جےکےسی اوکےتحت بیرسٹرسلطان محمود کی تعزیت اوریوم یکجہتی کشمیر
اشاعت کی تاریخ: 9th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
جموں و کشمیر کمیٹی اوورسیز (جےکےسی او) کےزیراہتمام کبابش ریسٹورینٹ جدہ العزیزیہ میں بیرسٹر سلطان محمود چوہدری رحمہ اللہ ، صدرِ ریاست آزاد جموں و کشمیر کی وفات پرتعزیتی ریفرنس اور یوم یکجہتیٔ کشمیرکے حوالے سے ایک پروگرام کا اہتمام کیا گیا۔ جس میں پاکستانی اور کشمیری کمیونٹی کے تمام اکابرین کو شرکت کی دعوت دی گئی۔ تقریب کے مہمان خصوصی قونصل جنرل پاکستان سید مصطفٰی ربانی اپنی نا گزیرمصروفیت کے باعث تشریف نہ لا سکے ان کی نیابت کرتے ہوئے ڈپٹی قونصل جنرل پاکستان محترمہ سعدیہ وقارالنساء نے پرگرام کی صدارت کی۔ انھوں نے اپنے صدارتی خطاب میں بیرسٹرسلطان محمود کو خراج تحسین پیش کرتے ہوئے کہا کہ میں سمجھتی ہوں کہ ان کی جو کنٹریبیوشن جموں و کشمیر کی تحریکِ آزادی کے لیے تھی، وہ ہم سب کی نگاہوں میں ہے، ہم سب اس سے واقف ہیں۔ ان کی خدمات بے شمار ہیں۔ جنہیں ہمیشہ یاد رکھا جائے گا۔ انھوں نے کہا میں جموں و کشمیر سے تعلق رکھنے والے تمام کشمیری بہن بھائیوں کے ساتھ ساتھ ہرپاکستانی کے ساتھ بھی بھرپوراظہارِ یکجہتی کرتی ہوں جن کے دل جموں و کشمیر کے لیے دھڑکتے ہیں۔ “پانچ فروری”، یومِ یکجہتیٔ کشمیر، محض ایک علامتی دن نہیں بلکہ یہ دنیا بھر کے رہنماؤں اور عالمی برادری کے لیے ایک واضح پیغام ہے کہ کشمیر کا مسئلہ آج بھی زندہ ہے، اور کشمیری عوام اپنے حقِ خودارادیت کے لیے تنہا نہیں۔ پاکستان اور پاکستانی قوم ہر فورم پر کشمیریوں کی اخلاقی، سیاسی اور سفارتی حمایت جاری رکھے گی۔ جب تک یہ مسئلہ حل نہیں ہوتا، یہ درد اور غم ہمارے دلوں میں زندہ رہے گا۔ میں دعا بھی کرتی ہوں اور یہ پختہ یقین رکھتی ہوں کہ ہماری سب سے بڑی قومی ذمہ داریوں میں ایک عظیم ذمہ داری مسئلہ کشمیر کے منصفانہ حل کے لیے مسلسل اور سنجیدہ کوشش کرنا ہے۔ اس شعور، اس وابستگی اور اس خلوص کے لیے آپ سب کا دل سے شکریہ۔ تقریب سے ہیڈآف چانسری محمدغلام حسین، مسعود احمد پوری، ڈاکٹر سجاد، وقاص عنایت حسین، راجہ ریاض، سردار مہتاب سرور، میاں رضوان الحق، چودھری احسان الہی، سردار اقبال یوسف، چودھری ظہیر، چودھری تصور حسین، چودھری خورشید احمد متیال، انجینئرعارف مفل اور دیگر نے بھی خطاب کیا اوربیرسٹرسلطان محمود کو زبردست خراجِ تحسین پیش کرتے ہوئے کہا وہ ایک عظیم شخصیت تھے۔ تاریخ میں ان کی خدمات سنہرے حرفوں میں لکھی جائے کی۔ آخر میں سردارمہتاب سرور نے دعا کرائی۔ پروگرام کی نظامت کے فرائض راجہ شمروزنے سرانجام دیئے۔
ذریعہ
ذریعہ: Jasarat News
کلیدی لفظ: کے لیے
پڑھیں:
مہاجرین کی نشستوں کے مستقبل پر بڑا فیصلہ قریب، اہم پیش رفت سامنے آگئی
مظفرآباد: مہاجرین کی نشستیں آزاد جموں و کشمیر کی سیاست میں ایک بار پھر توجہ کا مرکز بن گئی ہیں، جہاں ان نشستوں کے مستقبل سے متعلق اہم پیش رفت سامنے آئی ہے۔ ذرائع کے مطابق وفاقی حکومت نے اس معاملے پر نرم رویہ اختیار کرتے ہوئے مکمل خاتمے کے بجائے نشستوں کی تعداد میں کمی کی تجویز پر غور شروع کر دیا ہے۔
ذرائع کا کہنا ہے کہ وادی کشمیر سے تعلق رکھنے والے مہاجرین کی چھ نشستیں کم کرنے کی ابتدائی تجویز زیر غور ہے۔ اس پیش رفت کو انتخابی اصلاحات کے حوالے سے ایک اہم قدم قرار دیا جا رہا ہے، جس سے طویل عرصے سے جاری سیاسی بحث کو کسی نتیجے تک پہنچانے میں مدد مل سکتی ہے۔
اطلاعات کے مطابق وفاقی حکومت جلد آزاد کشمیر کی قیادت کو اپنے مؤقف سے آگاہ کرے گی۔ اس سلسلے میں وزیراعظم آزاد کشمیر کی جانب سے جوائنٹ پبلک ایکشن کمیٹی سے رابطے کا بھی امکان ظاہر کیا جا رہا ہے تاکہ مختلف سیاسی اور سماجی حلقوں کو اعتماد میں لیا جا سکے۔
دوسری جانب آزاد کشمیر میں انتخابی اصلاحات کے موضوع پر کل ہونے والی آل پارٹیز کانفرنس بھی غیر معمولی اہمیت اختیار کر گئی ہے۔ سیاسی مبصرین کا کہنا ہے کہ مہاجرین کی نشستیں کم کرنے کی تجویز پر اتفاق رائے پیدا ہونے سے انتخابی نظام میں اصلاحات کی راہ ہموار ہو سکتی ہے۔
ذرائع کے مطابق اس معاملے پر مختلف سیاسی جماعتوں اور اسٹیک ہولڈرز کے درمیان مشاورت جاری ہے، جبکہ وفاقی حکومت بھی ایسا حل تلاش کرنے کی کوشش کر رہی ہے جو تمام فریقوں کے لیے قابل قبول ہو۔
سیاسی حلقوں کا ماننا ہے کہ اگر اس معاملے پر اتفاق رائے پیدا ہو جاتا ہے تو یہ آزاد کشمیر کی سیاسی تاریخ میں ایک اہم سنگ میل ثابت ہو سکتا ہے۔
وزارت آئی ٹی نے 1.67 ارب روپے سے زاید کے فنڈز طلب کرلیے