں لینے کے لیے گھناؤنی سازشوں کا جال پھیلانا شروع کر دیا ہے ' چناروں کے دیس نے ٹپکتے ہوئے آنسوؤں کے ساتھ قدسیہ کو جھنجھوڑ کر رکھ دیا' اشکبار آنکھوں کے ساتھ سپنا ٹوٹا تو قلم کاغذلے کر یوں رقم طراز ہوئیں
شعلے سے اٹھ رہے ہیں چناروں کے دیس میں
ویرانیاں بسی ہیں نظاروں کے دیس میں
پامالی و مظالم وہر سو درندگی!!
ہر جا نحوستیں ہیں نگاروں کے دیس میں
کس نے خزاں رسید کیا میرے باغ کو
وحشت سی ہو رہی ہے بہاروں کے دیس میں
قدسی اداس کر گیا اک شخص جو ہمیں
پچھلے برس ملا تھا چناروں کے دیس میں
واقعی ان عظیم شہیدوں کو یاد کرتے ہیں تو دل خون کے آنسو رونے لگتا ہے کہ جو پچھلے برس ہم میں موجود تھے مگر انھیں بھارتی درندوں نے شہید کر دیا ' کتنے شہداء ہیں جن کے خون سے وادی کشمیر لہو رنگ ہوئی' یہ لازوال قربانیاں رائیگاں نہیں جائیں گی' کشمیر جلد آزاد ہو گا۔" ظلم پھر ظلم ہے بڑھتا ہے تو مٹ جاتا ہے " غلام محمد قاصرکے اس شعرپر کالم تمام کیے دیتا ہوں
سچ کے خیمے تک پہنچا جو ظلم کا پہلا تیر
آج اسی کی زد میں فلسطیں' بوسنیا' کشمیر
.
ذریعہ
ذریعہ: Express News
کلیدی لفظ: چناروں کے دیس وادی کشمیر کے دیس میں کے ساتھ ہے جو ا
پڑھیں:
جماعت اسلامی بنگلہ دیش کے رکنِ پارلیمنٹ کی نوجوان خاتون کے ساتھ نازیبا ویڈیو سامنے آگئی
لاہور(ڈیلی پاکستان آن لائن)جماعت اسلامی بنگلہ دیش کے رکنِ پارلیمنٹ کی نوجوان خاتون کے ساتھ نازیبا ویڈیو سامنے آنے پر تنازعہ کھڑا ہو گیا۔ پہلے تو اس ویڈیو کو فیک اور آرٹیفیشل انٹیلی جنس کی تخلیق بتایا گیا لیکن جب ویڈیو اصل نکل آئی تو ممتاز سینئیر سیاست دان نے دوسری شادی کرنے کا دعویٰ کیا۔ خاتون کے غیر شادی شدہ ہونے کی دستاویز نے سیاستدان کو زیادہ مشکل میں ڈال دیا۔ بنگلہ دیش کی پارلیمنٹ کے رکن، جماعت اسلامی بنگلہ دیش کے سینئیر سیاستدان غازی نذرالاسلام کی ایک نوجوان خاتون کے ساتھ ویڈیو وائرل ہونے کے بعد ایک کی مبینہ دوسری شادی کے معاملے پر تنازع ان کے دوسری شادی کا اعتراف کر لینے کے بعد کم نہیں ہوا۔ اب جماعت اسلامی نے اعلان کیا ہے کہ وہ اس سارے معاملہ کی تحقیقات کروا رہی ہے
عالمی منڈی میں خام تیل کی قیمت 100 ڈالر فی بیرل سے بھی تجاوز کر گئی
بنگلہ دیش کے میڈیا کے مطابق غازی نذرالاسلام کی سوشل میڈیا پر ایک نوجوان خاتون کے ساتھ ویڈیو وائرل ہو گئی تھی۔ پہلے تو ان کے حامیوں نے اس ویڈیو کو ڈیپ فیک اور آڑٹیفیشل انٹیلیجنس سے بنائی گئی ویڈیو قرار دیا، لیکن جب تنقید کرنے والے خاموش نہیں ہوئے تو بعض لوگوں نے اس ویڈیو کی سافٹ وئیرز کی مدد سے ویریفیکیشن کی۔ فیکٹ چیک کرنے والے ایک ادارے نے بتا دیا کہ ویکڈو بالکل اصلی ہے۔ نذر الاسلام کی نوجوان خاتون کے ساتھ ویڈیو کے مصنوعی ذہانت سے تیار ہونے یا اس میں کوئی تبدیلی کیے جانے کے شواہد نہیں مل۔ اس کے بعد لوگوں کی ساری توجہ ویڈیو میں شامل افراد اور ان کے باہمی تعلق پر مرکوز ہوگئی۔ جب سوشل میڈیا پر تنقید کافی برھ گئی تو جماعت اسلامی کے سینئیر سیاست دان اور رکن پارلیمنٹ نے ویڈیو کلپ میں اپنے ساتھ دکھائی دینے والی نوجوان خاتون کو اپنی بیوی قرار دے دیا۔ غازی نذرالاسلام نے اپنے بیان میں کہا کہ خاتون ان کی دوسری بیوی ہے اور ان کی شادی 17 جون کو دونوں خاندانوں اور ان کی پہلی بیوی کی رضامندی سے ہوئی تھی۔
چیئرمین یورپی یونین پاک فرینڈشپ فیڈریشن یورپ کی ہیوی انڈسٹریز ٹیکسلا کے چیئرمین سے ملاقات
نذر الاسلام نے یہ مؤقف اختیار کیا کہ اس وائرل ویڈیو کو خفیہ طور پر ریکارڈ کرکے بھتہ خوری اور سیاسی کردار کشی کےلیے منظرِ عام پر لایا گیا۔ جماعت اسلامی کے اس سینئیر رکنِ پارلیمنٹ کی پہلی بیوی نے اس موقع پر شوہر کا ساتھ دیا اور ایک ویڈیو بیان میں اپنے عمر رسیدہ شوہر کے مؤقف کی تصدیق کی کہ ان کے شوہر نے نوجوان لڑکی مریم بیگم سے دوسری شادی کرلی ہے۔ مریم بیگم نے بھی ایک علیحدہ ویڈیو میں خود کو غازی نذرالاسلام کی بیوی قرار دیتے ہوئے کہا کہ شادی 17 جون کو دونوں خاندانوں اور نذر الاسلام کی پہلی بیوی کی موجودگی میں ہوئی تھی۔
پی سی بی نے ڈومیسٹک کرکٹ کے نئے سیزن کا شیڈول جاری کر دیا
بنگلہ دیشی میڈیا میں سامنے آنے والی رپورٹوں کے مطابق غازی نذرالاسلام اور ان کے خاندان کی تصدیق کے باوجود سوشل میڈیا پر خاتون مریم بیگم سے متعلق قانونی دستاویزات منظر عام پر آئی ہیں، جن کی آزادانہ تصدیق نہیں ہوسکی اور نہ ہی رکن پارلیمنٹ یا خاتون اور ان کے اہلخانہ نے دستاویز ات میں موجود تضاد پر کوئی وضاحت دی ہے۔ شادی کے پانچ دن بعد نذر الاسلام نے بیوی کو کنوارا ظاہر کر کے اسکی سرکاری نوکری کی سفارش کی؟ ایک دستاویز میں نذر السلام کے ساتھ نظز آنے والی لڑکی مریم کی ازدواجی حیثیت ’غیر شادی شدہ‘ درج ہے اور اس دستاویز پر غازی نذرالاسلام کی جانب سے 22 جون، یعنی اپنی بتائی ہوئی مبینہ شادی کی تاریخ کے پانچ روز بعد، سرکاری ملازمت کے لیے سفارش بھی موجود دکھائی دیتی ہے۔
دہشتگردی کے خاتمے تک فتنۃ الخوارج و فتنۃ الہندوستان کے خلاف کارروائیاں جاری رہیں گی، فیلڈ مارشل
بنگلہ دیش کے میڈیا کے مطابق یہ خاتون سرکاری ملازمت کی خواہاں تھیں اور غازی نذرالاسلام نے ان کی درخواست کی سفارش کی تھی۔ غازی نذرالاسلام نے ان تمام کہانیوں نظر انداز کرتے ہوئے ایک اور پیچیدہ کہانی سے پردہ اٹھا دیا جو دال میں کافی کچھ کالا ہونے کی نشاندہی کرتی ہے۔ عمر رسیدہ سیاستدان نذر الاسلام نے یہ دعویٰ کیا کہ 13 جولائی کو وہ ڈھاکا کے موگ بازار میں ایک دفتر گئے تھے جہاں ان کی دونوں بیویاں بھی موجود تھیں۔
نذر الاسلام نے الزام لگایا کہ ڈرائیور، دوسری کے ماموں اور چند نامعلوم افراد نے انہیں یرغمال بنا کر ایک لاکھ ٹکا بھتہ وصول کیا، ان لوگوں نے نذر الاسلام کے بقول مزید رقم کا مطالبہ کیا اور ان لوگوں نے ہی ان کی مریم کے ساتھ خفیہ طور پر نجی ویڈیو ریکارڈ کرکے بعد میں سوشل میڈیا پر پھیلا دی۔ نذر الاسلام کے اس دعوے میں کمزوری یہ ہے کہ ویڈیو کلپ مین نذر الاسلام کو اس خاتون کے ساتھ اپنے کمرے میں بیٹھے اور بوس و کنار کرتے دیکھا جا سکتا ہے۔ لوگ یہ سوال کر رہے ہیں کہ بازار کے کسی دفتر میں یرغمال بنا کر بھتہ لینے والوں کی رسائی ان کے گھر کے کمرے تک کیسے تھی۔
پاکستان نے کابل فضائی حملوں پر ایمنسٹی انٹرنیشنل کی رپورٹ مسترد کر دی
اس سکینڈل کے سوشل میڈیا اور میڈیا میں بہت زیادہ ڈسکس ہونے کے بعد آخر کار جماعت اسلامی بنگلہ دیش نے کہا ہے کہ وہ اس سارے معاملے کی معلومات اکٹھی کر رہی ہے اور حقائق سامنے آنے کے بعد تنظیم کے اندر تادیبی کارروائی کا فیصلہ کیا جائے گا۔ جماعت اسلامی کے اسسٹنٹ سیکریٹری جنرل احسان الحق محبوب زبیر کے مطابق پارٹی میڈیا رپورٹس، رکنِ پارلیمنٹ، ان کی دونوں بیویوں اور خاتون کے والد کے بیانات کا جائزہ لے رہی ہے۔
مزید :
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار