ICC اور BCB کے معاملات کا انتظار کررہاہوں، محسن نقوی
اشاعت کی تاریخ: 9th, February 2026 GMT
اسلام آباد(نیوزڈیسک)چیئرمین پی سی بی محسن نقوی کا کہنا ہے کہ ورلڈکپ میں شرکت کے حوالے سے مسئلہ بنگلادیش کا تھا، ورلڈکپ میں شرکت کے حوالے سے مسئلہ بنگلادیش کا تھا۔ ہم نے بنگلادیش بورڈ کا مؤقف نہیں جانے دینا تھا۔
محسن نقوی نے کہا کہ آئی سی سی اور بنگلہ دیش کرکٹ بورڈ (بی سی بی) میں معاملات چل رہے ہیں، اس وقت چیزیں چل رہی ہیں،زیادہ بات نہیں کروں گا، معاملےپرمیں بھی انتظار کر رہاہوں۔
چیئرمین پی سی بی نے کہا کہ ہم نے گھر آئے مہمان کی عزت کرنا سیکھا ہے، اگر کوئی خودچل کر آئے تو بہت ساری چیزیں بھول جاتی ہیں، نہ میں دھمکی سے ڈرتاہوں،نہ ہماری حکومت ڈرتی ہے، بہت سارے ممالک نے رابطہ کیا،ہم نے اپنا مؤقف ان کے سامنے رکھا۔
چیئرمین پی سی بی محسن نقوی کا کہنا تھا کہ کوشش تھی ملتان سلطانز کی ٹیم کو بھی اچھی قیمت میں فروخت کریں، آکشن کے دوران وزیراعظم سے دومرتبہ فون پر بات ہوئی ،وہ بھی پرجوش تھے، پی ایس ایل کے حوالے سے بہت کام چل رہا ہے۔
واضح رہے کہ ورلڈکپ میں پاک بھارت مقابلہ 15 فروری کو شیڈول ہے۔ پاکستان حکومت نے میچ کے بائیکاٹ کا اعلان کررکھا ہے۔
.
ذریعہ
ذریعہ: Daily Mumtaz
کلیدی لفظ: محسن نقوی
پڑھیں:
آزاد کشمیر الیکشن کے حوالے سے میڈیا کیلیے ضابطہ اخلاق جاری
الیکشن کمیشن آزاد کشمیر نے انتخابات 2026 کے لیے نیا میڈیا ضابطہ اخلاق جاری کر دیا، پالیسی کا مقصد انتخابی عمل میں شفافیت، غیرجانبداری اور ذمہ دارانہ صحافتی روایات کو یقینی بنانا ہے۔
الیکشن کمیشن کے مطابق تمام میڈیا اداروں کو ہدایت کی گئی ہے کہ وہ انتخابی کوریج کے دوران مکمل غیرجانبداری کا مظاہرہ کریں اور ضابطہ اخلاق پر سختی سے عمل درآمد کریں۔
اعلامیے میں کہا گیا ہے کہ پولنگ اسٹیشن کے اندر صرف مجاز میڈیا نمائندوں کو کوریج کی اجازت ہوگی تاہم پولنگ بوتھ کے اندر ووٹنگ کی خفیہ کارروائی کی کسی بھی قسم کی ریکارڈنگ یا فوٹوگرافی سختی سے ممنوع ہوگی۔
الیکشن کمیشن نے پولنگ ختم ہونے سے قبل کسی بھی قسم کے ایگزٹ پول، نتائج یا رجحانات نشر کرنے پر مکمل پابندی عائد کر دی ہے۔ نفرت انگیز، اشتعال انگیز یا فرقہ وارانہ مواد نشر کرنے سے گریز کرنے کی تاکید کی ہے۔
اسی طرح غلط، غیر مصدقہ یا گمراہ کن معلومات نشر کرنا بھی ممنوع قرار دیا گیا۔تمام امیدواروں کو انتخابی کوریج میں مساوی اور منصفانہ نمائندگی دینے کی ہدایت کی گئی ہے۔
الیکشن کمیشن نے واضح کیا ہے کہ ضابطہ اخلاق کی خلاف ورزی پر متعلقہ میڈیا ادارے کی ایکریڈیٹیشن منسوخ کی جا سکتی ہے اور قانونی کارروائی بھی عمل میں لائی جائے گی۔
کمیشن نے تمام میڈیا اداروں سے اپیل کی ہے کہ وہ انتخابی ضابطہ اخلاق پر مکمل عمل درآمد یقینی بنائیں تاکہ انتخابی عمل کے اعتماد اور شفافیت کو برقرار رکھا جا سکے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار