رواں سال صدقہ فطر اور فدیہ صوم کا نصاب جاری
اشاعت کی تاریخ: 9th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
اسلام آباد: چیئرمین اسلامی نظریاتی کونسل علامہ ڈاکٹر محمد راغب حسین نعیمی نے رواں سال کے لیے صدقہ فطر اور فدیہ صوم کا باقاعدہ نصاب جاری کر دیا۔
انہوں نے کہا کہ صدقہ فطر اور فدیہ صوم کی کم از کم رقم 300 روپے فی کس مقرر کی گئی ہے، تاکہ کم آمدنی والے افراد بھی اپنی مذہبی ذمہ داری آسانی سے ادا کر سکیں۔
علامہ ڈاکٹر راغب حسین نعیمی نے وضاحت کی کہ گندم کے آٹے کے حساب سے صدقہ فطر اور فدیہ صوم 300 روپے، جو کے حساب سے 1100 روپے، کھجور کے حساب سے 1600 روپے، کشمش کے حساب سے 3800 روپے اور منقیٰ کے حساب سے 5400 روپے ادا کیا جائے جبکہ سرکاری آٹے کے حساب سے صدقہ فطر اور فدیہ صوم 200 روپے مقرر کیا گیا ہے۔
چیئرمین اسلامی نظریاتی کونسل نے کہا کہ صدقہ فطر ہر مسلمان مرد، عورت، آزاد، غلام، چھوٹے اور بڑے پر فرض ہے، اور اس کی ادائیگی عیدالفطر سے قبل ضروری ہے تاکہ مستحق افراد بھی عید کی خوشیوں میں شامل ہو سکیں۔
انہوں نے صاحبِ استطاعت افراد پر زور دیا کہ وہ محض گندم کے نصاب پر اکتفا نہ کریں بلکہ اپنی مالی حیثیت کے مطابق زیادہ بہتر اجناس کے حساب سے صدقہ فطر ادا کریں تاکہ زیادہ سے زیادہ ضرورت مندوں کی مدد ممکن ہو سکے۔
انہوں نے مزید بتایا کہ گندم کے حساب سے 30 روزوں کا فدیہ 9000 روپے، جو کے حساب سے 33000 روپے، کھجور کے حساب سے 48000 روپے، کشمش کے حساب سے 114000 روپے اور منقیٰ کے حساب سے 162000 روپے بنتا ہے جب کہ سرکاری آٹے کے حساب سے 30 روزوں کا فدیہ 6000 روپے مقرر کیا گیا ہے۔
علامہ راغب حسین نعیمی کے مطابق جان بوجھ کر روزہ توڑنے کا کفارہ مسلسل 60 روزے رکھنا یا 60 مساکین کو دو وقت کا کھانا کھلانا ہے۔ انہوں نے یہ بھی واضح کیا کہ پنجاب کے علاوہ دیگر صوبوں کے رہائشی اپنے علاقوں میں اجناس کی مقامی قیمتوں کے مطابق صدقہ فطر اور فدیہ صوم ادا کریں۔
.
ذریعہ
ذریعہ: Jasarat News
کلیدی لفظ: صدقہ فطر اور فدیہ صوم کے حساب سے انہوں نے
پڑھیں:
سونے کی قیمت میں نمایاں کمی
عالمی اور مقامی مارکیٹس میں سونے کی قیمت میں نمایاں کمی دیکھی گئی۔آل پاکستان صرافہ جیمز اینڈ جیولرز ایسوسی ایشن کے مطابق فی تولہ سونا ایک ہزار 800 روپے سستا ہوگیا، جس کے بعد سونے کی نئی قیمت 4 لاکھ 35 ہزار 636 روپے ہوگئی، اسی طرح 10 گرام سونے کی قیمت میں ایک ہزار 543 روپے کی کمی ہوئی، جس کے بعد نئی قیمت 3 لاکھ 73 ہزار 487 روپے مقرر کی گئی ہے۔دوسری جانب عالمی مارکیٹ میں بھی سونے کی قیمت میں کمی کا رجحان دیکھا گیا، جہاں فی اونس سونا 18 ڈالر سستا ہونے کے بعد 4 ہزار 96 ڈالر پر آگیا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار