جرائم، آلودگی اور بے ہنگم ہجوم؛ بھارتی دارالحکومت دنیا کے پریشان کن شہروں میں شامل
اشاعت کی تاریخ: 9th, February 2026 GMT
بھارتی دارالحکومت جرائم، آلودگی اور بے ہنگم ہجوم سمیت دیگر بنیادوں پر دنیا کے پرنشان کن شہروں کی فہرست میں شامل ہے۔
دنیا بھر میں سیاحت کے رجحانات جانچنے اور مسافروں کو درپیش مسائل کا جائزہ لینے کے لیے برطانیہ سے تعلق رکھنے والی معروف سروس کمپنیوں SCS Chauffeur اور House Fresh کے ماہرین نے ایک جامع تحقیق کی ہے، جس میں دنیا کے مختلف بڑے شہروں کا تقابلی تجزیہ کیا گیا۔
اس نئی تحقیق کا مقصد یہ جاننا تھا کہ کون سے شہر ایسے عوامل کی وجہ سے سیاحوں کے لیے سب سے زیادہ پریشانی کا باعث بنتے ہیں جو ان کے سفر کے تجربے کو متاثر کرتے ہیں۔
تحقیق میں جرائم کی شرح، فضائی آلودگی، آبادی اور سیاحوں کا غیر معمولی ہجوم، ٹریفک جام اور شہری نظم و نسق جیسے عوامل کو بنیاد بنایا گیا۔ ماہرین کے مطابق یہ تمام عناصر مل کر نہ صرف شہری زندگی کو مشکل بناتے ہیں بلکہ بیرونِ ملک سے آنے والے سیاحوں کے لیے بھی شدید ذہنی دباؤ، خوف اور عدم اطمینان کا سبب بنتے ہیں۔
تحقیقی نتائج کے مطابق دنیا کا سب سے زیادہ پریشان کن شہر جنوبی افریقا کا ساحلی شہر کیپ ٹاؤن قرار پایا، جہاں جرائم پیشہ گروہوں کی سرگرمیاں، اسٹریٹ کرائم اور عدم تحفظ کے واقعات سیاحوں کے لیے بڑا مسئلہ بنے ہوئے ہیں۔
رپورٹ میں بتایا گیا ہے کہ کیپ ٹاؤن میں سیاحوں کو نہ صرف جرائم بلکہ معاشرتی عدم استحکام اور بعض علاقوں میں پولیس کی کمزور موجودگی کا سامنا بھی رہتا ہے۔
اس فہرست میں دوسرا نمبر بھارت کے دارالحکومت نئی دہلی کو دیا گیا ہے، جہاں فضائی آلودگی خطرناک حدوں کو چھو رہی ہے۔ ماہرین کے مطابق نئی دہلی میں آلودگی کی سطح اس قدر زیادہ ہے کہ کئی غیر ملکی سیاحوں کو سانس لینے میں دشواری، آنکھوں میں جلن اور صحت کے دیگر مسائل کا سامنا کرنا پڑتا ہے، جس سے ان کا سیاحتی تجربہ شدید متاثر ہوتا ہے۔
رپورٹ میں مزید بتایا گیا ہے کہ نئی دہلی میں بے تحاشا ہجوم، ٹریفک کا بے قابو دباؤ اور متفرق نوعیت کے جرائم بھی سیاحوں کے لیے پریشانی کا باعث بنتے ہیں۔ تاریخی اور ثقافتی اہمیت کے باوجود شہر کا انفرا اسٹرکچر بڑھتے ہوئے دباؤ کو سنبھالنے میں ناکام دکھائی دیتا ہے، جس کا براہِ راست اثر سیاحت پر پڑتا ہے۔
تحقیق کے مطابق نئی دہلی کے بعد جوہانس برگ، زیورچ، ساؤ پالو، جکارتا، کوالالمپور، میکسیکو سٹی، ایتھنز اور نیپلز کو بھی دنیا کے نسبتاً زیادہ پریشان کن شہروں کی فہرست میں شامل کیا گیا ہے۔ ماہرین کا کہنا ہے کہ اگر یہ شہر بنیادی شہری مسائل پر توجہ دیں تو نہ صرف مقامی آبادی بلکہ عالمی سیاحوں کے لیے بھی ان کا تشخص بہتر ہو سکتا ہے۔
.
ذریعہ
ذریعہ: Al Qamar Online
کلیدی لفظ: پاکستان کھیل سیاحوں کے لیے کے مطابق نئی دہلی دنیا کے گیا ہے
پڑھیں:
کالعدم بی ایل اے سے منسلک ملک دشمن شاعرہ کی تلاش جاری، بھارتی سرپرستی اور اور ریاست مخالف پروپیگنڈے کے شواہد برآمد
بھارتی سرپرستی میں کالعدم بلوچ لبریشن آرمی (بی ایل اے) سے منسلک ملک دشمن خاتون شاعرہ حبیبہ پیرجان کی تلاش کے لیے کارروائیاں جاری ہیں۔ حبیبہ پیرجان نوجوانوں کو نہ صرف ملک دشمنی پر ورغلاتی ہیں، بلکہ اپنی نفرت انگیز پروپیگنڈا شاعری کے ذریعے ریاست مخالف بیانیے کو فروغ دیکر معصوم ذہنوں کو دہشتگردی پر اکساتی ہیں۔
مزید پڑھیں: بی ایل اے بلوچوں کے حقوق کی قاتل، حکام نے کوئٹہ تفتان شاہراہ پر کنٹرول کا دعویٰ مسترد کردیا
ذرائع کا کہنا ہے کہ حبیبہ پیرجان، زوجہ حنیف اور ضلع کیچ کے علاقے دشت کی رہائشی ہیں، جنہیں 25 مئی 2026 کو کراچی کے علاقے گلشنِ مزدور میں ایک مشترکہ انٹیلیجنس بیسڈ آپریشن (آئی بی او) کے دوران ٹریس کیا گیا، تاہم وہ علاقے کا محاصرہ مکمل ہونے سے قبل فرار ہونے میں کامیاب ہوگئیں۔
سیکیورٹی ذرائع کے مطابق کارروائی کے دوران ان کی رہائش گاہ کی تلاشی لی گئی جہاں سے ڈائریاں، ہلاک شدہ بی ایل اے عسکریت پسندوں سے متعلق تحریری ریکارڈ اور دیگر مواد برآمد ہوا جبکہ بھارتی فنڈنگ کے کچھ اہم ثبوت بھی سامنے آئے ہیں۔
ذرائع کا دعویٰ ہے کہ برآمد شدہ مواد اور انٹیلیجنس معلومات سے یہ اشارے ملے ہیں کہ حبیبہ پیرجان کے کالعدم بی ایل اے کے متعدد اہم کمانڈروں، خصوصاً رستم پیرجان، سے قریبی روابط رہے ہیں۔
اطلاعات کے مطابق انہوں نے دشت کے جنگلات میں رستم پیرجان سے کم از کم 2 مرتبہ ملاقات کی، جن میں سے ایک ملاقات رواں برس 14 فروری کو ہوئی تھی۔
سیکیورٹی اداروں کے مطابق دستیاب ریکارڈ سے یہ بھی معلوم ہوا ہے کہ مبینہ طور پر وہ اسلحہ اور دیگر سامان کی ترسیل میں سہولت کاری، بعض بلوچ یکجہتی کمیٹی (بی وائی سی) شخصیات سے رابطوں اور سوشل میڈیا پر بی ایل اے سے منسلک پلیٹ فارمز کے ذریعے بھارتی سرپرستی میں ریاست مخالف زہریلے اور شر انگیز مواد کی تشہیر میں کردار ادا کرتی رہی ہیں۔
مزید پڑھیں: بی ایل اے کی محدود کارروائیاں اور سوشل میڈیا پر بڑا تاثر دینے کی ناکام حکمت عملی
ذرائع کا کہنا ہے کہ حبیبہ پیرجان اپنی شاعری کے ذریعے نوجوانوں کو ورغلانے اور ریاست مخالف بیانیے کو فروغ دینے پر مامور ہیں، جبکہ اس حوالے سے ملنے والے مزید شواہد کا جائزہ لیا جا رہا ہے۔
سیکیورٹی اداروں نے کہا ہے کہ ملک دشمن مطلوب خاتون کی گرفتاری کے لیے مختلف علاقوں میں کارروائیاں جاری ہیں اور تفتیش کو آگے بڑھایا جا رہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بھارتی سرپرستی بی ایل اے خاتون شاعرہ حبیبہ پیرجان رستم پیرجان
وزارت آئی ٹی نے 1.67 ارب روپے سے زاید کے فنڈز طلب کرلیے