پاکستان میں مقامی ویکسین تیاری کا فیصلہ، او آئی سی ویکسین الائنس کی تجویز
اشاعت کی تاریخ: 9th, February 2026 GMT
او آئی سی ویکسین مینوفیکچررز گروپ کے چوتھے اجلاس سے خطاب کرتے ہوئے وفاقی وزیر صحت مصطفیٰ کمال نے کہا ہے کہ پاکستان میں پہلی مرتبہ باقاعدہ ویکسین پالیسی تیار کی گئی ہے اور مقامی سطح پر ویکسین کی تیاری کا فیصلہ کر لیا گیا ہے۔
مزید پڑھیں: ’اب بس‘: تھائی لینڈ نے ہاتھیوں کو مانع حمل ویکسین دینی شروع کردی
وزیر صحت نے بتایا کہ پاکستان اس وقت سالانہ قریباً 4 ملین ڈالرز کی ویکسین خریدتا ہے، جس میں 51 فیصد لاگت پاکستان جبکہ 49 فیصد گاوی اور دیگر ڈونرز ادا کرتے ہیں، تاہم 2030 کے بعد پاکستان کو ویکسین کی سو فیصد لاگت خود برداشت کرنا ہوگی، جو 1.
مصطفیٰ کمال کے مطابق اس صورتحال کے پیش نظر سعودی عرب کے ساتھ ویکسین کی مقامی تیاری کے لیے شراکت داری پر کام کیا جا رہا ہے، جبکہ چین اور انڈونیشیا سے بھی تعاون حاصل کیا جا رہا ہے۔ انہوں نے کہا کہ پاکستان 24 کروڑ آبادی کا ملک ہے، جہاں حکومت شہریوں کو 13 اقسام کی ویکسین مفت فراہم کر رہی ہے، مگر اس وقت کوئی ویکسین ملک میں تیار نہیں ہوتی۔
مزید پڑھیں: شِنگلز ویکسین تکلیف سے بچاؤ کے علاوہ مزید کیا فائدہ پہنچاتی ہے؟
وفاقی وزیر صحت نے او آئی سی ویکسین الائنس بنانے کی تجویز دیتے ہوئے کہا کہ اسلامی ممالک کو شارٹ، میڈیم اور لانگ ٹرم بنیادوں پر مشترکہ حکمت عملی کے تحت کام کرنا ہوگا، کیونکہ صحت مند قوم اور معاشی استحکام قومی سلامتی سے جڑے ہوئے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
او آئی سی ویکسین مینوفیکچررز گروپ او آئی سی وفاقی وزیر صحت مصطفیٰ کمال ویکسین
ذریعہ
ذریعہ: WE News
کلیدی لفظ: او ا ئی سی وفاقی وزیر صحت مصطفی کمال ویکسین او آئی سی ویکسین
پڑھیں:
چینی شہریوں کی سیکیورٹی کیلیے بلٹ پروف لینڈ کروزر خریدنے کا فیصلہ
اسلام آباد:حکومت نے چینی شہریوں کی سیکیورٹی کو مزید موثر بنانے کے لیے 95.049 ملین روپے (تقریباً 9 کروڑ 50 لاکھ روپے) مالیت کی نئی بلٹ پروف ٹویوٹا لینڈ کروزر خریدنے کا فیصلہ کیا ہے۔
یہ گاڑی چین پاکستان اقتصادی راہداری (سی پیک) سیکریٹریٹ کے استعمال کے لیے حاصل کی جائے گی تاکہ چینی وفود اور ماہرین کو محفوظ سفری سہولت فراہم کی جا سکے۔
وفاقی وزیر برائے منصوبہ بندی احسن اقبال کے مطابق چینی شہریوں کا تحفظ حکومتِ پاکستان کی اولین ذمے داری ہے اسی مقصد کے تحت یہ گاڑی خریدی جا رہی ہے۔
سرکاری دستاویزات کے مطابق یہ نئی لینڈ کروزر پہلے سے موجود بلٹ پروف گاڑیوں اور کم از کم 2ہیلی کاپٹروں کے علاوہ ہوگی، جنھیں مختلف سرکاری ادارے چینی شہریوں کی حفاظت کے لیے استعمال کر رہے ہیں یا خریدنے کے عمل میں ہیں۔
سی پیک سیکریٹریٹ نے موقف اختیار کیا کہ کابینہ ڈویژن کے محدود گاڑیوں کے بیڑے کے باعث مطلوبہ وقت پر بلٹ پروف گاڑیاں دستیاب نہیں ہوتیں، جس سے اہم سرکاری ملاقاتوں، غیر ملکی وفود کے دوروں اور اجلاسوں میں تاخیر یا بعض اوقات منسوخی کی نوبت آ جاتی ہے۔
دستاویزات کے مطابق نجی مارکیٹ سے کرائے پر بلٹ پروف گاڑیاں لینا نہ صرف غیر یقینی بلکہ انتہائی مہنگا بھی ثابت ہوتا ہے، جس سے قومی خزانے پر اضافی بوجھ پڑتا ہے۔حکومت نے پبلک پروکیورمنٹ ریگولیٹری اتھارٹی (PPRA) کے رول 42(c)(vii) کے تحت براہِ راست معاہدے کے ذریعے گاڑی خریدنے کا فیصلہ کیا ہے۔
3 ٹویوٹا ڈیلرز نے قیمتیں پیش کیں، جن میں،ٹویوٹا سینٹرل موٹرز: 95.049 ملین روپے،ٹویوٹا پورٹ قاسم: 95.25 ملین روپے،ٹویوٹا سوسائٹی: 95.45 ملین روپے ہے،حکومت نے سب سے کم بولی دینے والی ٹویوٹا سینٹرل موٹرز کی پیشکش منظور کر لی۔
سی پیک سیکریٹریٹ کے پاس گاڑی کی خریداری کے لیے مطلوبہ رقم موجود نہیں تھی، جس پر وزارتِ منصوبہ بندی نے مختلف منصوبوں سے 5 کروڑ 83 لاکھ روپے منتقل کرنے کا فیصلہ کیا۔
تاہم مالی سال کے اختتام تک ضروری منظوری نہ ملنے کے باعث آرڈر جاری نہ ہو سکا۔
وزارت نے یہ رقم مختلف منصوبوں سے فراہم کرنے کا انتظام کیا، جن میں،سینٹر فار ایکسی لینس برائے سی پیک سے 1 کروڑ 88 لاکھ روپیوفاقی ایس ڈی جیز پروگرام سے 91 لاکھ روپے،مانیٹرنگ اینڈ ایویلیوایشن منصوبے سے 1 کروڑ 10 لاکھ روپے،پالیسی ریسرچ گرانٹس پروگرام سے 1 کروڑ 60 لاکھ روپے ہے ،ان میں 62 لاکھ روپے وہ بھی شامل تھے جو کنٹریکٹ ملازمین کی ادائیگی کے لیے مختص تھے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار