سابق کپتان راشد لطیف کراچی چھوڑ کر اسلام آباد کیوں منتقل ہوئے؟ اصل وجہ سامنے آگئی
اشاعت کی تاریخ: 9th, February 2026 GMT
پاکستان کے سابق کپتان اور معروف کرکٹ تجزیہ کار راشد لطیف نے انکشاف کیا ہے کہ وہ 22 اگست 2016 کو مستقل طور پر کراچی سے اسلام آباد منتقل ہو گئے تھے اور اب وہ کراچی کو یاد بھی نہیں کرتے۔
راشد لطیف نے حال ہی میں تابش ہاشمی کے ایک پروگرام میں بطور مہمان شرکت کی جہاں ایک سوال کے جواب میں انہوں نے کہا کہ انہیں اسلام آباد زیادہ پسند ہے۔ انہوں نے کراچی کے حوالے سے بات کرتے ہوئے کہا کہ شہر میں رہائشی اور کھیلوں کے مسائل سنگین ہو چکے ہیں۔ ان کا کہنا تھا کہ جب کراچی میں سب لوگ ڈی ایچ اے میں منتقل ہو گئے ہیں تو ملیر جیسے علاقوں کے لوگ کہاں جائیں؟
راشد لطیف کراچی سے کیوں چلے گئے؟
میں کراچی کو یاد نہیں کرتا، راشد لطیف pic.
— Geo News Urdu (@geonews_urdu) February 8, 2026
سابق کپتان نے کراچی اور لاہور میں کرکٹ کے زوال پر بھی تشویش کا اظہار کیا۔ انہوں نے کہا کہ ایک وقت تھا جب کراچی اور لاہور کو کرکٹ کی نرسریاں کہا جاتا تھا مگر اب صورتحال بدل چکی ہے۔ گراؤنڈز ختم کیے جا رہے ہیں اور ان کی جگہ ہاؤسنگ سوسائٹیز بنائی جا رہی ہیں۔
راشد لطیف کے مطابق کراچی میں 30 سے 35 کرکٹ گراؤنڈز چائنہ کٹنگ کی نذر ہو چکے ہیں جہاں اب فلیٹس تعمیر ہو گئے ہیں جس کے باعث نوجوان کھلاڑیوں کے لیے کھیلنے کی جگہ ہی نہیں رہی۔
یہ بھی پڑھیں: سابق کپتان راشد لطیف نے عثمان طارق کی تصویر کے ساتھ غیر قانونی بولنگ کا قانون کیوں یاد دلایا؟
انہوں نے مزید کہا کہ اسی وجہ سے کوچز اور سابق کھلاڑیوں کو اکیڈمیز کھولنی پڑیں مگر اکیڈمیز میں محدود تعداد میں ہی کھلاڑیوں کو تربیت دی جا سکتی ہے۔
راشد لطیف نے لاہور کی مثال دیتے ہوئے کہا کہ منٹو پارک میں پاکستان کے سات کپتان گزرے ہیں مگر اب وہاں سے سڑک گزار دی گئی ہے۔ اسی طرح کراچی کی شاہراہ فیصل پر موجود تین کرکٹ گراؤنڈز بھی ختم ہو چکے ہیں جس سے یہ سوال پیدا ہوتا ہے کہ کھلاڑی کہاں سے سامنے آئیں گے۔
انہوں نے زور دیا کہ پاکستان کرکٹ بورڈ کو چاہیے کہ وہ تحقیق کرے کہ آخر وہ کون سی وجوہات ہیں جن کی بنا پر کراچی سے کھلاڑی سامنے نہیں آ رہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسلام اباد راشد لطیف سابق کپتان راشد لطیف کراچی
ذریعہ
ذریعہ: WE News
کلیدی لفظ: اسلام اباد راشد لطیف سابق کپتان راشد لطیف کراچی راشد لطیف نے سابق کپتان انہوں نے کہا کہ
پڑھیں:
امریکا نے ایران پر مسلسل 13 ویں رات بھی فضائی حملے شروع کر دیے، سینٹکام
امریکہ نے ایران کے خلاف مسلسل 13 ویں رات بھی فوجی کارروائیاں جاری رکھیں جبکہ ایرانی شہر اہواز میں متعدد دھماکوں کی آوازیں سنی جانے کی اطلاعات سامنے آئی ہیں۔
امریکی سینٹرل کمانڈ سینٹکام نے سوشل میڈیا پلیٹ فارم ایکس پر جاری بیان میں تصدیق کی کہ امریکی افواج نے جمعرات کی شب ایران کے فوجی اہداف پر ایک اور حملہ کیا۔ بیان کے مطابق یہ کارروائیاں مسلسل 13 ویں رات جاری رہیں۔
U.S. forces started another night of strikes against Iranian military targets at 6:45 p.m. ET today. This is the 13th consecutive night of strikes aimed to hold Iran accountable and diminish threats from the Islamic Revolutionary Guard Corps to commercial shipping.
مزید پڑھیںمشرق وسطیٰ کی صورتحال کنٹرول سے باہر ہوتی جارہی ہے، یو این سیکریٹری جنرل
جارحیت کی قیمت واشنگٹن کو بہت مہنگی پڑے گی، عباس عراقچی
— U.S. Central Command (@CENTCOM) July 23, 2026سینٹکام کا کہنا ہے کہ ان حملوں کا مقصد ایران کو اس کے اقدامات پر جوابدہ بنانا اور پاسداران انقلاب کی جانب سے تجارتی بحری جہازوں کو لاحق خطرات کو کم کرنا ہے۔
دوسری جانب ایران کے صوبہ خوزستان کے دارالحکومت اہواز کے رہائشیوں نے جمعہ کی علی الصبح متعدد زور دار دھماکوں کی آوازیں سننے کی اطلاع دی ہے۔
ایرانی خبر رساں ادارے کے مطابق دھماکوں کی تفصیلات فوری طور پر سامنے نہیں آسکیں۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا