سعودی عرب: سائبر سیکورٹی اور دیگر اے آئی کے شعبوں میں پاکستانی پروفیشنلز ترجیح بن گئے
اشاعت کی تاریخ: 9th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
سعودی عرب کے تیزی سے ترقی کرتے ٹیکنالوجی سیکٹر نے پاکستانی آئی ٹی ماہرین کے لیے نئے اور وسیع مواقع پیدا کر دیے ہیں۔
ویژن 2030 کے تحت جاری بڑے ترقیاتی منصوبوں کے باعث مملکت میں مصنوعی ذہانت، سائبر سیکورٹی، آٹومیشن اور سافٹ ویئر ڈویلپمنٹ جیسے شعبوں میں اعلیٰ مہارت یافتہ افراد کی طلب مسلسل بڑھ رہی ہے، جس سے پاکستان ایک اہم افرادی قوت فراہم کرنے والے ملک کے طور پر ابھر رہا ہے۔
ماہرین کا کہنا ہے کہ پاکستان اس وقت ایسی موزوں پوزیشن میں ہے جہاں وہ اپنی ہنر مند آئی ٹی افرادی قوت کو سعودی عرب کی ضروریات کے مطابق مؤثر انداز میں متعارف کرا سکتا ہے۔ اس مقصد کے لیے دونوں ممالک کے درمیان اسٹریٹجک تعاون، ہدفی مہارت سازی پروگرامز اور ادارہ جاتی شراکت داری کو فروغ دینا ناگزیر ہو چکا ہے۔
سرکاری اعداد و شمار کے مطابق 2025 میں سعودی عرب میں مقیم پاکستانی کارکنوں کی تعداد 5 لاکھ 30 ہزار سے تجاوز کر گئی، جو گزشتہ برس کے مقابلے میں 17 فیصد زیادہ ہے۔ اس اضافے سے ظاہر ہوتا ہے کہ سعودی لیبر مارکیٹ میں پاکستانی افرادی قوت پر اعتماد مسلسل بڑھ رہا ہے۔
سعودی عرب میں مقیم آئی ٹی اور سائبر سیکورٹی ماہر تیمور بٹ کے مطابق ویژن 2030 کے منصوبوں کے تحت مملکت میں ڈیجیٹل انفرا اسٹرکچر کو جدید خطوط پر استوار کیا جا رہا ہے، جس کے لیے دنیا بھر سے خصوصاً پاکستان جیسے مسلم ممالک سے ماہرین کو بھرتی کیا جا رہا ہے۔ ان کا کہنا ہے کہ حساس نوعیت کے منصوبوں میں پاکستانی سائبر سیکورٹی ماہرین کو خاص ترجیح دی جا سکتی ہے۔
آئی ٹی ایکسپورٹر سعد شاہ کے مطابق کئی پاکستانی آئی ٹی اور فن ٹیک کمپنیاں سعودی عرب میں اپنے ذیلی دفاتر قائم کر چکی ہیں اور مقامی سطح پر عملے کو منتقل کر رہی ہیں۔ مذہبی و ثقافتی ہم آہنگی اور بڑی پاکستانی کمیونٹی کی موجودگی نے سعودی عرب کو پاکستانی پروفیشنلز کے لیے ایک پرکشش منزل بنا دیا ہے۔
اُدھر وزارتِ اوورسیز پاکستانیز اور انسانی وسائل کی ترقی آئندہ برسوں میں سعودی عرب میں پاکستانی کارکنوں کی تعداد 10 لاکھ تک پہنچانے کے لیے اقدامات کر رہی ہے۔ ماہر تعلیم ڈاکٹر نعمان سعید کا کہنا ہے کہ اس موقع سے بھرپور فائدہ اٹھانے کے لیے پاکستان کو اپنے تعلیمی نظام کو عالمی تقاضوں سے ہم آہنگ کرنا ہوگا اور آئی ٹی جامعات و صنعت کے درمیان مضبوط روابط قائم کرنا ہوں گے۔
.
ذریعہ
ذریعہ: Jasarat News
کلیدی لفظ: سائبر سیکورٹی میں پاکستانی کے مطابق آئی ٹی کے لیے رہا ہے
پڑھیں:
حج سے واپسی کا آغاز، 370 حجاج کرام اسلام آباد پہنچ گئے
حج 2026 کی ادائیگی کے بعد پاکستانی حجاج کرام کی وطن واپسی کا سلسلہ شروع ہو گیا۔ سعودی ائیرلائن کی پرواز ایس وی 5724 کے ذریعے 370 حجاج کرام آج اسلام آباد پہنچ گئے۔
مزید پڑھیں: سعودی وزارت حج و عمرہ کی حجاج کرام کے لیے مثالی انتظامات کرنے پر پاکستانی حج مشن کو خراج تحسین
وفاقی وزیر برائے پارلیمانی امور طارق فضل چوہدری نے اسلام آباد ہوائی اڈے پر حجاج کرام کا استقبال کیا اور انہیں فریضۂ حج کی سعادت حاصل کرنے پر مبارکباد دی۔
اس موقع پر گفتگو کرتے ہوئے انہوں نے کہا کہ امسال قریباً ایک لاکھ 80 ہزار پاکستانیوں نے حج کی سعادت حاصل کی، جن میں ایک لاکھ 20 ہزار عازمین سرکاری حج اسکیم کے تحت سعودی عرب گئے۔
پاکستانی حجاج کرام کی وطن واپسی کا سلسلہ شروع۔ سعودی ائیرلائن کے ذریعے 370 حجاج کرام اسلام آباد پہنچ گئے۔ وفاقی وزیر طارق فضل چوہدری نے اسلام آباد ہوائی اڈے پر حجاج کا استقبال کیا اور انہیں فریضۂ حج کی سعادت حاصل کرنے پر مبارکباد دی۔@iamabidmalik @AmirSaeedAbbasi @KulAalam pic.twitter.com/zBqJGjKIEa
— Media Talk (@mediatalk922) June 1, 2026
وفاقی وزیر کا کہنا تھا کہ حجاج کرام نے حج 2026 کے انتظامات پر اطمینان کا اظہار کیا ہے۔ انہوں نے کہا کہ وزیراعظم کی ہدایت پر وزارتِ مذہبی امور نے عازمین حج کو ہر ممکن سہولت فراہم کی۔
مزید پڑھیں:سعودی عرب، حجاج کرام میں قرآن پاک کے نسخوں کی تقسیم
ڈاکٹر طارق فضل چوہدری نے وفاقی وزیر مذہبی امور اور ان کی ٹیم کو حج کے بہترین انتظامات پر مبارکباد بھی پیش کی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسلام آباد آئیرپورٹ حجاج کرام طارق فضل چوہدری وفاقی وزیر برائے پارلیمانی امور طارق فضل چوہدری
وزارت آئی ٹی نے 1.67 ارب روپے سے زاید کے فنڈز طلب کرلیے