پاک بھارت میچ پر محسن نقوی سے آئی سی سی ملاقات کی اندرونی کہانی
اشاعت کی تاریخ: 9th, February 2026 GMT
پاکستان کرکٹ بورڈ (پی سی بی)، انٹرنیشنل کرکٹ کونسل (آئی سی سی) اور بنگلادیش کرکٹ بورڈ کے درمیان ملاقات کی اندرونی کہانی سامنے آگئی ہے۔
تفصیلات کے مطابق بنگلادیش کرکٹ بورڈ کو راضی کرنے سے پاکستان کرکٹ بورڈ بھی پاک بھارت میچ کیلئے راضی ہوجائےگا۔ پاکستان نے آئی سی سی کے ڈپٹی چیئرمین کے ساتھ ہونے والی ملاقات میں اہم نکتے پر آواز اٹھا دی۔ایک رپورٹ میں کیے گئے دعوے کے مطابق پاکستان کرکٹ بورڈ نے آئی سی سی سے مطالبہ کیا ہےکہ بنگلادیش کرکٹ بورڈ کو آئی سی سی ریونیو کا شیئر ملنا چاہیے اور آئی سی سی ضمانت دے کہ بھارت ستمبر میں بنگلہ دیش کا دورہ کرے گا۔رپورٹ کے مطابق یہ مطالبہ بھی آئی سی سی کے سامنے رکھا گیا کہ پی سی بی اور بی سی سی آئی کےدرمیان ہائبرڈماڈل کی توسیع 2031 ورلڈ کپ تک ہونی چاہیے۔
واضح رہے کہ ٹی ٹوئنٹی کرکٹ ورلڈکپ میں 15 فروری کو پاکستان اور بھارت کے درمیان ٹاکرا ہوگا یا نہیں؟فیصلہ وزیراعظم شہباز شریف اور چیئرمین پاکستان کرکٹ بورڈ محسن نقوی کے درمیان ملاقات میں ہونے کی توقع کی جارہی ہے۔ پی سی بی نے آئی سی سی کو واضح کیا ہے کہ میچ پر حتمی فیصلہ حکومتِ پاکستان کا ہوگا۔وزیراعظم سے ملاقات محسن نقوی انٹرنیشنل کرکٹ کونسل کی درخواست سے بھی وزیراعظم کو آگاہ کریں گے۔ اس سے قبل پاکستان نے بنگلہ دیش سے اظہارِ یکجہتی کیلئے پاک بھارت میچ کے بائیکاٹ کا فیصلہ کیا تھا.
ذریعہ
ذریعہ: Nawaiwaqt
کلیدی لفظ: پاکستان کرکٹ بورڈ محسن نقوی
پڑھیں:
گورنر خیبرپختونخوا سے ترک سفیر کی ملاقات ، باہمی تعاون ،دوطرفہ امور پر تبادلہ خیال
اسلام آباد (اُردو پوائنٹ اخبارتازہ ترین - اے پی پی۔ 02 جون2026ء) گورنر خیبرپختونخوا فیصل کریم کنڈی سے ترک سفیر ڈاکٹر عرفان نذیر اوغلو نے ملاقات کی،جس میں پاک ترک تعلقات، باہمی تعاون اور دوطرفہ امور پر تبادلہ خیال کیا گیا۔منگل کو گورنر آفس اسلام آباد سے جاری بیان کے مطابق ملاقات میں پاکستان اور ترکیہ کے برادرانہ تعلقات مزید مضبوط بنانے کے عزم کا اظہار کیا گیا۔دونوں رہنماؤں کے درمیان تجارت، سرمایہ کاری، تعلیم اور ثقافت کے شعبوں میں تعاون بڑھانے پر گفتگو ہوئی اورخیبرپختونخوا اور ترکیہ کے درمیان اقتصادی روابط کے فروغ پر تبادلہ خیال کیا گیا۔اس موقع پرگورنر خیبرپختونخوانے کہا کہ پاک۔بھارت جنگ میں ترکیہ نے پاکستان کا بھرپور ساتھ دیا،نئی نسل کو پاک ترک دوستی میں متحرک کرنا انتہائی ضروری ہے۔(جاری ہے)
انہوں نے کہا کہ خیبرپختونخوا کے تاجروں اور طلبہ کے ترکیہ دوروں کا سلسلہ شروع کیا جائے،دونوں ممالک کے ثقافتی اور ادبی وفود کے دورے بھی انتہائی ضروری ہیں، ایسے اقدامات سے ترکیہ اور پاکستان دوستی مزید مضبوط ہو گی۔گورنر خیبرپختونخوا نے کہا کہ زراعت کے شعبہ میں بھی دونوں ممالک بالخصوص خیبرپختونخوا میں ترقی اور سرمایہ کاری کے وسیع امکانات ہیں۔ گورنر خیبرپختونخوا نے پشاور کو ترکیہ کے کسی بڑے شہر کے ساتھ سسٹر سٹی قرار دینے کی تجویز پیش کی۔ترک سفیر نے بتایا کہ پشاور کو ترکیہ کے ایک شہر کے ساتھ سسٹر سٹی قرار دیا جائے گا، پاکستان کے نوجوانوں کو آئی ٹی اور جدید ٹیکنالوجی کے شعبوں میں تربیت کے مواقع فراہم کرنے کے لئے تعاون کریں گے۔ ترک سفیر نے وزیراعظم یوتھ پروگرام کو نوجوانوں کی ترقی کے لئے ایک مثبت اور موثر اقدام قرار دیا۔ترک سفیر نے کہا کہ پاکستان اور ترکیہ کے درمیان تعلیم، ٹیکنالوجی اور نوجوانوں کی استعداد کار بڑھانے کے شعبوں میں تعاون مزید فروغ پائے گا۔ملاقات میں پاکستان پیپلز پارٹی کے خیبر پختونخوا اسمبلی میں پارلیمانی لیڈر احمد کنڈی بھی موجود تھے۔
وزارت آئی ٹی نے 1.67 ارب روپے سے زاید کے فنڈز طلب کرلیے