اربوں روپے کا آپٹیکل فائبر منصوبہ، وزیراعظم آزاد کشمیر نے عوام کو خوشخبری سنا دی
اشاعت کی تاریخ: 8th, February 2026 GMT
آزاد جموں و کشمیر کے وزیراعظم فیصل ممتاز راٹھور نے اعلان کیا ہے کہ عید کے فوری بعد اربوں روپے کی آپٹیکل فائبر بچھانے کے منصوبے پر کام کا آغاز کیا جائے گا۔
مزید پڑھیں: بلوچستان میں فائبر آپٹک نیٹ ورک بچھانے کے 3 ارب روپے کے منصوبے کا اعلان
اپنے ایک بیان میں وزیراعظم نے کہاکہ یہ منصوبہ آزاد کشمیر کو ڈیجیٹل ترقی کی نئی راہوں پر گامزن کرے گا اور تیز رفتار و معیاری انٹرنیٹ، تعلیم، صحت اور ای گورننس کے شعبوں میں انقلاب لے آئے گا۔
انہوں نے بتایا کہ اس منصوبے کے ذریعے نوجوانوں کے لیے آئی ٹی میں نئے روزگار کے مواقع بھی پیدا ہوں گے۔
فیصل ممتاز راٹھور نے کہاکہ یہ آزاد کشمیر میں آپٹیکل فائبر بچھانے کا پہلا سرکاری منصوبہ ہے اور اس کا کریڈٹ پاکستان پیپلز پارٹی کی عوامی حکومت کو جاتا ہے۔
انہوں نے چیف سیکریٹری خوشحال خان اور سیکریٹری آئی ٹی محمد راشد حنیف کی کاوشوں کو سراہا۔
وزیراعظم نے مزید کہاکہ حکومت جدید ٹیکنالوجی کے ذریعے عوام کو بہتر سہولیات فراہم کرنے کے لیے پرعزم ہے اور ہر شہری کو ڈیجیٹل دنیا سے جوڑنا حکومت کی اولین ترجیح ہے۔
مزید پڑھیں: انٹرنیٹ کی بڑھتی ہوئی طلب، حکومت کا 200 فیصد سے زائد اضافی اسپیکٹرمز کی نیلامی کا فیصلہ
انہوں نے کہاکہ یہ منصوبہ آزاد کشمیر کے روشن مستقبل کی ضمانت ہوگا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews آپٹیکل فائبر منصوبہ فیصل ممتاز راٹھور وزیراعظم آزاد کشمیر وی نیوز.
ذریعہ
ذریعہ: WE News
کلیدی لفظ: فیصل ممتاز راٹھور وی نیوز
پڑھیں:
حکومت نے پیٹرول اور ڈیزل مزید مہنگا کر دیا، نئی قیمتوں کا نوٹیفکیشن جاری
حکومت نے پیٹرولیم مصنوعات کی قیمتوں میں اضافہ کرتے ہوئے پیٹرول کی قیمت میں 4 روپے 40 پیسے فی لیٹر اور ہائی اسپیڈ ڈیزل کی قیمت میں 3 روپے 62 پیسے فی لیٹر اضافہ کر دیا ہے۔ اس حوالے سے باضابطہ نوٹیفکیشن بھی جاری کر دیا گیا ہے۔
یہ بھی پڑھیں:پیٹرول مہنگا ہو تو موٹرسائیکل سوار متاثر نہیں ہوتے، مشیر خزانہ کے بیان پر شدید ردعمل
نوٹیفکیشن کے مطابق اضافے کے بعد پیٹرول کی نئی قیمت 331 روپے 52 پیسے فی لیٹر مقرر کر دی گئی ہے، جبکہ ہائی اسپیڈ ڈیزل کی قیمت میں بھی 3 روپے 62 پیسے فی لیٹر کا اضافہ کر دیا گیا ہے۔
نئی قیمتیں نافذجاری کردہ نوٹیفکیشن کے مطابق پیٹرولیم مصنوعات کی نئی قیمتوں کا اطلاق فوری طور پر کر دیا گیا ہے، جس کے بعد ملک بھر کے پیٹرول پمپوں پر صارفین کو نئی قیمتوں کے مطابق ادائیگی کرنا ہوگی۔
عوام پر مزید مالی دباؤ کا خدشہمعاشی ماہرین کے مطابق پیٹرول اور ڈیزل کی قیمتوں میں اضافے سے ٹرانسپورٹ کے اخراجات بڑھنے کا امکان ہے، جس کے نتیجے میں اشیائے خورونوش اور دیگر ضروری اشیا کی قیمتوں پر بھی دباؤ آ سکتا ہے۔
مزید پڑھیں:ایران جنگ کے اثرات: پیٹرول مہنگا، یورپ میں الیکٹرک گاڑیوں کی فروخت میں 51 فیصد اضافہ
ڈیزل کی قیمت میں اضافہ خاص طور پر مال بردار ٹرانسپورٹ اور زرعی شعبے کے اخراجات پر اثر انداز ہو سکتا ہے۔
حکومت ہر 15 روز بعد عالمی منڈی میں خام تیل کی قیمتوں، درآمدی لاگت، روپے کی قدر اور ٹیکسوں کی بنیاد پر پیٹرولیم مصنوعات کی قیمتوں کا جائزہ لیتی تھی لیکن اب روزانہ کی بنیاد پر یہ عمل جاری ہے۔
اسی جائزہ عمل کے تحت تازہ نوٹیفکیشن جاری کرتے ہوئے پیٹرول اور ہائی اسپیڈ ڈیزل کی قیمتوں میں اضافہ کیا گیا ہے، جس کے بعد نئی قیمتیں ملک بھر میں نافذ العمل ہو گئی ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پیٹرول پیٹرولیم مصنوعات درآمدی لاگت ڈیزل روپے کی قدر عالمی منڈی مہنگا
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا