تعمیراتی کاموں کے نام پر شہریوں کا استحصال‘ٹریفک جام عذاب بن گیا
اشاعت کی تاریخ: 10th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
کراچی ( اسٹاف رپورٹر) کراچی میں سڑکوں کی تعمیر و مرمت کے سست روی کا شکار منصوبوں نے شہرِ قائد کو بدترین ٹریفک جام کے جہنم میں دھکیل دیا ہے۔ انتظامیہ کی نااہلی اور ناقص حکمت عملی کے باعث منٹوں کا سفر گھنٹوں میں طے ہونا روز کا معمول بن گیا ہے جس نے شہریوں کی زندگی اجیرن کر دی ہے۔ تفصیلات کے مطابق شہر کی مختلف اہم شاہراہوں پر جاری تعمیراتی کام نے ٹریفک کی روانی کو مکمل طور پر مفلوج کر دیا ہے۔ تین ہٹی، گرومندر، جیل چورنگی، لسبیلہ اور گولی مار جیسے گنجان آباد علاقوں میں ٹریفک کا ایسا بدترین دباؤ دیکھا جا رہا ہے کہ گاڑیاں رینگنے پر مجبور ہیں۔ سڑکوں کی بندش اور کھدائی کے باعث متبادل راستوں پر بھی بوجھ بڑھ گیا ہے جس سے پورے وسطی شہر کا نظامِ زندگی مفلوج ہو کر رہ گیا ہے۔گھنٹوں ٹریفک میں پھنسے رہنے کے باعث درجنوں شہریوں کی گاڑیوں کا پیٹرول دورانِ سفر ختم ہو گیا جس کی وجہ سے سڑکوں کے بیچ و بیچ گاڑیوں کی لمبی قطاریں لگ گئیں۔ مریضوں کو لے جانے والی ایمبولینسز بھی ٹریفک میں پھنسی رہیں جبکہ دفاتر اور تعلیمی اداروں کو جانے والے افراد ذہنی کوفت اور مالی نقصان کا شکار ہو رہے ہیں۔ ذرائع کا کہنا ہے کہ اس بدترین صورتحال کی بڑی وجہ ٹریفک افسران کی ناقص حکمت عملی ہے۔ عوامی شکایات کے باوجود سڑکوں پر ٹریفک کی روانی برقرار رکھنے کیلیے کوئی ٹھوس پلاننگ نظر نہیں آرہی۔ انتہائی افسوسناک انکشافات کے مطابق ٹریفک سینٹرل کے افسران نے پورے نظام کو یرغمال بنا رکھا ہے۔ افسرانِ بالا کو زمینی حقائق کے بجائے سب اچھا کی رپورٹ دی جاتی ہے،۔
ذریعہ
ذریعہ: Jasarat News
پڑھیں:
لاہور میں وین ڈرائیور سے بدتمیزی ٹریفک وارڈن کو مہنگی پڑ گئی
لاہور میں نجی کوریئر کمپنی کی وین کے ڈرائیور سے بدتمیزی کرنے پر ٹریفک وارڈن کو معطل کر دیا گیا۔
سی ٹی او لاہور سید عبدالرحیم شیرازی نے فوری ایکشن لیتے ہوئے واقعے کی تحقیقات کے لیے ایس پی صدر کو انکوائری کا حکم دے دیا۔
ٹریفک پولیس افسر کا کہنا تھا کہ انکوائری رپورٹ کی روشنی میں مزید کارروائی ہوگی، شہریوں سے حسنِ سلوک پر کوئی سمجھوتہ نہیں کیا جائے گا۔
سی ٹی او لاہور نے ٹریفک پولیس میں نظم و ضبط اور عوامی احترام اولین ترجیح قرار دیتے ہوئے کہا کہ اختیارات کے ناجائز استعمال کی اجازت نہیں دی جائے گی، انکوائری مکمل ہونے پر حقائق عوام کے سامنے لائے جائیں گے۔
شہری کے مطابق ٹریفک وارڈن نے رکنے کا اشارہ کیا لیکن اشارہ نظر نہیں آیا، تاہم آگے جا کر رکا جس پر ٹریفک وارڈن نے گاڑی کے اندر سوار ہو کر تشدد کا نشانہ بنایا اور گالم گلوچ کی۔ موقع پر وارڈن نے آن لائن چالان بھی جمع کروایا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ