بھارتی کرکٹ بورڈ کے سالانہ معاہدے: کوہلی اور شرما کی تنزلی، گروپ بی میں شمولیت
اشاعت کی تاریخ: 9th, February 2026 GMT
بھارتی کرکٹ بورڈ (بی سی سی آئی) نے پیر کے روز 2025-26 سیزن کے لیے ٹیم انڈیا کے سینیئر مرد اور خواتین کھلاڑیوں کے سالانہ معاہدوں کا اعلان کر دیا جس کے تحت سابق کپتان ویرات کوہلی اور روہت شرما کو گروپ بی میں شامل کر دیا گیا ہے۔
یہ بھی پڑھیں: بابراعظم نے ٹی20 انٹرنیشنل میں ایک اور سنگ میل عبور کرلیا، ویرات کوہلی کو پیچھے چھوڑ دیا
مردوں کے شعبے میں 2 فارمیٹس کے کپتان شبمن گل، فاسٹ بولر جسپریت بمراہ اور ٹیسٹ آل راؤنڈر رویندر جدیجا کو گروپ اے میں برقرار رکھا گیا ہے۔
کوہلی اور روہت شرما چونکہ بالترتیب ٹیسٹ اور ٹی 20 کرکٹ سے ریٹائر ہو چکے ہیں اس لیے اب وہ عملاً ایک ہی فارمیٹ کے کھلاڑی رہ گئے ہیں اور یوں اعلیٰ درجے (گروپ اے) کے معیار پر پورا نہیں اتر سکے۔
اگرچہ بی سی سی آئی نے مختلف زمروں کے معاوضے کی رقم ظاہر نہیں کی تاہم گزشتہ سیزنز میں گروپ اے کے کھلاڑیوں کو سالانہ 5 کروڑ روپے، گروپ بی کو 3 کروڑ روپے اور گروپ سی کو ایک کروڑ روپے ادا کیے جاتے رہے ہیں۔
مردوں کے گروپ بی میں شامل دیگر نمایاں کھلاڑیوں میں واشنگٹن سندر، کے ایل راہول، محمد سراج، ہردک پانڈیا، رشبھ پنت، کلدیپ یادیو، یشسوی جیسوال، سوریہ کمار یادیو اور شریاس ائیر شامل ہیں۔
مزید پڑھیے: ویرات کوہلی کا انسٹاگرام اکاؤنٹ اچانک غائب، مداح حیران
خواتین کرکٹ میں ہرمن پریت کور، اسمرتی مندھانا اور جمیما روڈریگز کو گروپ اے میں رکھا گیا ہے جبکہ دیپتی شرما گروپ بی میں شامل ہیں ان کے ساتھ رینوکا ٹھاکر، شیفالی ورما، رچا گھوش اور سنیہ رانا بھی اسی زمرے کا حصہ ہیں۔
بی سی سی آئی نے اس موقع پر واضح کیا کہ اب اے پلس کیٹیگری کو ختم کر دیا گیا ہے۔ یہ درجہ سابقہ کمیٹی آف ایڈمنسٹریٹرز (سی او اے) نے سابق کپتان مہندر سنگھ دھونی کی سفارش پر متعارف کرایا تھا جس کا مقصد تینوں فارمیٹس میں بہترین کارکردگی دکھانے والے کھلاڑیوں کو اضافی انعام دینا تھا۔ ماضی میں صرف 4 کھلاڑی کوہلی، روہت، جدیجا اور بمراہ اس معیار پر پورا اترے تھے۔
مزید پڑھیں: ون ڈے کرکٹ: ڈیرل مچل نے ویرات کوہلی سے نمبر ون بیٹر کا اعزاز چھین لیا
تاہم ان میں سے 3کھلاڑیوں کے ایک یا زائد فارمیٹس سے ریٹائر ہونے کے بعد بی سی سی آئی نے اس کیٹیگری کو برقرار نہ رکھنے کا فیصلہ کیا خصوصاً اس لیے بھی کہ سلیکشن کمیٹی کے نزدیک شبمن گل تاحال تینوں فارمیٹس کے مستقل کھلاڑی ثابت نہیں ہو سکے جس کی مثال ٹی 20 ورلڈ کپ اسکواڈ سے ان کی عدم شمولیت ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بھارتی کرکٹ بورڈ کے معاہدے روہت شرما روہت شرما کی تنزلی کوہلی کی تنزلی ویرات کوہلی.
ذریعہ
ذریعہ: WE News
کلیدی لفظ: بھارتی کرکٹ بورڈ کے معاہدے روہت شرما روہت شرما کی تنزلی کوہلی کی تنزلی ویرات کوہلی ویرات کوہلی گروپ بی میں روہت شرما گروپ اے گیا ہے
پڑھیں:
سعودیہ کی ابراہم معاہدوں میں شمولیت مشرقِ وسطیٰ میں تاریخی پیش رفت ہوگی، نیتن یاہو
عالمی خبر رساں ادارے کے مطابق اسرائیلی وزیراعظم کا اپنے بیان میں کہنا تھا کہ سعودی عرب کی ابراہم معاہدوں میں شمولیت نہ صرف اسرائیل اور عرب دنیا کے تعلقات میں ایک نئے باب کا آغاز کرے گی بلکہ پورے خطے میں استحکام، تعاون اور امن کے امکانات بھی بڑھ جائیں گے۔ اسلام ٹائمز۔ اسرائیلی وزیراعظم بنیامین نیتن یاہو نے کہا ہے کہ اگر سعودی عرب ابراہم معاہدوں میں شامل ہو جاتا ہے تو یہ مشرقِ وسطیٰ میں امن کے لیے ایک "تاریخی جست" ثابت ہوگی۔ عالمی خبر رساں ادارے کے مطابق نیتن یاہو نے اپنے بیان میں کہا کہ سعودی عرب کی ابراہم معاہدوں میں شمولیت نہ صرف اسرائیل اور عرب دنیا کے تعلقات میں ایک نئے باب کا آغاز کرے گی بلکہ پورے خطے میں استحکام، تعاون اور امن کے امکانات بھی بڑھ جائیں گے۔
اسرائیلی وزیراعظم کا یہ بیان امریکی صدر ڈونلڈ ٹرمپ کی جانب سے سعودی عرب کے مجوزہ سول جوہری معاہدے کو اسرائیل سے تعلقات معمول پر لانے سے مشروط کیے جانے کے بعد سامنے آیا ہے۔ صدر ڈونلڈ ٹرمپ نے اپنے سوشل میڈیا پلیٹ فارم ٹروتھ سوشل پر کہا تھا کہ امریکا اور سعودی عرب کے درمیان مجوزہ سول جوہری معاہدے کی حتمی منظوری اس وقت تک نہیں دی جائے گی جب تک سعودی عرب ابراہم معاہدوں میں شامل نہیں ہو جاتا۔
ٹرمپ نے یہ بھی واضح کیا تھا کہ مجوزہ معاہدہ صرف پُرامن اور غیر فوجی مقاصد کے لیے ہوگا اور اس کے تحت سعودی عرب کو یورینیئم افزودگی کی اجازت نہیں دی جائے گی۔واضح رہے کہ ایک روز قبل جب اس مجوزہ جوہری معاہدے کی ابتدائی منظوری کا اعلان کیا گیا تھا تو صدر ٹرمپ نے اسے سعودی عرب اور اسرائیل کے تعلقات معمول پر لانے کی شرط سے منسلک نہیں کیا تھا، تاہم بعد ازاں انہوں نے واضح کیا کہ دونوں معاملات ایک دوسرے سے وابستہ ہیں۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا