data-id="863a0a8" data-element_type="widget" data-e-type="widget" data-widget_type="theme-post-content.default">
کراچی (کامرس رپورٹر) پیر کو کاروبار کے مثبت آغاز کے بعد فروخت کا دباؤ غالب آنے سے پاکستان اسٹاک ایکسچینج میں کاروبار کا اختتام مندی پر ہوا، کے ایس ای 100انڈیکس 1700پوائنٹس گھٹ گیا اور مارکیٹ نے2نفسیاتی حدیں کھو دیں،ہنڈریڈ انڈیکس184,100کی سطح سے کم ہو کر182,300کی سطح پر بند ہوا۔مارکیٹ میں سرمایہ کاروں کے 172ارب روپے ڈوب گئے جبکہ 57.
79فیصد حصص کی قیمتیں بھی گھٹ گئیں۔کاروبار کے دوران مارکیٹ کے اہم شعبوں بشمول آٹو موبائل اسمبلرز، سیمنٹ، کمرشل بینکوں، تیل و گیس کی تلاش کرنے والی کمپنیوں اور آئل مارکیٹنگ کمپنیوں میں فروخت کا رجحان دیکھا گیا۔جس کی وجہ سے مارکیٹ تنزلی کا شکار رہی۔ماہرین کے مطابق جغرافیائی و سیاسی غیر یقینی صورتحال، مقامی منافع بخش شرح میں اضافہ، بیرونی تجارتی چیلنجز اور مختلف شعبوں کی ملی جلی کارکردگی کے باعث سرمایہ کارمارکیٹ سے سائیڈ لائن رہے۔پاکستان اسٹاک مارکیٹ میں پیر کو کے ایس ای 100انڈیکس میں 1789پوائنٹس کی کمی ہوئی اور انڈیکس184,129پوائنٹس سے گھٹ کر 182,340پوائنٹس پر بند ہوا۔ اسی طرح 583 پوائنٹس کی کمی سے 55,695پوائنٹس اورکے ایس ای آل شیئرز انڈیکس 110,763پوائٹس سے کم ہو کر 109,847 پوائنٹس پر آگیا۔ کاروباری مندی کی وجہ سے مارکیٹ کے سرمائے میں 172ارب63کروڑ40لاکھ38ہزار799روپے کی کمی واقع ہوئی اور سرمائے کا مجموعی حجم 20710ارب14کروڑ49لاکھ89ہزار649روپے رہ گیا۔اسٹاک ایکسچینج میں پیر کو 58ارب روپے مالیت کے 93کروڑ13لاکھ حصص کے سودے ہوئے جبکہ گزشتہ کاروباری ہفتے کے آخری روز جمعہ کو 60ارب روپے مالیت کے 1ارب27کروڑ26لاکھ حصص کے سودے ہوئے تھے۔پاکستان اسٹاک مارکیٹ میں پیر کو مجموعی طور پر481کمپنیوں میں شیئرز کا کاروبار ہوا جس میں سے 161کمپنیوں کے حصص کی قیمتوں میں اضافہ،278میں کمی اور42کمپنیوں کے حصص کی قیمتوں میں استحکام رہا۔کاروبار کے لحاظ سیکے الیکٹرک لمیٹڈ،بینک آف پنجاب ،آغا اسٹیل انڈسٹریز ،نیشنل بینک اور پاک انٹر نیشنل بلک سر فہرست رہے۔قیمتوں میں اتار چڑھاو کے اعتبار سے نیسلے پاکستان لمیٹڈ کا بھاو412.53روپے بڑھ کر8265.26روپے ہو گیا۔ اسی طرح 123.56روپے کے اضافے سے سازگار انجینئرنگ ورکس لمیٹڈ کے حصص کی قیمت 2455.81روپے ہو گئی اسی طرح پی آئی اے ہولڈنگ کمپنی لمیٹڈ کا بھاو282روپے گھٹ کر 18950روپے ہو گیا۔ اسی طرح 279.08روپے کی کمی سے یونی لیور پاکستان فوڈز لمیٹڈ کے حصص کی قیمت 26500روپے پر آگئی۔
کامرس رپورٹر
گلزار
ذریعہ
ذریعہ: Jasarat News
کلیدی لفظ:
مارکیٹ میں
کے حصص کی
پیر کو
کی کمی
پڑھیں:
شیخ رشید نے راولپنڈی ڈسٹرکٹ بار میں رکنیت بحالی کی درخواست جمع کرا دی
راولپنڈی (ڈیلی پاکستان آن لائن) عوامی مسلم لیگ کے سربراہ شیخ رشید احمد نے راولپنڈی ڈسٹرکٹ بار ایسوسی ایشن میں اپنی رکنیت بحالی کے لیے باضابطہ درخواست جمع کرا دی۔
نجی ٹی وی چینل دنیا نیوز کے مطابق شیخ رشید احمد کا کہنا تھا کہ زندگی کا ایک عجوبہ کام جو مجھے بہت پہلے کرنا چاہئے تھا، اب کر رہا ہوں، مجھے بار کی رکنیت 50 سال پہلے حاصل کرنی چاہیے تھی۔
ان کا کہنا تھا کہ سردار رازق کے چیمبر کے ذریعے ڈسٹرکٹ بار کی رکنیت کی بحالی کی درخواست کر رکھی ہے۔
شیخ رشید نے کہا کہ ڈسٹرکٹ بار کی رکنیت بحال ہو گئی تو بار کی سیاست نہیں کروں گا، صرف اور صرف سردار رازق کے چیمبر میں بیٹھ کر پریکٹس کروں گا۔
ایف آئی اے نے جعلی دستاویزات پر بیرون ملک جانے والی 2 خواتین کو آف لوڈ کر دیا ، 2 ایجنٹ گرفتار
مزید :
وزارت آئی ٹی نے 1.67 ارب روپے سے زاید کے فنڈز طلب کرلیے