سوشل میڈیا کمپنیوں کے خلاف تاریخی مقدمہ، آپریٹنگ طریقہ کار بدلنے کا امکان
اشاعت کی تاریخ: 10th, February 2026 GMT
واشنگٹن (ویب ڈیسک) امریکا میں سوشل میڈیا پلیٹ فارمز کیخلاف ایک اہم اور تاریخی مقدمہ زیرِ سماعت ہے جو مستقبل میں ان کمپنیوں کے آپریٹ کرنے کے طریقے کو یکسر تبدیل کر سکتا ہے۔
یہ مقدمہ لاس اینجلس کی ایک اعلیٰ عدالت میں دائر کیا گیا ہے کہ انہوں نے اپنے پلیٹ فارمز کو جان بوجھ کر نشہ آور بنایا، بالکل اسی طرح جیسے 1980 کی دہائی میں تمباکو اور سگریٹ کی صنعت نے صارفین کو عادی بنانے کی کوشش کی تھی۔
عدالتی کارروائی کے تحت سوشل میڈیا کمپنیوں کو مجموعی طور پر 22 بیل ویدر مقدمات کا سامنا کرنا ہوگا، پہلے مقدمے میں بیانات کا آغاز پیر سے ہوگا جس میں میٹا کے چیف ایگزیکٹو مارک زکربرگ سمیت دیگر بڑی ٹیکنالوجی کمپنیوں کے سربراہان کے بیانات متوقع ہیں۔
ان مقدمات میں سوشل میڈیا کمپنیوں کے دفاع کی بنیاد امریکا کے مواصلاتی ایکٹ کے سیکشن 230 پر رہی ہے، جو آن لائن پلیٹ فارمز کو اس بنیاد پر قانونی تحفظ فراہم کرتا ہے کہ وہ صارفین کے تیار کردہ، یعنی تھرڈ پارٹی مواد کو شائع کرتے ہیں۔
سیکشن 230 کے مطابق صارفین کی جانب سے پوسٹ کیے گئے مواد کی قانونی ذمہ داری پلیٹ فارمز پر عائد نہیں ہوتی، تاہم موجودہ مقدمہ اس قانونی تحفظ کو ایک نئے زاویے سے چیلنج کرتا دکھائی دے رہا ہے۔
واضح رہے کہ گزشتہ برسوں کے دوران متعدد افراد اور اداروں نے انسٹاگرام، فیس بک، یوٹیوب، ٹک ٹاک اور سنیپ چیٹ کو آن لائن نقصانات، خاص طور پر نوجوانوں کی ذہنی صحت پر منفی اثرات کے الزامات کے تحت عدالت میں گھسیٹنے کی کوشش کی، تاہم وہ اب تک کامیاب نہیں ہو سکے۔
.
ذریعہ
ذریعہ: Daily Mumtaz
کلیدی لفظ: کمپنیوں کے سوشل میڈیا پلیٹ فارمز
پڑھیں:
مئی ، 3161 نئی کمپنیاں رجسٹرڈ، مجموعی تعداد 297,239 ہو گئی، ایس ای سی پی
اسلام آباد، گزشتہ مہینے پاکستان میں 3ہزار 161نئی کمپنیاں رجسٹرڈ(companies registerd) ہوئیں جس کے بعد رجسٹرڈ کمپنیوں کی مجموعی تعداد 2لاکھ 97 ہزار 239 تک پہنچ گئی۔ ڈیجیٹلائزیشن کے باعث 99.9 فیصد کمپنیاں آن لائن رجسٹر کی گئیں۔
ایس ای سی پی کے مطابق صوبائی اور علاقائی لحاظ سے مئی کے دوران سب سے زیادہ ایک ہزار 643 کمپنیاں پنجاب میں رجسٹر ہوئیں، جبکہ وفاقی دارالحکومت اسلام آباد میں 596 اور سندھ میں 479 کمپنیاں رجسٹر کی گئیں۔
خیبر پختونخوا میں 260، گلگت بلتستان میں 112 اور بلوچستان میں 71 کمپنیاں رجسٹر کی گئیں۔ انفارمیشن ٹیکنالوجی اور ای کامرس کا سیکٹر سرفہرست رہا، جہاں آئی ٹی میں سب سے زیادہ 598 نئی کمپنیاں رجسٹر ہوئیں۔
اس کے بعد ٹریڈنگ میں 503 ، سروسز سیکٹر میں 404 ، رئیل اسٹیٹ اور کنسٹرکشن میں 303 جبکہ سیاحت اور ٹرانسپورٹ کے شعبے میں 206 نئی کمپنیوں نے رجسٹریشن کرائی۔ مئی میں 17 ممالک کے سرمایہ کاروں نے پاکستان میں سرمایہ کاری کی۔
مزید پڑھیں:بجٹ 2026-27، پائیڈ کی کم از کم ماہانہ تنخواہ 45 ہزار روپے مقرر کرنے کی تجویز
چین سرفہرست رہا جہاں کے نواسی شیئر ہولڈرز نے کمپنیوں میں ڈائریکٹر شپ حاصل کی۔ تمام غیر ملکی کمپنیوں کا مجموعی ادا شدہ سرمایہ تیرہ کروڑ چورانوے لاکھ روپے ہے۔
وزارت آئی ٹی نے 1.67 ارب روپے سے زاید کے فنڈز طلب کرلیے