نواز شریف سے ازبک سفیر کی ملاقات، مریم نواز کے ساتھ ازبکستان کے دورے کی دعوت
اشاعت کی تاریخ: 9th, February 2026 GMT
پاکستان مسلم لیگ (ن) کے صدر محمد نواز شریف سے ازبکستان کے سفیر علی شیر تختیوف نے ملاقات کی، جس میں دو طرفہ اقتصادی تعاون کو بڑھانے اور باہمی دلچسپی کے امور پر تبادلہ خیال کیا گیا۔
ملاقات کے دوران ازبک سفیر نے صدر مسلم لیگ ن کو ازبکستان کے صدر شوکت مرزائیوف کا خط بھی پہنچایا۔
پاکستان مسلم لیگ ن کے صدر میاں نواز شریف سے ازبک سفیر علی شیر تختیوف کی ملاقات،دو طرفہ اقتصادی تعاون بڑھانے اورباہمی دلچسپی کےامور پر تبادلہ خیال،ازبک سفیر نےنوازشریف کو ازبکستان کےصدرشوکت مرزائیوف کا خط پہنچایا۔ pic.
— WE News (@WENewsPk) February 9, 2026
ازبک صدر نے اپنے خط میں وزیر اعلیٰ پنجاب مریم نواز شریف کے عوامی فلاحی منصوبوں کو سراہا اور محمد نواز شریف کو پاکستان کے محب وطن بیٹے قرار دیا، جنہوں نے ملکی عوام کے لیے شاندار ترقیاتی منصوبے شروع کیے۔
اس موقع پر ازبک صدر نے صدر مسلم لیگ ن محمد نواز شریف اور وزیر اعلیٰ پنجاب مریم نواز شریف کو ازبکستان کے دورے کی دعوت بھی دی۔
ملاقات میں دونوں فریقین نے دو طرفہ تعلقات کو مزید مضبوط بنانے اور اقتصادی تعاون کے نئے مواقع تلاش کرنے پر اتفاق کیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews ازبک سفیر دورے کی دعوت ملاقات نواز شریف وی نیوز
ذریعہ
ذریعہ: WE News
کلیدی لفظ: ازبک سفیر دورے کی دعوت ملاقات نواز شریف وی نیوز ازبکستان کے نواز شریف ازبک سفیر مسلم لیگ
پڑھیں:
گلگت بلتستان کو بھی آئینی وبنیادی حقوق ملنے چاہئیں ، سعد رفیق
سکردو(اُردو پوائنٹ اخبارتازہ ترین - آن لائن۔ 02 جون2026ء) پاکستان مسلم لیگ (ن) کے سینئر رہنما اور سابق وفاقی وزیر خواجہ سعد رفیق نے کہا ہے کہ گلگت بلتستان کے عوام کی ترقی مسلم لیگ (ن) کی اولین ترجیح ہے اور انہیں ملک کے دیگر صوبوں کی طرح مکمل آئینی اور بنیادی حقوق ملنے چاہئیں۔(جاری ہے)
جی بی ای-8 سکردو-2 میں انتخابی مہم کے سلسلے میں مسلم لیگ (ن) کے نامزد امیدوار حاجی اکبر تابان کی رہائش گاہ پر پارٹی کارکنوں سے خطاب کرتے ہوئے خواجہ سعد رفیق کا کہنا تھا کہ مسلم لیگ (ن) اقتدار میں آ کر عوام کی محرومیاں ختم کرے گی اور گلگت بلتستان کے حقوق کیلئے پارلیمنٹ میں مؤثر آواز اٹھائے گی۔
انہوں نے کہا کہ پسماندہ علاقوں کی ترقی پر خصوصی توجہ دی جائے گی اور خطے میں بجلی کے نئے منصوبے متعارف کرائے جائیں گے۔ان کا کہنا تھا کہ گلگت بلتستان کی ترقی اور خوشحالی کیلئے سب کو مل کر کام کرنا ہوگا، پاکستان کے قیام کا جو مقصد تھا، اسے پورا کرنا ہماری مشترکہ ذمہ داری ہے، پاکستان مسلم دنیا کی واحد ایٹمی قوت ہے اور بھارت کے فالس فلیگ آپریشنز کو ہمیشہ ناکامی کا سامنا کرنا پڑا ہے۔خواجہ سعد رفیق نے مزید کہا کہ مسلم لیگ (ن) کی سیاست الزام تراشی نہیں بلکہ دلیل، خدمت اور عوامی ترقی کی سیاست ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ