ینگ اسٹنرز کے ریپر طلحہ انجم منگنی کے بندھن میں بندھ گئے، سوشل میڈیا پر خوشی کی لہر
اشاعت کی تاریخ: 9th, February 2026 GMT
پاکستان کی نوجوان نسل کے مقبول ریپر اور گلوکار طلحہ انجم نے اپنی زندگی کے نئے سفر کا آغاز کرتے ہوئے منگنی کر لی ہے۔ معروف میوزک بینڈ ینگ اسٹنرز کے اہم رکن طلحہ انجم کی منگنی میڈیکل اسٹیٹیشن اور سوشل میڈیا انفلوئنسر زویہ کریم سے ہوئی، جس کی خوبصورت تقریب کراچی میں منعقد کی گئی جہاں قریبی عزیز و اقارب اور دوستوں نے شرکت کی۔ تقریب میں طلحہ انجم نے گرے رنگ کا سوٹ جبکہ زویہ کریم نے لیونڈر رنگ کی ساڑھی پہن کر سب کی توجہ حاصل کی۔ منگنی کی تصاویر اور ویڈیوز سوشل میڈیا پر تیزی سے وائرل ہو رہی ہیں اور مداح اس جوڑی کے لیے نیک تمناؤں اور مبارکباد کے پیغامات دے رہے ہیں۔
.
ذریعہ
ذریعہ: Nawaiwaqt
پڑھیں:
مومنہ اقبال کے شوہر کون، تفصیلات سامنے آگئیں
پاکستانی اداکارہ مومنہ اقبال کے شوہر حمزہ حبیب کی تفصیلات سامنے آگئی ہیں۔ پاکستان کے مقبول ڈراموں میں اداکاری کے جوہر دکھانے والی مومنہ اقبال حال ہی میں رشتہ ازدواج میں منسلک ہوئی ہیں۔ لاہور میں ان کی دعائے خیر ، مہندی ، مایوں اور نکاح کی تقریبات منعقد ہو چکی ہیں جن کی تصاویر اور ویڈیوز سوشل میڈیا پر خوب وائرل ہیں۔ میڈیا رپورٹس کے مطابق مومنہ اقبال کے دلہا حمزہ حبیب کا تعلق لاہور سے ہے، وہ کامیاب اور مالی طور پر مستحکم کاروباری شخصیت ہیں تاہم وہ ہمیشہ میڈیا کی نظروں سے دور رہے۔ حالیہ دنوں میں مومنہ اقبال کو (ن ) لیگی ایم پی اے ثاقب چدھڑ کی جانب سے مبینہ ہراسانی اور دھمکیوں کے معاملے پر حمزہ حبیب اپنی اہلیہ کی حمایت میں سامنے آنے کے بعد خبروں کا مرکز بن گئے۔ حمزہ حبیب کے مطابق ان کی اور مومنہ اقبال کی منگنی خاندانوں کی باہمی رضامندی سے ہوئی جب کہ دونوں خاندانوں کے درمیان دیرینہ دوستانہ تعلقات بھی ہیں۔ جوڑے نے مئی 2026 کے آخر میں ایک نجی تقریب میں نکاح کیا تھا۔ اس سے قبل اداکارہ مومنہ اقبال نے اپنی سوشل میڈیا سٹوری کے ذریعے انکشاف کیا تھا کہ ایک بااثر سیاسی شخصیت کی جانب سے انہیں اور ان کی فیملی کو جان سے مارنے کی دھمکیاں دی جارہی ہیں۔ جس پر نیشنل سائبر کرائم انویسٹی گیشن ایجنسی اپنی تحقیقات کررہی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ